Ep'esio 3:19 - Tachi Ak'õre Pedea

¹⁹ Ara tachi k'ɨ̃risiadepa p'ue k'awadak'amina mɨa ɨt'aa chiidi bɨma mãrapa mãɨ k'awadamẽrá. K'awasidara ne ãareaɨne Tachi Ak'õre jĩra p'ananaipɨ.

Ep'esio 3:19 ပူးပေါင်းရင်းမြစ်များ

Mateo 5:6

Pia p'anɨma chi ãchi sõne jĩp'a oo k'ɨ̃ria p'anɨrã, mãɨ ãchia k'ɨ̃ria be Tachi Ak'õrepa teai pẽra.

Juan 1:16

Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Romano 8:35

¿K'aipa tachi Cristopa k'ɨ̃ria bɨdepema p'ue ãyá bɨima? Ewari chaarea cherude, minachia mĩa p'anɨne, ẽpẽrarãpa tachi ẽp'ẽ p'anɨne, jarra cherude, neet'á nea p'anɨne, k'achiade p'anɨne, ẽpẽrarãpa pea k'ɨ̃ria p'anɨne mi ãpia pida tachi Cristopa k'ɨ̃ria bɨdepema p'ue ãyá bɨiwẽma.

2 Corintio 5:14

Cristopa tai k'ɨ̃ria bɨ pẽra ichia k'ɨ̃ria bɨt'a oo p'anɨma. Mãɨ k'ɨ̃risiadak'ari, piarã k'awa p'anɨma Ẽpẽra Aba piusit'a jõmãɨrã k'orea. Mãɨpuru Tachi Ak'õre k'ĩrari jõmãɨrã piusidama.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Ep'esio 1:23

Ẽpẽrarã Cristoderã ara ichi k'ak'uapɨ. Ãchi ne ãareaɨne ichidepa p'anɨma, mãɨnepa nejõma ichidepa bɨma.

Ep'esio 3:18

Mãɨne mãrapa jõma ẽpẽrarã Tachi Ak'õrenepemarã ome p'ue k'awadaipɨ chi Cristopa tachi k'ɨ̃ria bɨt'a. Mãɨ jet'ea bɨma, teesoa bɨma, ɨt'ɨ bɨma mãɨnepa eudu bɨma.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

Ep'esio 5:25

Ɨmɨk'ĩrarã, ara machi k'imarã k'ɨ̃ria p'anat'ɨ Cristopa tachi k'ɨ̃ria bɨt'a unupida jĩra. Ichi k'ɨ̃ria bɨdepa tachi k'orea ara ichi itu peapisima.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

P'ilipense 4:7

Mãɨpa Tachi Ak'õrepa mãra sõ mãɨnepa mãra k'ɨ̃risiat'a ne k'ɨ̃risiawẽa p'anapiipɨ Jesucristo ome p'anɨ pẽra. Mãɨ ne k'ɨ̃risiawẽa bait'a ẽpẽrarãpa ãchi tuaba p'ue k'awadaiwẽma.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

1 Pedro 1:8

Mãrapa ununak'amina Jesucristo k'ɨ̃ria p'anɨma. Nãɨena ununawẽa p'anɨmina ichide ĩjãa p'anɨma. Ichi k'orea minachia arapá p'anɨma. Jãɨya arapá p'anɨ pẽra mãɨ arapá sãmaasã́ bɨ k'orea p'ue k'awa jaradawẽma.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.