Ep'esio 2:12 - Tachi Ak'õre Pedea

¹² Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.

Ep'esio 2:12 ပူးပေါင်းရင်းမြစ်များ

Luca 1:72

Mãɨya ooipɨ tachi chõarãenapemarã́ k'ĩra chupuriayade ada pẽra ichiaba ãchi ome pedea bɨda jõma ooyade ada pẽra.

Juan 10:16

Mɨa uru bɨma waapẽarã oveja nãɨ k'ãipataɨde p'anɨwẽ. Mãɨrã sida mɨa eda ateewãipɨ. Ãchia mɨ pedea ĩjãanaipɨ. Mãɨya ãareaɨrã ará p'ananaipɨ. Mãɨne ãchi ak'ɨparí aba bɨ baipɨ.

Juan 15:5

»Mɨ chi uva bɨɨrɨ chi piarãpẽapɨ. Mãra chi pak'uru juapɨ. Chi mɨ ome ará be minachia chaupatama, mɨ mãra ome ará bɨ pẽra. Mãrapa mɨwẽa mi ãpia pida Tachi Ak'õre pae p'ue oodaiwẽma.

Juan 4:22

Mãra Samariadepemarãpa Tachi Ak'õrea pia pedeapatamina ichi atua p'anɨma. Tai judiorãpa ichi k'awa p'anɨma, judiorãnepa Tachi Ak'õrepa sãmaasã́ ẽpẽerã k'aripapari k'awapi bɨ pẽra.

Hecho 2:39

Tachi Ak'õre Chiparipa ichi Jaore teai jarada mãra pae bɨma, mãra warrarã pae bɨma mãɨnepa ẽpẽerã t'ɨmɨa p'anapataɨrã pae bɨma. Ãarea chi Tachi Ak'õre Chiparipa t'ɨ̃ bɨ ẽpẽerã pae pida bɨma.

Hecho 28:20

Mãɨpuru mɨa mãra unu k'ɨ̃ria basima mãra ome pedeai k'orea. Tachi Ak'õrepa Tachi K'aripaparí teai jarada ãarea israel ĩjũanepemarãpa nɨ p'anɨma. Ichi k'orea mɨ nãɨya k'ãnenapa jɨ̃ bɨma.

Hecho 3:25

Tachi Ak'õrepa ãchidepa pedeada ɨt'aa chiidi piarã unu p'anɨma. »Mãɨ awara Tachi Ak'õrepa mãra chõarãenapemarã ome pedea ausima. Ichia Abrahaná nãɨya jarasima: “Mɨa pɨdepa unurunepa nãɨ ĩjũane be p'uuru ãarea k'aripaipɨ”. Mãɨ pedea auda mãrapa idi piarã unu p'anɨma.

Romano 9:8

Mãɨ pedeapa tachiá k'awapi bɨma jõma Abrahanepa nãɨ k'ak'uade t'õnana Tachi Ak'õre warrarãwẽma. Tachi Ak'õrepa teai jarada warrarãt'a mãɨt'u Abrahán warrarã piarãrãpɨ.

Gálata 4:8

Naena mãrapa Tachi Ak'õre atua p'anasidaɨde chi piarãwẽ ak'õrene ĩjãa p'anasidama, ãchi pae pari mimiapataɨrã jĩra.

Ep'esio 2:19

Mãɨpuru mãra judiorãwẽ waa ẽpẽerã tua awaraɨdepemarã jĩra p'ananaiwẽma, mãɨpari Tachi Ak'õre p'uurudepemarã ome ará p'anɨma; mãra ẽpẽrarã Tachi Ak'õrenepemarãpɨ.

Ep'esio 4:18

Ãchi k'ɨ̃risia p'ãrione bɨ pẽra Tachi Ak'õre k'orea k'awadak'ama. Ãchi sõ chaareapa Tachi Ak'õre atua p'anɨ pẽra ichia chok'ae bapiparit'a nea p'anɨma.

