Ep'esio 3:5 - Tachi Ak'õre Pedea

⁵ Naena Tachi Ak'õrepa ẽpẽrarã́ mãɨ k'awapiwẽa basima, maamina naapae chi ichi pari pedeapataɨrã́ mãɨnepa chi Jesucristopa peedaɨrã́ ichi Jaoredepa mãɨ k'awapisima.

Ep'esio 3:5 ပူးပေါင်းရင်းမြစ်များ

Mateo 13:17

Mɨa piarã jararuma: Tachi Ak'õre pari pedeapataɨrã minachia p'anɨrãpa, ẽpẽerã jĩp'a be ome unu k'ɨ̃ria p'anasidama mãrapa unu p'anɨt'a. Maamina ununaé pasima. Ichiaba mãrapa ũri p'anɨt'a ũri k'ɨ̃ria p'anasidamina ũrinaé pasima.

Mateo 20:7

Ãchia p'anoosidama: “Abaɨ pida taiyá mimiat'a teadawẽma”. Mãɨne ichia jarasima: “Mãra sida mɨ uva k'ãena mimiane wãt'ɨ. Mãɨpari mɨa erreara ara machia mimiauta jĩra teaipɨ”.

Mateo 23:34

Mɨa Tachi Ak'õre pari pedeapataɨrã, k'ɨ̃risia k'awa berã mãɨnepa Moisepa bɨda jarateapataɨrã mãramá peeipɨ. Maamina mãrapa chi eda waapẽarã peadaipɨ mãɨnepa chi eda waapẽarã k'urusude barijira bɨdaipɨ. Waapẽarã mãra judiorã ará pedeapataɨ tede soapa p'edaipɨ mãɨnepa p'uurucha ẽp'ẽnaipɨ.

Luca 10:24

Piarã Tachi Ak'õre pari pedeapataɨrã minachia p'anɨrãpa mãɨnepa poro jũra jɨ̃parí jɨ̃ p'anɨrãpa mãrapa unu p'anɨt'a unu k'ɨ̃ria p'anasidama, maamina ununaé pasima. Ichiaba mãrapa ũri p'anɨt'a ũri k'ɨ̃ria p'anasidamina ũrinaé pasima».

Luca 11:49

Mãɨ k'orea Tachi Ak'õrepa ichi k'ɨ̃risiadepa nãɨya jarasima: “Mɨ pari pedeapataɨrã mãɨnepa mɨa peedarã sida mãra israel ĩjũanepemarãmá wãpiipɨ. Mãɨne chi eda waapẽarã peadaipɨ mãɨnepa chi eda waapẽarã ẽp'ẽnaipɨ”.

Juan 14:26

Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Juan 16:13

Maamina Tachi Ak'õre Jaorepa piarã pedea k'awapipari pẽra ichi cherude mãrá jarateaipɨ chi piarã pedea Tachi Ak'õrenepa che bɨt'a jõma k'awadamẽrá. Ichi ara ichi k'ɨ̃risiadepa pedeawẽma, mãɨpari ãarea mɨnepa ũri bɨt'a jaraipɨ. Ichia mãrá k'awapiipɨ mãɨ sãait'a.

Hecho 10:28

Maapae ichia jarasima: —Mãrapa k'awa p'anɨma tai judiorã judiorãwẽ ome p'ɨrrɨadaiwẽa p'anɨt'a mãɨnepa judiorãwẽ tede eda wãnaiwẽa p'anɨt'a. Maamina Tachi Ak'õrepa mɨá k'awapisima abaɨ k'orea mɨa mãɨ Tachi Ak'õre k'ĩrari piawẽa bɨade aiwẽa bɨma, wa ichi mietá bɨade aiwẽa bɨma.

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

1 Corintio 2:10

Jõma makɨɨ Tachi Ak'õrepa ichi Jaoredepa tachiá k'awapisima. Ichi Jaorepa nejõma k'awa bɨma. Chi Tachi Ak'õre k'ɨ̃risia sida jõma k'awa bɨma.

Ep'esio 2:20

Mãra mawara te jĩra p'anɨma. Jesupa peedaɨrã mãɨnepa Tachi Ak'õre pari pedeapataɨrã mãɨ te jĩru mawara jĩra p'anɨma. Mãɨ tedepema mawara chi piipará bɨ, Jesucristopɨ.

Ep'esio 3:9

Tachi Ak'õre chi nejõma oodapa mɨ bɨsima jõmãɨrã́ k'awapimẽrá sãmaasã́ oosit'a ichia jua chiwidieda ooi k'ɨ̃risia bada. Mãɨ ooi k'ɨ̃risia bada naena k'awapiwẽa basima.

2 Pedro 3:2

Mɨa k'ɨ̃ria bɨma Tachi Ak'õre pari pedeapataɨrãpa naena jaradaadade mãrapa k'ɨ̃risiadamẽrá. Mãɨnepa k'ɨ̃ria bɨma Jesucristo Tachi Chipari mãɨnepa Tachi K'aripaparipa jarateadade k'ɨ̃risiadamẽrá. Mãɨ ichia peedaɨrãpa mãrá jarateasidama.

Juda 1:17

Maamina ũpẽarã, chi Tachi Chipari Jesucristopa peedaɨrãpa naena jaradada k'ɨ̃risiat'ɨ.