Ep'esio 1:6 - Tachi Ak'õre Pedea

⁶ Ichi minachia sõpia bɨdepa tachi k'aripasima ichia k'ɨ̃ria bɨ Warradepa. Mãɨ k'orea ichiá pia pedeadai p'anɨma.

Ep'esio 1:6 ပူးပေါင်းရင်းမြစ်များ

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Mateo 20:9

Chi ɨmata baepodode mimiane wã p'anana chi chaarea bɨmá naa chesidama. Mãɨne ãchicha ewari aba abarik'a mimiana jĩra jitasidama.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Luca 2:14

«¡Tachi Ak'õre ɨt'ɨ pajãne bɨ pi-ia bɨma! ¡Tachi Ak'õrepa pia unu bɨ ẽpẽrarã nãɨ ĩjũane ne k'ɨ̃risiadawẽa p'ananaima!»

Juan 10:17

»Mɨ Ak'õrepa mɨ k'ɨ̃ria bɨma, ara mɨ itu peapii bɨ pẽra. Maapae mɨ mãicha chok'ae beeipɨ.

Juan 3:35

Tachi Ak'õrepa ichi Warra k'ɨ̃ria bɨma; mãɨnepa ne ãarea teasima ichi juade uru bamẽrá.

Romano 8:1

Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

2 Corintio 4:15

Tai mãɨ ãarea minachia mĩa p'anɨma mãra pia p'ananamẽrá. Mãɨne Tachi Ak'õrepa ichi sõpiadepa ẽpẽrarã chok'ará k'ariparuma. Mãɨya chok'araɨrãpa ichiá pia bɨade adaipɨ mãɨnepa ichi k'orea pia jaradaipɨ.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Ep'esio 1:12

Mãɨya oosima tai judiorã chi naa Cristode ĩjãanaanarãpa ichi pia bɨ k'orea pia pedeadamẽrá.

Ep'esio 1:14

Tachi Ak'õre Jaore jitatadada pẽra tachia k'awa p'anɨma jõma Tachi Ak'õrepa teai jarada piarã jitadait'a chi ichidirã ãarea pia bɨi ewaride. Mãɨ k'orea ichi pia bɨ k'orea pia pedeadai p'anɨma.

Ep'esio 1:18

Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a.

Ep'esio 2:7

Mãɨ jõma oosima k'aadeapema ewaride ichi sõpia minachia bɨt'a unupii k'orea. Mãɨnepa tachi chi Jesucristo ome p'anɨrã k'aripasima.

P'ilipense 1:11

Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.

P'ilipense 4:19

Piarã jõma mãrapa newẽa p'anɨt'a, mɨ Pajãnepema Ak'õrepa nejõma pia uru bɨdepema Jesucristodepa teaipɨ.

Colosense 1:13

Tachi Ak'õrepa chi p'ãrionepema tiore juadepema tachi k'aripak'ari bɨsima ichi Warra k'ɨ̃ria bɨ juade ichidirã paara ua bamẽrá.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.