Ep'esio 2:2 - Tachi Ak'õre Pedea

² Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

Ep'esio 2:2 ပူးပေါင်းရင်းမြစ်များ

Mateo 11:19

Mãɨpari mɨ, chi Ẽpẽra Warrapa ne ãarea k'oparima mãɨnepa ne ãarea toparima. Maamina ãchia jarapatama mɨ miak'ãe nek'oparipɨ mãɨnepa it'ua minachia toparipɨ. Mãɨ awara jarapatama mɨ nemietá oopataɨrã ome mãɨnepa Romanepema pae erreara jɨrɨp'epataɨrã ome nipapariade apatama. Maamina Tachi Ak'õre k'ɨ̃risia jĩp'a bɨt'a k'awa p'anɨma, chi ichide ĩjãapataɨrãpa jĩp'a oopata pẽra».

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

Mateo 13:38

Ne uu ĩjũa jara k'ɨ̃ria bɨma nãɨ ĩjũa ãarea. Chi ne uu tau pia jara k'ɨ̃ria bɨma Pajãne Bɨpa ichidirã ichi juade ua bɨdepema ẽpẽrarã. Chi ne uu jara k'ɨ̃ria bɨma tiore mietaaderã.

Marco 4:19

Maamina nãɨ ĩjũane sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ichiaba ne wawaria minachia k'ɨ̃riapatama. Mãɨpa ãarea Tachi Ak'õre pedea waa ũripik'ama, ne uu warida chauk'á bapari jĩra.

Luca 16:8

»Maapae chi chiparipa jarasima ichi neet'á ak'ɨparí sõk'achia bɨ k'ɨ̃risia minachia basima ichia mãɨya oo bada k'orea. Piarã Tachi Ak'õre ẽpẽrarã k'aepẽra nãɨ ĩjũanepemarãpa mãɨ ãchi aɨk'aɨrã ome ne netodai k'orea, ãchia pia ne k'ɨ̃risiadak'ari oopatama.

Luca 22:31

Mãɨ awara Tachi Chiparipa jarasima: «Simón, Simón, tiorepa Tachi Ak'õrea idisima mãra oo bɨdepa mɨne ĩjãa p'anɨ itu bɨpii k'orea.

Juan 12:31

Naapae Tachi Ak'õrepa nãɨ ĩjũanepemarãpa nemietá oopataɨ ak'ɨk'ari ɨtɨaipɨ. Naapae, chi nãɨ ĩjũanepema chipari Tachi Ak'õrepa p'ueipɨ.

Juan 13:2

K'ewará nek'o p'anasidama. Mãɨ naena tiorepa Simón warra Juda Iscariotea k'ɨ̃risiapisima Jesú jitapimẽrá.

Juan 13:27

Judapa mãɨ k'ok'ari Tiore sõne eda beesima. Mãɨne Jesupa ichiá jarasima: —Pɨa ooi bɨt'a isapea oose.

Juan 14:30

»Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama.

Juan 15:19

Nãɨ ĩjũanepema padapara ãchia mãra k'ɨ̃rianai pasima, ãchidepema pẽra. Maamina mɨa mãra nãɨ ĩjũanepema ateewãsima ãchi awara p'ananamẽrá. Mãɨpuru mãra unuemaapatama.

Juan 16:11

Mãɨnepa Tachi Ak'õre Jaorepa k'awapiipɨ nãɨ ĩjũanepemarã nepɨra pará p'anɨane ait'a, Tachi Ak'õrepa chi nãɨ ĩjũanepema chipari nepɨra pará bɨade ada pẽra.

Juan 7:7

Nãɨ ĩjũanepemarãpa mãra k'ĩramá p'anɨwẽma. Maamina mɨt'a k'ĩramaa p'anɨma, ãchia nemietá oopataɨ mɨa mietaade a jara bɨ pẽra.

Juan 8:23

Mãɨne Jesupa jarasima: —Mãra nãɨ ĩjũanepemarãpɨ, maamina mɨ pajãnepemapɨ. Mɨ nãɨ ĩjũanepemawẽma.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Hecho 19:35

Maapae chi Ep'esodepema k'art'a bɨparipa ẽpẽerã minachia chi che nɨbɨt'a k'ĩup'eapik'ari jarasima: «Ep'esodepemarã, ãareaɨrãpa k'awa p'anɨma tachi Ép'eso p'uurudepemarãpa chi Artemisa te minachia bɨt'a mãɨnepa chi ara ichi k'ĩra sãdo pajãnepa baedat'a pia ak'ɨpatat'a.

Hecho 5:3

Mãɨne Pedropa jarasima: —Anania, pɨa ¿k'ãre k'orea tiore pɨ sõne itu wãpisima? Pɨa Tachi Ak'õre Jaore sea bɨma. Pɨ ĩjũa netodadepema erreara waapẽarã mẽra uru bɨma.

