Ep'esio 4:11 - Tachi Ak'õre Pedea

¹¹ Ichiapuru chi eda waapẽarã bɨsima ichia peedaɨrã p'ananamẽrá, waapẽarã bɨsima Tachi Ak'õre pari pedeapataɨrã p'ananamẽrá, waapẽarã bɨsima chi pedea pia Cristo k'orea jaratea nipadamẽrá, mãɨnepa waapẽarã bɨsima ũpẽarã ak'ɨpataɨrã mãɨnepa jarateapataɨrã p'ananamẽrá.

Ep'esio 4:11 ပူးပေါင်းရင်းမြစ်များ

Mateo 28:20

Ãchiá jarateat'ɨ mɨa mãrá jarada jõma ĩjãanak'ari oodamẽrá. Mãɨne mɨ mãra ome ewaricha baipɨ aba nãɨ ewari jõrunea.

Hecho 13:1

Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Hecho 21:8

Norema wãnak'ari Cesarea p'uurude chesidama. Mãma P'elipe tede p'aneesidama. Mãɨ P'elipe chi pedea pia Jesú k'orea jaraparí pasima. Ũpẽarã k'aripapataɨrã siete jɨrɨ atadaadadepema pasima.

Romano 12:7

Chi tearua teasima waapẽarã k'aripadamẽrá. Mãɨya teasipɨra, chi tearua k'aripadai p'anɨma. Chi tearua teasima ichi pedea jarateadamẽrá. Mãɨya teasipɨra, ichi pedea jarateadai p'anɨma.

1 Corintio 12:4

Tachi Ak'õre Jaore aba bɨpa tachiá tea bɨma ne wawaria oodamẽrá.

Ep'esio 2:20

Mãra mawara te jĩra p'anɨma. Jesupa peedaɨrã mãɨnepa Tachi Ak'õre pari pedeapataɨrã mãɨ te jĩru mawara jĩra p'anɨma. Mãɨ tedepema mawara chi piipará bɨ, Jesucristopɨ.

Ep'esio 3:5

Naena Tachi Ak'õrepa ẽpẽrarã́ mãɨ k'awapiwẽa basima, maamina naapae chi ichi pari pedeapataɨrã́ mãɨnepa chi Jesucristopa peedaɨrã́ ichi Jaoredepa mãɨ k'awapisima.

Ep'esio 4:8

Tachi Ak'õre pedeade nãɨya bɨ bɨma: «Ichi ɨt'aa wãside ichi nek'ĩramá p'uek'oada eda serra bɨde ateesima. Maapae nepia be teasima ẽpẽrarã́».

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

Hebreo 5:12

Minachia tãaraa bɨma mãrapa Jesude ĩjãanaanat'a. Mãɨpuru idi mãra Tachi Ak'õre pedea jarateapataɨrã padai beasima. Maamina abaɨpa chi Tachi Ak'õre k'orea naa jarateada mãrá mãicha jarateai bɨma juba topiru jĩra. Warra chak'e jĩra p'anɨẽra chik'o k'odai k'aepẽra jubat'u todai p'anɨma.

Juda 1:17

Maamina ũpẽarã, chi Tachi Chipari Jesucristopa peedaɨrãpa naena jaradada k'ɨ̃risiat'ɨ.

Apocalipsi 18:20

¡Jõma pajãne be arapaat'ɨ jãɨ p'uuru jõna pẽra! Ẽpẽerã Tachi Ak'õreneerã, Jesupa peedaɨrã mãɨnepa Tachi Ak'õre pari pedeapataɨrã arapaat'ɨ. Tachi Ak'õrepa jãɨ p'uuru ɨtɨasima, mãra piawẽa ooda pẽra».

Apocalipsi 21:14

Mãɨ p'uuru audu jũk'a bɨ doce mawara ɨ̃rɨ basima. Mawaracha chi Oveja Chak'epa doce peedaɨrã t'ɨ̃ aba bɨ basima.