Ep'esio 1:7 - Tachi Ak'õre Pedea

⁷ Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

Ep'esio 1:7 ပူးပေါင်းရင်းမြစ်များ

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Mateo 26:28

Nãɨ mɨ oapɨ. Mɨ oa ãrirunepa Tachi Ak'õrepa pedea chiwidi bɨ bɨma chok'ará ẽpẽerãpa nemietá oodada k'ɨ̃risia atuai k'orea.

Mateo 6:12

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra.

Marco 14:24

Mãɨne Jesupa jarasima: —Nãɨ mɨ oapɨ. Mɨ oa ãrirunepa Tachi Ak'õrepa pedea chiwidi bɨ bɨma chok'ará ẽpẽerã pae.

Luca 1:77

Pɨa israel ĩjũanepemarã́ k'awapiipɨ sãmaasã́ Tachi Ak'õrepa ãchi nemietá k'ɨ̃risia atuak'ari k'aripait'a.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Juan 20:23

Ẽpẽrapa nemietá ooda mãrapa Tachi Ak'õre Jaoredepa k'ɨ̃risia atuadaipɨra, mãɨpa jara bɨma Tachi Ak'õrepa mãɨ nemietá k'ɨ̃risia atuasit'a. Mãɨnepa ẽpẽrapa nemietá ooda mãrapa Tachi Ak'õre Jaoredepa k'ɨ̃risia atuadaepɨra mãɨpa jara bɨma Tachi Ak'õrepa mãɨ nemietá k'ɨ̃risia atuawẽa bɨt'a.

Hecho 10:43

Ãarea Tachi Ak'õre pari pedeapataɨrãpa mãɨ k'orea pedeasidama. Ãchia k'awapisidama parituapa Jesude ĩjãaipɨra, mãɨ ẽpẽrapa nemietá oo bada Tachi Ak'õrepa ichidepa k'ɨ̃risia atuait'a.

Hecho 2:38

Mãɨne Pedropa p'anoosima: —Machi nemietá oo p'anana itu bɨdak'ari Tachi Ak'õremá chet'ɨ. Jesucristo t'ɨ̃nepa porochoat'ɨ. Mãɨne mãrapa nemietá oo p'anana Tachi Ak'õrepa k'ɨ̃risia atuak'ari ichi Jaore mãrá teaipɨ.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Hecho 3:19

Chi mãrapa nemietá oodada itu bɨdak'ari Tachi Ak'õremá chet'ɨ. Mãɨya oosidara Tachi Chiparipa mãrapa nemietá oodaadat'a k'ɨ̃risia atuak'ari sõpiapiipɨ.

Romano 2:4

Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

Romano 3:24

Maamina Tachi Ak'õrepa ichi sõpiadepa ẽpẽra chi ichidirã jĩp'a berã paara bɨparima pari ne tearu jĩra. Mãɨya jaraparima Jesucristopa nemietaadepema k'aripada pẽra.

Romano 3:25

Tachi Ak'õrepa Jesucristo bɨsima ichi oa ãrimẽrá tachi nemietá k'orea. Mãɨne ĩjãautade Tachi Ak'õrepa tachi nemietá k'ɨ̃risia atuaparima. Mãɨpa unupi bɨma Tachi Ak'õre jĩp'a bɨt'a tachi k'aripai k'orea. Cristo chei naena nemietá oodada Tachi Ak'õrepa ãarea choa bɨdepa ɨtɨawẽa basima.

Romano 9:23

Mãɨya choasima ichi pia bɨ waibɨa bɨdepema ichia k'ĩra chupuria bɨ ẽpẽrarã́ k'awapii k'orea. Ãchi ichia naena jɨrɨ atasima ichi pia bɨdepema uru p'ananamẽrá.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

2 Corintio 8:9

Mãrapa minachia k'awa p'anɨma Tachi Chipari Jesucristopa ichi sõpiadepa oodat'a. Ichi pajãne nejõma uru bɨmina, mãra pae nãɨ k'ak'uade nenea bɨ jĩra basima mãrapa nejõma Tachi Ak'õrepa tea bɨdepema uru p'ananamẽrá.

Ep'esio 1:14

Tachi Ak'õre Jaore jitatadada pẽra tachia k'awa p'anɨma jõma Tachi Ak'õrepa teai jarada piarã jitadait'a chi ichidirã ãarea pia bɨi ewaride. Mãɨ k'orea ichi pia bɨ k'orea pia pedeadai p'anɨma.

Ep'esio 1:18

Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a.

