Ep'esio 4:10 - Tachi Ak'õre Pedea

¹⁰ Chi ɨt'ɨpa edá chedat'a mãicha chi pajã atepe ɨt'ɨ pará bɨmá wãsima ne ãarea ichidepa p'ananamẽrá.

Ep'esio 4:10 ပူးပေါင်းရင်းမြစ်များ

Mateo 24:34

Mɨa mãrá piarã jararuma: nãɨ ewaridepema ẽpẽrarã piudai naena mãɨ ãarea mãɨyaipɨ.

Luca 24:44

Mãɨya bak'ari ãchiá jarasima: —Mɨ wapida mãra ome baside jara bapachima mɨ k'orea naa bɨdada jõma mãɨyai bɨ. Mãɨ Moisepa bɨsima, Tachi Ak'õre pari pedeapataɨrãpa bɨsidama, mãɨnepa Salmo k'art'ade pida bɨ bɨma.

Juan 1:16

Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

Juan 19:24

Mãɨne papaká berãpa ãchi tuaba jarasidama: —Nãɨ k'õanaiwẽma. Pia bɨma nãɨ k'orea ne jemenanai, mãɨ k'aipa jitai k'awayá. Ara mãɨya mãɨt'u chi ãchia oosidama. Mãɨyasima Tachi Ak'õre pedeade naena bɨda jĩra: «Mɨa ɨ̃rɨa anamari jɨ̃ bada ãchicha jedasidama; mãɨnepa mɨa neet'á ek'ari jɨ̃ bada atadai k'orea jemenasidama».

Juan 19:28

Mãɨya jarak'ari Jesupa k'awasima ichia ooi pada ãarea oosit'a. Mãɨne jarasima: —Mɨ opisia bɨma. Mãɨ jarasima Tachi Ak'õre pedeade jara bɨ jĩra.

Juan 19:36

Ãarea mãɨ piarã mãɨyasima Tachi Ak'õre pedeade bɨ bɨ jĩra. Nãɨya bɨ bɨma: «Ichi bɨɨrɨ aba pida bɨap'et'adaé pasima».

Hecho 1:11

Mãɨ ẽpẽerãpa nãɨya jarasidama: —Galileadepemarã, ¿k'ãre k'orea pajãnea ak'ɨ p'anɨma? Ara mãɨ Jesú pajãnea wãna mãicha cheipɨ ara machia pajãnea wãru ununana jĩra.

Hecho 1:9

Jesupa mãɨya jarak'ari ãareaɨrãpa ak'ɨ p'anɨne ɨt'aa ateewãsima. Mãɨne jɨ̃arapa ichi ɨ̃rɨ ãarea p'ãriona pẽra waa ununaé pasima.

Hecho 2:33

Tachi Ak'õrepa ichi juaraari Jesú chi atepe bɨ bɨsima. Maapae ichi Jaore teai jarada Jesua teasima, ichiaba ichidirã́ teamẽrá. Jesupa mãɨ Jaore piarã taiyá teasima. Chi mãrapa unu p'anɨt'a mãɨnepa ũri p'anɨt'a ichi Jaorepa mãɨya oopi bɨma.

Hecho 3:18

Maamina mãɨneepuru Tachi Ak'õrepa naena jarada ãarea mãɨyapisima. Chi ichi pari pedeapataɨrãnepa jarasima ichia Tachi K'aripaparí teai jarada minachia mĩak'ari piuit'a.

2 Corintio 12:2

Mɨa Cristode ĩjãaparí ẽpẽra aba k'awa bɨma. Catorce ãyo pa baside Tachi Ak'õrepa mãɨ ũpẽa pajãnea ichi bɨmá ateewãsima. Mɨa atua bɨma Tachi Ak'õrepa ichi k'ak'uat'u ateewã basit'a wa abapuru ichi jaoret'a ateewã basit'a. Tachi Ak'õrepuru mãɨ k'awa bɨma.

Ep'esio 3:19

Ara tachi k'ɨ̃risiadepa p'ue k'awadak'amina mɨa ɨt'aa chiidi bɨma mãrapa mãɨ k'awadamẽrá. K'awasidara ne ãareaɨne Tachi Ak'õre jĩra p'ananaipɨ.

Colosense 1:19

Tachi Ak'õrepa k'ɨ̃riasima Cristo ara ichi jĩra bait'a.

Colosense 2:9

Cristo, ẽpẽra k'ak'uade bɨt'a, mãɨ piarã Tachi Ak'õrepɨ.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

Hebreo 4:14

Tachi Ak'õre Warra Jesú, tachi P'aare minachia k'awa bɨ pajãnea wãsima. Ichide ĩjãa p'anɨane a p'anɨ pẽra, piarã ĩjãa p'ananai p'anɨma.

Hebreo 7:26

Tachi P'aare minachia k'awa bɨ Jesupa ne ãareaɨne tachi p'ue k'aripaipɨ. Nemietá ook'ama, ne ãareaɨne jĩp'a bɨma. Tachi Ak'õrepa ichi pia unu bɨma. Chi nemietá oopataɨrã t'ãenapema ãyá bɨk'ari pajãne chi atepe bɨsima.

Hebreo 8:1

Chi k'ɨ̃risia taipa minachia jara p'anɨt'a nãɨpɨ: tachi P'aare minachia k'awa bɨ pajãne Tachi Ak'õre suak'a beeparí auk'ará bɨde juaraari suak'abari bɨma,