Ep'esio 2:8 - Tachi Ak'õre Pedea

⁸ Jesude ĩjãanana pẽra Tachi Ak'õrepa ichi sõpiadepa mãra k'aripasima. Ara machidepa k'aripadaé pasima, maawẽapuru Tachi Ak'õrepuru pari k'aripasima.

Ep'esio 2:8 ပူးပေါင်းရင်းမြစ်များ

Mateo 16:17

Jesupa jarasima: —Pɨ sõpia bɨma, Simón, Joná warra. Ẽpẽra abaɨ pida pɨá mãɨ k'awapié pasima, mãɨpari mɨ Ak'õre pajãne bɨpa mãɨ k'awapisima.

Mateo 20:9

Chi ɨmata baepodode mimiane wã p'anana chi chaarea bɨmá naa chesidama. Mãɨne ãchicha ewari aba abarik'a mimiana jĩra jitasidama.

Marco 16:16

Mãɨ pedea ĩjãasidara mãɨnepa porochoasidara Tachi Ak'õrepa mãɨ k'aripaipɨ. Maamina chi mãɨ pedea ĩjãawẽ bɨt'a ichia mãɨ ɨtɨaipɨ.

Luca 7:50

Mãɨne Jesupa wẽrá jarasima: —Pɨa mɨne ĩjãana pẽra k'achiadepema k'aripasima. Ne k'ɨ̃risiawẽa wãse.

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Juan 4:10

Jesupa p'anoosima: —Tachi Ak'õrepa teai bɨt'a pɨa k'awarupara mãɨnepa k'aipa jãɨ pania idi bɨt'a k'awarupara, pɨa mɨá pania idii pasima. Maapae mɨa chi chok'ae bapiparí pania teai pasima.

Juan 5:24

»Mɨa piarã jararuma: abaɨpa mɨ pedea ũrik'ari mɨ Peeda ĩjãaipɨra, mãɨ ẽpẽra ichi ome ewaricha chok'ae baipɨ. Tachi Ak'õrepa ichi ɨtɨaiwẽma. Piarã mãɨ ẽpẽra piu bada chok'ae bɨma.

Juan 6:35

Jesupa jarasima: —Mãɨ Mɨpɨ. Mɨ mãɨ chok'ae bapiparí p'anapɨ. Mãɨpuru chi mɨmá cheru waa jarrapisia baiwẽma mãɨnepa chi mɨne ĩjãa bɨt'a waa opisia baiwẽma.

Juan 6:37

Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

Juan 6:40

Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.

Juan 6:44

Abaɨ pida p'ue mɨne ĩjãaiwẽma mɨ Ak'õre, chi mɨ Peedapa ichi mɨmá enemeaepɨra. Maamina mɨ Ak'õrepa mãɨ enemeeipɨra nãɨ jõru ewaride mãɨ ẽpẽra mɨa chok'ae p'irabaripiipɨ.

Juan 6:65

Mãɨne Jesupa jarasima: —Mãɨ k'orea mɨa jarasima: mɨ Ak'õrepa ẽpẽra mɨmá enemeaepɨra, mãɨ ẽpẽrapa p'ue mɨne ĩjãaiwẽma.

Hecho 13:39

Moisepa bɨdade bɨ bɨma Tachi Ak'õrepa chi tachia nemietá tachi k'ɨ̃ría oopataɨ k'ɨ̃risia atuaiwẽma. Maamina ãarea chi Jesude ĩjãauta Tachi Ak'õrepa nepɨra newẽa p'anɨane aparima. Mãɨt'a mãrá jara p'anɨma.

Hecho 14:27

Chedak'ari ũpẽarã ome ará p'anasidama. Mãɨne nepɨrɨsidama ãarea Tachi Ak'õrepa ãchidepa ooda. Jarasidama Tachi Ak'õrepa eda wãpataɨ ewasit'a judiorãwẽ pida Jesude ĩjãanamẽrá.

Hecho 15:11

Tachia ĩjãa p'anɨma Tachi Chipari Jesupa ichi sõpiadepa tachi mãɨnepa ãchi k'aripait'a.

Hecho 16:14

Mãɨ wẽrarãnepema aba Lidia apachidama. Ichi Tiatira p'uurudepema pasima. P'aru k'ĩra pia arena bɨ netopachima. Mãɨ judiowẽ wẽrapa Tachi Ak'õre wap'ea basima. Tachi Chiparipa ichiá ũripisi pẽra Pablopa chi pedea bɨt'a Lidiapa pia ũrik'ari ĩjãasima.

