Ep'esio 2:19 - Tachi Ak'õre Pedea

¹⁹ Mãɨpuru mãra judiorãwẽ waa ẽpẽerã tua awaraɨdepemarã jĩra p'ananaiwẽma, mãɨpari Tachi Ak'õre p'uurudepemarã ome ará p'anɨma; mãra ẽpẽrarã Tachi Ak'õrenepemarãpɨ.

Ep'esio 2:19 ပူးပေါင်းရင်းမြစ်များ

Gálata 6:10

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.

Ep'esio 3:15

Ichia jõma pajãne be mãɨnepa nãɨ ĩjũane be oosima mãɨnepa ichidepa p'anɨma.

Ep'esio 3:6

Ichia k'awapiwẽa bada nãɨt'a: judiorãwẽpa pedea pia Cristo k'orea ĩjãa p'anɨnepa judiorã ome ará Tachi Ak'õrepa teaidepema jitadaipɨ, abarik'a k'ak'uade p'anɨma, mãɨnepa Tachi Ak'õrepa Jesucristodepa teai jarada ará uru p'anɨma.

P'ilipense 3:20

Maamina tachi pajãnepemarãpɨ. Tachi K'aripaparí mãmãɨpa cheit'a nɨ p'anɨma. Ichi Tachi Chipari Jesucristopɨ.

Hebreo 11:13

Mãɨrã ãarea Tachi Ak'õrene ĩjãa p'anɨ piusidama. Maamina Tachi Ak'õrepa teai jarada ãchia nãɨ ĩjũane jitadaé pasima. Maamina k'awasidama k'aadeapema ewaride ichia ãarea teait'a. Mãɨ k'orea arapaasidama mãɨnepa waapẽarã́ pia pedeasidama nãɨ ĩjũane ãchi tua awaraɨdepemarãt'a mãɨnepa tua awaraɨde p'ɨrrɨa bet'a.

Hebreo 13:14

Nãɨ ĩjũane tachi p'uuru jõk'apɨɨwẽne p'anɨwẽma, mãɨpari nɨ p'anɨma p'uuru jõk'apɨɨde p'ananai k'orea.

1 Pedro 2:11

Mɨ ũpẽarã, nãɨ ĩjũane mãra tua awaraɨdepemarãpɨ. Mãɨpuru mɨa mãrá chichupuria idiruma nãɨ k'ak'uapa nemietá oo k'ɨ̃ria bɨt'a itu bɨdamẽrá. Mãɨ ara tachi ome chõo bɨma.

1 Juan 3:1

K'ɨ̃risiat'ɨ sãmaasã́ Tachi Pajãnepema Ak'õrepa tachi minachia k'ɨ̃ria bɨt'a. Minachia k'ɨ̃ria bɨ pẽra tachi ichi warrarãane aparima. Piarã tachi ichi warrarãpɨ. Nãɨ ĩjũanepemarãpa mãɨ atua p'anɨma, ichi atua p'anɨ pẽra.