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

1 Corintio 5:10

Maamina mãɨpa jara bɨwẽma chi nãɨrã ome p'ananaiwẽa p'anɨ: chi nãɨ ĩjũanepema awaraɨ ome k'ãi berã ome, erreara awaa berã ome, nechɨapataɨrã ome, mãɨnepa juapa oodada sãdo k'ĩrari ɨt'aa chiidipataɨrã. Ãchi ome p'ana k'ɨ̃rianaepɨra, nãɨ ĩjũanepema ãyá wãnai p'anɨma.

1 Corintio 6:11

Naena, mãranepema chi está mãɨya p'anapachidama. Maamina mãrapa nemietá oodada Tachi Ak'õrepa sɨɨsima, ichi pae pia bɨsima mãɨnepa nepɨra newẽa bɨade asima Tachi Chipari Jesucristodepa mãɨnepa ichi Jaoredepa.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

Gálata 1:4

Chi mãɨ Jesucristopa ara ichi tachi nemietá k'orea itu peapisima nãɨ ewari mietaadepema k'aripai k'orea. Mãɨya oosima Tachi Pajãnepema Ak'õrepa k'ɨ̃riana pẽra.

Ep'esio 1:21

Tachi Ak'õrepa ichi chi atepe bɨsima ãarea jaore mietaarã chi minachia k'awa berã k'aepẽra, pajãnepema chi atepe k'awa berã k'aepẽra, chi jua chaarea berã k'aepẽra, mãɨnepa chi ãarea p'uepataɨrã k'aepẽra. Nãɨ ewaride ichi jõmãɨrã k'aepẽra chi atepe bɨma, mãɨnepa k'aadeapema ewaride pida mãɨya baipɨ.

Ep'esio 2:11

Mãɨ k'orea k'ɨ̃risiat'ɨ mãra judiorãwẽnepa t'õnana pẽra, judiorãpa mãrá chi «k'ak'ua tauchaadawẽa beade» apachidama. Ara ãchi chi «k'ak'ua tauchaa beade» apachidama, maamina abapuru nãɨ k'ak'uade k'ĩra awara p'anɨma.

Ep'esio 2:13

Maamina naapae Jesucristo ome p'anɨ pẽra, mãra chi naena t'ɨmɨa beada Tachi Ak'õrepa Cristo oadepa ichi k'ait'a enemeesima.

Ep'esio 2:3

Naena jõma tachi ãchi jĩra p'ɨrrɨasidama chi nãɨ k'ak'uapa nemietá ooyá bɨt'a oo p'anana pẽra. Nãɨ k'ak'uapa nemietá oo k'ɨ̃ria bɨt'a mãɨnepa tachia nemietá ooyá k'ɨ̃risia bɨt'a oo p'anasidama. Mãɨ nemietá pẽra Tachi Ak'õrepa ichi k'ĩruupidepa tachi ɨtɨai basima ãarea nemietá oopataɨrã ɨtɨapari jĩra.

Ep'esio 4:17

Mãrapa piarã oodamẽrá, mɨa Tachi Chipari t'ɨ̃nepa nãɨ jararuma: waa Tachi Ak'õrene ĩjãanak'apɨɨrã jĩra niparãt'ɨ. Ãchi k'ɨ̃risia piawẽa p'anɨnepa nipapatama.

Ep'esio 4:22

Ãchia jarateadada nãɨpɨ: Mãrapa naena oo p'anana jĩra waa niparãt'ɨ. Tachi k'ak'ua nemietá ooyá bɨpa sea bɨdepa tachi piawẽa p'aneepiparima. Mãɨ itu bɨt'ɨ, neet'á sore wẽapata jĩra.

Ep'esio 5:6

Abaɨ pida seadepa nemietá oodai p'anɨane aipɨra, itu seapirãt'ɨ. Nemietá oo p'anɨ k'orea Tachi Ak'õrepa chi ichi pedea ĩjãawẽa be ɨtɨaipɨ.

Ep'esio 5:8

Naena mãra p'ãrionepema pasima, maamina idiapae Tachi Chipari ome p'anɨ pẽra mãra ɨnaanepemarãpɨ. Mãɨpuru ɨnaanepema warrarã jĩra nipat'ɨ.

Ep'esio 6:12

Tachi ẽpẽrarã paara chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ.

Colosense 1:21

K'achia oo p'anɨnepa mãra naena Tachi Ak'õrenepema awara p'anasidama mãɨnepa piawẽa k'ɨ̃risia p'anɨnepa Tachi Ak'õre nek'ĩramá p'anasidama.

2 Timoteo 4:10

Ũpẽa Cresente Galacia tuadea wã basima. Tito Dalmacia tuadea wã basima. Mãɨ awara ũpẽa Demapa chi ne nãɨ ĩjũanepema minachia k'ɨ̃riana pẽra mɨ itu bɨk'ari Tesalónica p'uurudea wãsima.

