Ep'esio 1:18 - Tachi Ak'õre Pedea

¹⁸ Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a.

Ep'esio 1:18 ပူးပေါင်းရင်းမြစ်များ

Mateo 13:15

Ãchi sõnepa p'ue k'awadak'ama, ũri k'ɨ̃rianak'ama mãɨnepa unu k'ɨ̃rianak'ama. Mãɨya badaépara ãchia taudepa ununai pasima, k'ɨɨrɨdepa ũrinai pasima mãɨnepa sõnepa k'awadai pasima. Maapae mɨmá chedak'ari mɨa ãchi jɨpa beepii pasima.

Marco 10:17

Jesú mãmãɨpa wãrune ẽpẽra ichimá p'ira chesima. Mãɨ ẽpẽra Jesú k'ĩrari sĩraporode k'obeek'ari idisima: —Pia Jarateaparí, ¿mɨa k'ãre ooi bɨma Tachi Ak'õre ome ewaricha chok'ae bai k'orea?

Luca 24:45

Maapae Jesupa ãchiá k'ɨ̃risia teasima Tachi Ak'õre pedea k'awadamẽrá.

Hecho 16:14

Mãɨ wẽrarãnepema aba Lidia apachidama. Ichi Tiatira p'uurudepema pasima. P'aru k'ĩra pia arena bɨ netopachima. Mãɨ judiowẽ wẽrapa Tachi Ak'õre wap'ea basima. Tachi Chiparipa ichiá ũripisi pẽra Pablopa chi pedea bɨt'a Lidiapa pia ũrik'ari ĩjãasima.

Romano 11:29

Piarã Tachi Ak'õrepa teada ẽemarik'ama. Ichia t'ɨ̃na itu bɨk'ama.

Romano 2:4

Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

Gálata 5:5

Maamina tachia Cristode ĩjãa p'anɨ pẽra Tachi Ak'õre Jaoredepa piarã k'awa p'anɨma Tachi Ak'õrepa tachi chi jĩp'a berã paara bɨit'a.

Ep'esio 1:11

Tachi Ak'õrepa nejõma ichia oo k'ɨ̃ria bɨt'a oopari jĩra, Cristodepa tachi jɨrɨ atasima, naenaena k'ɨ̃risia bada jĩra.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.

Ep'esio 3:16

Mɨa ɨt'aa chiidi bɨma ichi Jaoredepa mãɨnepa ichia ne minachia pia bɨdepema mãra sõne jua chaarea p'anapimẽrá. Mãɨya mãra chaarea p'ananaipɨ.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

Ep'esio 4:4

Tachi k'ak'ua abapuru bɨma. Tachi Ak'õre Jaore abapuru bɨt'a uru p'anɨma. Tachi Ak'õrepa mãra t'ɨ̃sima abarik'a nɨ p'ananamẽrá.

Ep'esio 5:8

Naena mãra p'ãrionepema pasima, maamina idiapae Tachi Chipari ome p'anɨ pẽra mãra ɨnaanepemarãpɨ. Mãɨpuru ɨnaanepema warrarã jĩra nipat'ɨ.

P'ilipense 3:14

P'ira wãruma mãɨ chi tauchaa bɨmá pai k'orea, Jesucristodepa nepia pajãnepema atai k'orea, Tachi Ak'õrepa t'ɨ̃na pẽra.

Colosense 1:12

Mãɨya arapá p'anɨnepa Tachi Pajãnepema Ak'õrea sõpia p'anɨane adaipɨ. Mãra jõma ichi ẽpẽrarã ome ɨnaane pia bɨsima ichia uru bɨdepema jitadamẽrá.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Colosense 1:5

Mãra mãɨya p'anɨma, k'awa p'anɨ pẽra Tachi Ak'õrepa mãra pae nepia pajãne yaa uru bɨt'a. Mãɨ mãrapa naena ũrisidama chi piarãpẽa pedea Jesucristo k'orea mãramá cheside. Mãɨ pedea pia

Colosense 2:2

Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

Colosense 3:15

Tachi Ak'õrepa mãra t'ɨ̃sima k'ak'ua aba bɨ jĩra p'ananamẽrá. Cristopa nek'ĩramariwẽa p'anapi bɨma, mãra sõne. Mãɨpa k'awapiipɨ k'ãre oodai p'anɨ. Mãɨya p'anat'ɨ. Mãɨnepa Tachi Ak'õrea sõpia p'anɨane at'ɨ.

1 Tesalonicense 2:12

Taipa minachia ũraasidama mãra Tachi Ak'õrepa k'ɨ̃ria bɨ jĩra nipadamẽrá. Ichia mãra t'ɨ̃sima ichi juade ua bai k'orea mãɨnepa ichi pia bɨdepema uru p'ananamẽrá.

1 Tesalonicense 5:8

Mãɨt'u tachi chi ãst'aapema pẽra ẽrea p'ananai p'anɨma. Cristode ĩjãa p'ananai p'anɨma, waapẽarã k'ɨ̃ria p'ananai p'anɨma, mãɨnepa Tachi Ak'õrepa ɨtɨai pada k'aripait'a nɨ p'ananai p'anɨma. Mãɨya ara tachi pia ak'ɨ p'ananai p'anɨma, papaká bɨpa ichi poro ɨ̃rɨ ne chaarea jɨ̃pari jĩra, mãɨnepa k'ak'uade ne chaarea bɨ jɨ̃pari jĩra.

2 Tesalonicense 1:11

Mãɨ k'orea taipa ewaricha Tachi Ak'õrea ɨt'aa chiidipatama ichia mãra pia unumẽrá. Ichia mãra mãɨ k'orea t'ɨ̃sima. Taipa ɨt'aa chiidi p'anɨma Tachi Ak'õrepa ichi jua chaareadepa mãra ãareane k'aripamẽrá. Mãɨya ichide ĩjãa p'anɨnepa chi nepia oo k'ɨ̃ria p'anɨt'a jõma oodaipɨ.

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

1 Timoteo 6:12

Ne ãareaɨne Cristode ĩjãa base pia papaká bɨ k'ĩruupari jĩra. Mãɨya pɨ ewaricha Tachi Ak'õre ome baipɨ. Chok'ará p'anɨ k'ĩrari, pɨa Cristode ĩjãa bɨade a jaraside, Tachi Ak'õrepa pɨ t'ɨ̃sima mãɨya chok'ae bamẽrá.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

Tito 3:7

Mãɨya Tachi Ak'õrepa ichi sõpiadepa tachi jĩp'a unu bɨ pẽra ewaricha ichi ome chok'ae p'ananaipɨ. Mãɨ nɨ p'anɨma.

Hebreo 10:32

K'ɨ̃risiat'ɨ mãrapa naa chi piarã pedea k'awasidaɨde sãmaasã́ p'anasit'a. Mãɨ ewaride mãra minachia mĩanana ãarea choasidama.

Hebreo 6:4

Chi eda waapẽarãpa chi piarã pedea k'awa p'ananak'ari, Tachi Ak'õrepa tea bɨ k'orea arapá p'ananak'ari, Ichi Jaoredepa ne jitadak'ari,

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.