Colosense 1:21

K'achia oo p'anɨnepa mãra naena Tachi Ak'õrenepema awara p'anasidama mãɨnepa piawẽa k'ɨ̃risia p'anɨnepa Tachi Ak'õre nek'ĩramá p'anasidama.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Colosense 1:5

Mãra mãɨya p'anɨma, k'awa p'anɨ pẽra Tachi Ak'õrepa mãra pae nepia pajãne yaa uru bɨt'a. Mãɨ mãrapa naena ũrisidama chi piarãpẽa pedea Jesucristo k'orea mãramá cheside. Mãɨ pedea pia

1 Tesalonicense 4:13

Ũpẽarã, taipa k'ɨ̃ria p'anɨma mãrapa chi Jesude ĩjãapataɨrã piudaadarã k'orea k'awadamẽrá. Mãɨya mãra sõp'ua p'ananaiwẽma Tachi Ak'õrene ĩjãanak'apɨɨrã sõp'ua p'anapata jĩra. Ãchi sõp'ua p'anapatama chi piuda sãmaasã́ bai k'awadawẽ pẽra.

1 Tesalonicense 4:5

Nãɨ k'ak'uapa nemietá ooyá bɨ oorãt'ɨ Tachi Ak'õrene ĩjãanak'apɨɨrãpa oopata jĩra.

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

1 Timoteo 1:1

Mɨ Pablopɨ, Jesucristopa peedapɨ. Tachi Ak'õre tachi K'aripaparipa mãɨnepa Tachi Chipari Jesucristopa mɨ nãɨya bɨsidama. Tachia Jesucristode ĩjãapatama mãɨnepa ichi k'orea pia p'ananait'a k'awapatama.

Hebreo 11:34

Tachi Ak'õrene ĩjãa p'anana pẽra chi eda waapẽarã t'ɨpɨ urua nɨbɨpa p'ue paak'oaé pasima. Chi eda waapẽarã k'ĩruuparí nek'opa peadai padadepema p'ue peadaé pasima. Chi eda waapẽarã k'ak'ua chaareawẽa beada k'ak'ua ɨbɨak'oasidama mãɨnepa jua chaarea beasima chi nek'ĩramá ome k'ĩruunai k'orea. Mãɨpa ãchi chi nek'ĩramá ãchi naa mĩrupisidama.

Hebreo 6:18

Tachi Ak'õrepa sea jarak'a pẽra ichia teai jarada piarã teaipɨ mãɨnepa ichi t'ɨ̃nepa jarada k'ĩra awara ooiwẽma. Mãɨ ne ume p'anɨnepa, taipa Tachi Ak'õre jɨrɨpatama tai k'aripamẽrá mãɨnepa k'ɨ̃riamẽrá. Ichia jarada piarã ooit'a k'awa p'anɨẽra tachia p'ue p'erawẽa ĩjãa p'ananaipɨ. Mãɨpa chi Jesudepa jitadai k'orea nɨ p'anɨt'a itu bɨdaiwẽma.

Hebreo 8:6

Maamina Jesú tachi P'aare Minachia K'awa bɨpa pajãne oo baparit'a atepe pia bɨma p'aarerãpa nãɨ ĩjũane oopataɨ k'aepẽra. Ara mãɨ jĩra Tachi Ak'õrepa Jesudepa pedea auda atepe pia bɨma ẽpẽerã ome pedea auda k'aepẽra, Tachi Ak'õrepa ẽpẽrarã minachia k'aripayade ada pẽra.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma

1 Pedro 3:15

Cristo mãra Chipari pẽra sõnepa ichit'a wap'eat'ɨ. Chi Cristodepa ne atadai nɨ p'anɨ k'orea pia pedeadayá p'anat'ɨ. Mãɨya abaɨpa idisira, p'ue k'ĩruu pedeadawẽa pia p'anoonaipɨ.

1 Juan 3:3

Chi Cristo jĩra bai k'orea nɨ bɨt'a ara ichit'u ak'ɨ baparima nemietá ooemaapa, Cristo nemietá newẽa bɨ jĩra.