Santiago 1:27

Chi piarã ĩjãa bɨpa nãɨya ooi bɨma Tachi Pajãnepema Ak'õrepa ichia oo bɨ pia unumẽrá mãɨnepa jĩp'a unumẽrá: jẽramãra warrarã mãɨnepa p'ẽtãarã minachia mĩa p'anɨrã k'aripai bɨma, mãɨnepa nãɨ ĩjũanepemarãpa nemietá oopataɨ jĩra ooiwẽa bɨma.

Santiago 1:7

Chi mãɨya bɨpa k'ɨ̃risia bɨwẽma Tachi Chiparidepa ne uru bait'a.

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.

1 Pedro 1:14

Warra chok'ea bɨ jĩra p'anat'ɨ. Nãɨ k'ak'uapa nemietá oo k'ɨ̃ria bɨt'a waa oorãt'ɨ, Tachi Ak'õre atua p'anasidaeda oopachidaɨ jĩra.

1 Pedro 4:3

Naena mãrapa nemietá oo p'anapachidama, chi Tachi Ak'õrene ĩjãanak'apɨɨrãpa oopata jĩra. ¡Waa mãɨya oorãt'ɨ! Waapẽarã taade ne k'ĩra p'era oo oopachidama, nãɨ k'ak'uapa nemietá oo k'ɨ̃ria bɨ oopachidama, piu nipapachidama, arapá oopataɨde minachia nemietá oopachidama, waapẽarã paara it'ua minachia topachidama mãɨnepa tachi juapa oodada sãdo k'ɨ̃riapachidama. Mãɨ Tachi Ak'õrepa k'ɨ̃riak'ama.

2 Pedro 2:14

K'ima awaraɨ ome k'ãii k'orea p'anapatama. Nejõma nemietá oo p'anɨpa k'ĩra sẽnak'ama. Chi minachia ĩjãawẽa berã seapatama. Nejõma k'ɨ̃riapatama. Mãɨ k'orea Tachi Ak'õrepa ãchi ɨtɨaipɨ.

1 Juan 3:10

Nãɨnepa tachia k'awa p'anɨma k'airã Tachi Ak'õre warrarã mãɨnepa k'airã tiore warrarã. Chi jĩp'a oowẽa bɨ Tachi Ak'õre warrawẽma. Mãɨnepa chi ichi ũpẽa k'ɨ̃riawẽa bɨ Tachi Ak'õre warrawẽma.

1 Juan 3:8

Chi nemietá oo bɨt'u tioredepɨ, tiore jua chiwidieda nemietá oopari pẽra. Tachi Ak'õre Warra nãɨ ĩjũanea chesima tiorepa oo bɨt'a p'uei k'orea.

1 Juan 4:4

Mɨ warrarã, mãra Tachi Ak'õrenepɨ. Mãrapa mãɨrã́ itu seapidaé pasima, chi mãra sõne bɨ chi nãɨ ĩjũane be k'aepẽra jua chaarea bɨ pẽra.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.

1 Juan 5:4

Jõma Tachi Ak'õrenepa t'õnaanapa nãɨ ĩjũanepema nemietá itu bɨpatama. Piarã tachia Jesucristode ĩjãa p'anɨ pẽra mãɨ p'ue itu bɨdaipɨ.

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

Apocalipsi 13:14

Tachi Ak'õrepa mãɨ ĩjũanepa ochiadá ne p'ue oodak'apɨɨt'a itu oopisima chi mãɨ p'usadepa cheda t'ɨ̃ne. Mãɨya chi nãɨ ĩjũanepa ochiadapa chi nãɨ ĩjũanepemarã seasima. Ichia ẽpẽerã́ sãdo jĩra oopisima chi naapema ãnimara k'ĩra jĩra, chi nek'opa k'õ bada mãɨ wapida piuwẽa bɨ jĩra.

Apocalipsi 13:8

Mãɨne chi nãɨ ĩjũane ãareaɨrãpa mãɨ ãnimara minachia k'ɨ̃riasidama. Nãɨ ĩjũa ooi naena ãchi t'ɨ̃ chi Oveja Chak'e k'art'ade eda bɨ baé pasima. Mãɨ chi ewaricha chok'ae p'ananai k'art'ade ãchi t'ɨ̃ ãarea eda bɨ bɨma.

Apocalipsi 16:17

Mãɨya nak'ari chi k'aadea sietedepema Tachi Ak'õrepa ɨt'aripa peedapa ichi p'arat'u jãjoa bɨde uru bada ɨt'ɨpa eudá bɨdea wea peesima. Ara mãɨne chi Tachi Ak'õre te suak'a beeparí auk'ará bɨdepa jĩk'ua biasima: «Ãarea jõsima».

Apocalipsi 20:2

Chi je jitak'ari mil ãyo jɨ̃ nɨbɨsima. Mãɨ je chi chõarãenapema taamapɨ. Tiore mãɨnepa Tiore apatama.