Ep'esio 1:6

Ichi minachia sõpia bɨdepa tachi k'aripasima ichia k'ɨ̃ria bɨ Warradepa. Mãɨ k'orea ichiá pia pedeadai p'anɨma.

Ep'esio 1:8

Mãɨ sõpia bɨdepa tachi minachia k'aripak'ari, jõma ichi k'ɨ̃risia k'awa bɨ mãɨnepa k'ɨ̃risia tachiá teasima.

Ep'esio 2:4

Maamina Tachi Ak'õrepa minachia k'ĩra chupuriaparima. Ichia tachi minachia k'ɨ̃ria bɨ pẽra

Ep'esio 2:7

Mãɨ jõma oosima k'aadeapema ewaride ichi sõpia minachia bɨt'a unupii k'orea. Mãɨnepa tachi chi Jesucristo ome p'anɨrã k'aripasima.

Ep'esio 3:16

Mɨa ɨt'aa chiidi bɨma ichi Jaoredepa mãɨnepa ichia ne minachia pia bɨdepema mãra sõne jua chaarea p'anapimẽrá. Mãɨya mãra chaarea p'ananaipɨ.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

P'ilipense 4:19

Piarã jõma mãrapa newẽa p'anɨt'a, mɨ Pajãnepema Ak'õrepa nejõma pia uru bɨdepema Jesucristodepa teaipɨ.

Colosense 1:14

Ichi Warradepa Tachi Ak'õrepa tachi nemietaadepema k'aripasima. Tachia nemietá oodada ãarea k'ɨ̃risia atuasima.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Colosense 2:13

Naena mãra piu p'anasidama, ĩjãanawẽa p'anasidepa nemietá oopachida pẽra. Mãɨne tachi k'ak'uapa nemietá ooyá bɨ oopachidama. Maamina Tachi Ak'õrepa mãra Cristo ome chok'ae bɨsima. Jõma tachia nemietá oodada ichia k'ɨ̃risia atuasima.

Colosense 2:2

Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

1 Timoteo 2:6

Ara ichi itu peapisima jõma ẽpẽrarã k'aripa bai k'orea. Tachi Ak'õrepa bɨda ewaride mãɨ k'awapisima.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Tito 3:6

Tachi K'aripaparí Jesucristodepa Tachi Ak'õrepa ichi Jaore tachiá teasima, pania minachia weasi jĩra tachi k'ak'ua ɨ̃rɨ.

Hebreo 9:22

Piarã Moisepa bɨdade jara bɨma perá ne ãarea oapa jĩp'oi badat'a mãɨ Tachi Ak'õre k'ĩrari pia beemẽrá. Mãɨ oa ãrinaepɨra tachia nemietá oodada Tachi Ak'õrepa k'ɨ̃risia atuaiwẽma.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

1 Juan 2:12

Warrarã, mɨa nãɨ k'art'a mãrá bɨruma Tachi Ak'õrepa Cristodepa mãra nemietá k'ɨ̃risia atuada pẽra.

1 Juan 2:2

Ichi piusima Tachi Ak'õrepa tachi nemietá k'ɨ̃risia atuamẽrá. Abapuru tachi nemietá k'orea piué pasima, mãɨpari piusima jõma nãɨ ĩjũane p'anɨrã nemietá k'orea pida.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

Apocalipsi 14:4

Mãɨrã ẽpẽerã waidi wẽra oodak'a pasima. Tachi Ak'õremá mãɨrã ãpia pida nemietá newẽa p'anasima. Ãchia chi Oveja Chak'e ichi wãrumá ichi ome wãpatama. Tachi Ak'õrepa ãchi nãɨ ĩjũanepema k'aripasima, ichi pae mãɨnepa chi Oveja Chak'e pae p'ananamẽrá mãɨ chi ne uuda naa chauda ichiá teapata jĩra.

Apocalipsi 5:9

Chi chõarã veinticuatro p'anɨpa mãɨnepa chi ẽpẽra jĩra chok'ae berãpa nãɨ k'ari chiwidit'a k'arisidama: «Pɨ pia bɨma mãɨ k'art'a jitak'ari chi k'ara nɨbɨ oet'ait'a, pɨ peasida pẽra. Chi mãɨ oa pɨa ãrisidepa ẽpẽerã Tachi Ak'õre pae atasima. Ẽpẽerã awaraɨcha, pedeacha, p'uurucha mãɨnepa ĩjũacha mãɨrãnepema eda waapẽarã atasima.