Ep'esio 1:11 - Tachi Ak'õre Pedea

¹¹ Tachi Ak'õrepa nejõma ichia oo k'ɨ̃ria bɨt'a oopari jĩra, Cristodepa tachi jɨrɨ atasima, naenaena k'ɨ̃risia bada jĩra.

Ep'esio 1:11 ပူးပေါင်းရင်းမြစ်များ

Hecho 13:48

Judiorãwẽpa mãɨ ũrisidaɨde arapaasidama. Ara mãɨne Tachi Chipari k'orea pedea pia pedeasidama. Chi Tachi Ak'õrepa ewaricha ichi ome chok'ae beadai k'orea bɨdarãpa ichide ĩjãasidama.

Hecho 2:23

Tachi Ak'õrepa naena k'ɨ̃risia bada jĩra abaɨa itu Jesú mãra juade teapisima. Maapae mãrapa ẽpẽerã k'achiarã́ k'urusude barijira bɨk'ari peapisidama. Tachi Ak'õrepa k'awa basima mãɨ ãarea mãɨyait'a.

Hecho 20:32

»Naapae, mɨa mãra Tachi Ak'õre juade bɨipɨ. Ichi sõpiadepa tachi k'aripa bɨ k'orea pedea k'ɨ̃risiat'ɨ. Ichi sõpiadepa jua chaarea teaparima mãrapa pia ĩjãanamẽrá. Chi ichia teai jaradat'a ichi sõpiadepa mãrapa mãɨnepa ãarea chi ichi pae pia bɨdarãpa mãɨ jitadaipɨ.

Hecho 4:28

ãchia mãɨya oosidama pɨa naena k'ɨ̃risia bada jĩra. Pɨ minachia jua chaarea bɨ pẽra naena mãɨya bɨsima ãchia mãɨya oodamẽrá.

Romano 11:34

«¿K'aipa Tachi Chipari k'ɨ̃risia k'awa bɨma? ¿K'aipa ichiá k'ɨ̃risia jarateaparima?

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Romano 8:28

Mãɨ awara Tachi Ak'õrepa k'ɨ̃risia bada jĩra chi ichi k'ɨ̃ria berã t'ɨ̃sima. Tachia k'awa p'anɨma mãɨrã pae Tachi Ak'õrepa ne ãareaɨne pia ooparit'a.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Romano 8:30

Tachi Ak'õrepa chi ichia naenaena bɨdarã t'ɨ̃k'oasima ichi Warra Jesú jĩra p'ananamẽrá. Chi ichia t'ɨ̃k'oada mãɨ chi ichidirã jĩp'a berã paara bɨsima. Chi ichia ichidirã jĩp'a berã paara bɨdá, ichi pia bɨdepema teaipɨ.

Gálata 3:18

Moisepa bɨda oo p'anɨ k'orea ichia tachi k'aripaipɨra, ichia k'aripayade ada jