Ep'esio 2:1 - Tachi Ak'õre Pedea

¹ Naena mãra piu p'anasidama, ĩjãanawẽa p'anasidepa nemietá oopachida pẽra.

Ep'esio 2:1 ပူးပေါင်းရင်းမြစ်များ

Mateo 8:22

Jesupa ichiá jarasima: —Mɨ ome chese. Itu bɨse, chi piudaadapa chi piudada t'ɨbaridamẽrá.

Luca 15:32

Maamina naapae sõ arapaadai pia bɨma, pɨ ũpẽa piuda jĩra bada chok'ae bɨẽra; chi atua bada unusidaɨdeepuru”».

Juan 10:10

Chi nechɨaparí cheparima oveja chɨai k'orea, peai k'orea mãɨnepa atuapii k'orea. Maamina mɨ chesima ẽpẽerãpa chok'ae bai ara minachia uru p'ananamẽrá.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 5:21

Mɨ Ak'õrepa piudaadarã chok'ae p'irabaripik'ari chok'ae bɨpipari jĩra, ara mãɨya mɨ chi Warrapa chi mɨa k'ɨ̃riarut'a chok'ae bapiparima.

Juan 5:25

Piarã jararuma: ewari chei bada chesima. Nãmãɨpa chi piuda jĩra p'anɨrãpa mɨ, chi Tachi Ak'õre Warra pedea ũrinaipɨ. Chi mɨne ĩjãauta chok'ae p'ananaipɨ.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

2 Corintio 5:14

Cristopa tai k'ɨ̃ria bɨ pẽra ichia k'ɨ̃ria bɨt'a oo p'anɨma. Mãɨ k'ɨ̃risiadak'ari, piarã k'awa p'anɨma Ẽpẽra Aba piusit'a jõmãɨrã k'orea. Mãɨpuru Tachi Ak'õre k'ĩrari jõmãɨrã piusidama.

Ep'esio 4:18

Ãchi k'ɨ̃risia p'ãrione bɨ pẽra Tachi Ak'õre k'orea k'awadak'ama. Ãchi sõ chaareapa Tachi Ak'õre atua p'anɨ pẽra ichia chok'ae bapiparit'a nea p'anɨma.

Ep'esio 5:14

ɨnaane ãarea unupata pẽra. Mãɨ k'orea nãɨya jarapatama: «Ɨ̃rɨmase pɨ k'ãi bɨ. Nemietaade piu bada p'irabarise. Maapae Cristopa pɨ ɨnaane bɨipɨ».

Colosense 2:13

Naena mãra piu p'anasidama, ĩjãanawẽa p'anasidepa nemietá oopachida pẽra. Mãɨne tachi k'ak'uapa nemietá ooyá bɨ oopachidama. Maamina Tachi Ak'õrepa mãra Cristo ome chok'ae bɨsima. Jõma tachia nemietá oodada ichia k'ɨ̃risia atuasima.

1 Timoteo 5:6

Maamina p'ẽtãpa bɨsi oo bai k'orea jɨrɨ baipɨra, chok'ae bɨmina piuda jĩra bɨma.

1 Juan 3:14

Tachia ũpẽarã k'ɨ̃ria p'anɨ pẽra k'awa p'anɨma tachi piu p'anana chok'ae p'aneesidat'a. Chi ichi ũpẽa k'ɨ̃riawẽa bɨ wapida piu bɨma.

Apocalipsi 3:1

»Chi Sardi p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'a nãɨya bɨse: »Chi Tachi Ak'õre k'ĩrari jaore siete uru bɨpa mãɨnepa k'ãk'ãi siete uru bɨpa nãɨya jara bɨma: »Mãrapa oo p'anɨt'a mɨa k'awa bɨma. Ẽpẽerãpa jara p'anɨma mãrapa Tachi Ak'õre minachia ĩjãa p'anɨ pẽra chok'ae bet'a. Maamina piarã ara mãrapa Tachi Ak'õrene ĩjãanawẽa p'anɨ pẽra chi piudaadarãpɨ.