Ep'esio 3:10 - Tachi Ak'õre Pedea

¹⁰ Naapae ẽpẽrarã Tachi Ak'õrenepemarãnepa Ichia ichi ne ãareaɨne minachia ne k'awa bɨt'a k'awapisima chi jua chaarea berã́ mãɨnepa chi pajãnepema chi atepe k'awa berã́.

Ep'esio 3:10 ပူးပေါင်းရင်းမြစ်များ

Romano 11:33

Tachi Ak'õre minachia ne k'awa bɨma mãɨnepa k'ɨ̃risia k'awa bɨma. Ichia ooi k'ɨ̃risia bɨt'a mi ãpia pida p'ue k'awadaiwẽma. Ichia oo bɨ sida p'ue k'awadaiwẽma.

Romano 8:38

Mãɨ k'orea mɨa k'awa bɨma tachi piudaipɨra wa chok'ae p'ananaipɨra, Tachi Ak'õrepa k'ɨ̃ria bɨdepema awara p'ananaiwẽma. Nãɨ ewaride mãɨnepa nũpema ewaride pida awara p'ananaiwẽma. Mãɨnepa Tachi Ak'õrepa ɨt'aripa peedaɨrãpa, jaore mietaarãpa, chi atepe berãpa, chi ɨtɨpemarãpa, chi ek'aripemarãpa, wa mi ãpia pida Tachi Ak'õrepa oodadepema pida tachi ichia k'ɨ̃ria bɨdepema p'ue ãyá bɨdaiwẽma. Ara mãɨ tachi k'ɨ̃ria bɨt'a, Tachi Chipari Jesucristodepa unupisima.

1 Corintio 1:24

Maamina Tachi Ak'õrepa judiorã mãɨnepa judiorãwẽ t'ɨ̃sima Cristodepa k'aripai k'orea. Mãɨrãpa k'awa p'anɨma Tachi Ak'õrepa Cristodepa ichi jua chaarea mãɨnepa k'ɨ̃risiat'a unupisit'a.

1 Corintio 2:7

Taipa chi Tachi Ak'õre k'ɨ̃risia naena k'awapiwẽa bada jaratea p'anɨma. Nãɨ ĩjũa ooi naena Tachi Ak'õrepa mãɨ k'ɨ̃risiadepa ne ooi bɨsima tachi ichi ome ará pia p'ananamẽrá.

Ep'esio 1:21

Tachi Ak'õrepa ichi chi atepe bɨsima ãarea jaore mietaarã chi minachia k'awa berã k'aepẽra, pajãnepema chi atepe k'awa berã k'aepẽra, chi jua chaarea berã k'aepẽra, mãɨnepa chi ãarea p'uepataɨrã k'aepẽra. Nãɨ ewaride ichi jõmãɨrã k'aepẽra chi atepe bɨma, mãɨnepa k'aadeapema ewaride pida mãɨya baipɨ.

Ep'esio 1:23

Ẽpẽrarã Cristoderã ara ichi k'ak'uapɨ. Ãchi ne ãareaɨne ichidepa p'anɨma, mãɨnepa nejõma ichidepa bɨma.

Ep'esio 1:3

Tachi Chipari Jesucristo Ak'õrea pia pedeadai p'anɨma. Cristo ome p'anɨ pẽra ichi Jaoredepa nejõma pia tachiá pajãnepa tea bɨma.

Ep'esio 1:8

Mãɨ sõpia bɨdepa tachi minachia k'aripak'ari, jõma ichi k'ɨ̃risia k'awa bɨ mãɨnepa k'ɨ̃risia tachiá teasima.

Ep'esio 6:12

Tachi ẽpẽrarã paara chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ.

Colosense 1:16

Ichidepa Tachi Ak'õrepa nejõma oosima. Pajãne be, nãɨ ĩjũane be, tachia unupataɨt'a mãɨnepa tachia ununak'aɨt'a ãarea oosima. Jõma ununak'aɨ minachia berã, chi atepe k'awa p'anɨrã mãɨnepa chi jua chaarea be oosima. Tachi Ak'õrepa nejõma Cristodepa oosima mãɨnepa Cristo pae oosima.

Colosense 2:10

Mãra Cristo ẽpẽrarã pẽra ichidepa nejõma uru p'anɨma Tachi Ak'õre ome pia p'ananai k'orea. Ichi chi chaarea berã chi Poro Chaareapɨ.

Colosense 2:15

Mãɨpuru Tachi Ak'õrepa jõma tachia ununak'aɨ chi jua chaarea berã p'uesima. Mãɨ ooda ichia jõmãɨrã́ k'awapisima.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.