Ep'esio 1:8 - Tachi Ak'õre Pedea

⁸ Mãɨ sõpia bɨdepa tachi minachia k'aripak'ari, jõma ichi k'ɨ̃risia k'awa bɨ mãɨnepa k'ɨ̃risia tachiá teasima.

Ep'esio 1:8 ပူးပေါင်းရင်းမြစ်များ

Mateo 11:19

Mãɨpari mɨ, chi Ẽpẽra Warrapa ne ãarea k'oparima mãɨnepa ne ãarea toparima. Maamina ãchia jarapatama mɨ miak'ãe nek'oparipɨ mãɨnepa it'ua minachia toparipɨ. Mãɨ awara jarapatama mɨ nemietá oopataɨrã ome mãɨnepa Romanepema pae erreara jɨrɨp'epataɨrã ome nipapariade apatama. Maamina Tachi Ak'õre k'ɨ̃risia jĩp'a bɨt'a k'awa p'anɨma, chi ichide ĩjãapataɨrãpa jĩp'a oopata pẽra».

Romano 11:33

Tachi Ak'õre minachia ne k'awa bɨma mãɨnepa k'ɨ̃risia k'awa bɨma. Ichia ooi k'ɨ̃risia bɨt'a mi ãpia pida p'ue k'awadaiwẽma. Ichia oo bɨ sida p'ue k'awadaiwẽma.

Romano 5:15

Piarã ẽpẽra aba bɨpa nemietá ooda k'orea jõmãɨrã piusidama. Maamina ẽpẽra aba bɨdepa Tachi Ak'õrepa ichi sõpiadepa pari chok'ae bapisima mãɨ ãarea chok'ae p'ananamẽrá. Jesucristopa ichi sõpiadepa tachi pae ooda, chi Adanpa nemietá oo bada k'aepẽra atepe piipará bɨma. Mãɨpuru chi Tachi Ak'õrepa pari tea bɨt'a Adanpa nemietá oodadepa cheda jĩra bɨwẽma.

1 Corintio 2:7

Taipa chi Tachi Ak'õre k'ɨ̃risia naena k'awapiwẽa bada jaratea p'anɨma. Nãɨ ĩjũa ooi naena Tachi Ak'õrepa mãɨ k'ɨ̃risiadepa ne ooi bɨsima tachi ichi ome ará pia p'ananamẽrá.

Ep'esio 1:11

Tachi Ak'õrepa nejõma ichia oo k'ɨ̃ria bɨt'a oopari jĩra, Cristodepa tachi jɨrɨ atasima, naenaena k'ɨ̃risia bada jĩra.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

Ep'esio 1:9

Ichia oo k'ɨ̃ria bɨt'a, naena k'awapiwẽa basima. Maamina tachiá k'awapisima ichi sõpiadepa k'ɨ̃riana pẽra. Ichia Cristodepa naenaena ooi k'ɨ̃risia bada

Ep'esio 3:10

Naapae ẽpẽrarã Tachi Ak'õrenepemarãnepa Ichia ichi ne ãareaɨne minachia ne k'awa bɨt'a k'awapisima chi jua chaarea berã́ mãɨnepa chi pajãnepema chi atepe k'awa berã́.

Colosense 2:3

Ichiapuru Tachi Ak'õre k'ɨ̃risiat'a k'ɨ̃risiapiipɨ mãɨnepa ne minachia k'awapiipɨ. Mãɨ k'ɨ̃risiat'a mãɨnepa ne k'awa p'anɨt'a minachia pia p'anɨma.

Juda 1:25

Tachi Ak'õre abapuru bɨma. Ichi Tachi K'aripaparipɨ. Ichit'a chi atepe bɨma, mãɨnepa ne ãarea p'ue ooi bɨma. Naenaenapema mãɨya nima, idiapae pida mãɨya bɨma, mãɨnepa ewaricha mãɨya baipɨ. Tachi Chipari Jesucristodepa ichiaapuru pia pedeadai p'anɨma. Mãɨya beese.

Apocalipsi 5:12

Nãɨya jĩk'ua k'ari p'anasidama: «¡Chi Oveja Chak'e peadada minachia pia bɨma! Ãareaɨrãpa pia pedeadai p'anɨma ichit'a mãɨ ichia ãarea jõma p'ue bɨẽra, mãɨnepa ãarea uru bɨẽra, mãɨnepa ãarea k'awa bɨẽra mãɨnepa jua chaarea bɨẽra. Ichit'u chi atepe bɨade a jaradai p'anɨma mãɨnepa chi piipará bɨade a jaradai p'anɨma».