Hecho 16:31

Ãchia p'anoosidama: —Pɨa mãɨnepa pɨ ẽpẽerãpa Tachi Chipari Jesucristode ĩjãanaipɨra, ichia mãra k'aripaipɨ.

Romano 10:14

Maamina ẽpẽrarãpa wapida Tachi Chipari Jesucristode ĩjãanawẽa p'anɨne ¿sãmaasã́ ichiá k'ĩra chupuria ididaima? Ichi k'orea wapida ũrinawẽa p'anɨne ¿sãmaasã́ ĩjãanaima? Mãɨnepa abaɨ pida ãchiá jarateade wãwẽpɨra ¿sãmaasã́ ichi k'orea ũrinaima?

Romano 10:17

Piarã ẽpẽrarãpa Cristo k'orea naa ũrinai p'anɨma, ichide p'ue ĩjãanai k'orea.

Romano 4:16

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

Romano 4:5

Maamina chi ne oowẽa bɨpa Tachi Ak'õrene ĩjãaipɨra, Tachi Ak'õrepa mãɨ chi ichidirã jĩp'a berã paara bɨipɨ. Chi nemietá oo berãpa Tachi Ak'õrene ĩjãasidara Tachi Ak'õrepa ãchi chi ichidirã jĩp'a berã paara bɨparima.

Romano 9:16

Piarã chi Tachi Ak'õrepa jɨrɨ ata bɨ ẽpẽra jɨrɨ atak'ama, mãɨ ẽpẽrapa oo bɨt'a pia unu bɨ pẽra, mãɨyawẽpɨra mãɨ chi ẽpẽrapa mãɨya k'ɨ̃ria bɨ pẽra. Mãɨpari chi ichia k'ĩra chupuria k'ɨ̃ria bɨt'a jɨrɨ ataparima.

Gálata 3:14

Mãɨyasima Tachi Ak'õrepa Jesucristodepa judiorãwẽ sida k'aripamẽrá ichia naena Abrahaná k'aripayade ada jĩra. Tachia Jesucristode ĩjãa p'anɨ pẽra Tachi Ak'õrepa ichi Jaore teai jarada jitasidama.

Gálata 3:22

Maamina Tachi Ak'õre pedeade bɨ bɨma nemietaapa jõmãɨrã eda serra uru bɨt'a. Mãɨya Jesucristopa ichi Ak'õrepa jarada oosi pẽra, chi ichide ĩjãautapa mãɨ Tachi Ak'õrepa teai jarada jitadaima.

Ep'esio 1:19

Mãɨnepa mɨa ɨt'aa chiidiparima mãrapa k'awadamẽrá ichi jõmãɨrã k'aepẽra atepe jua chaarea bɨt'a. Mãɨ jua chaareadepa ichia tachi ichide ĩjãapataɨrã k'aripa bɨma. Ara mãɨ jua chaarea minachia bɨdepa,

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Ep'esio 2:5

nemietaade piu p'anana Cristo ome ará chok'ae bɨsima. Tachi Ak'õrepa ichi sõpiadepa mãra k'aripasima.

P'ilipense 1:29

Ichi piadepa mãra t'ɨ̃é pasima abapuru Cristode ĩjãa p'ananamẽrá, mãɨpari t'ɨ̃sima Cristo k'orea minachia mĩanamẽrá.

Colosense 2:12

Tachi Ak'õrepa ichi jua chaareadepa Cristo chok'ae p'irabaripisima. Mãrapa Tachi Ak'õre mãɨya jua chaarea bɨ ĩjãanana pẽra porochoasidaɨde unupisidama Cristo ome t'ɨbarisidaɨt'a mãɨnepa Tachi Ak'õrepa mãra ichi ome chok'ae p'irabaripisidaɨt'a.

2 Tesalonicense 1:9

Ãchi t'ɨpɨ tau uruade ewaricha minachia mĩapiipɨ. Tachi Chipari k'ĩraripema mãɨnepa ichi minachia jua chaareadepema t'ɨmɨa p'ananaipɨ.

Hebreo 6:4

Chi eda waapẽarãpa chi piarã pedea k'awa p'ananak'ari, Tachi Ak'õrepa tea bɨ k'orea arapá p'ananak'ari, Ichi Jaoredepa ne jitadak'ari,

1 Pedro 1:5

Jesucristode ĩjãa p'anɨ pẽra Tachi Ak'õrepa ichi jua chaareadepa mãra ak'ɨ uru baipɨ aba chi k'aadeapema ewaride k'ariparudea.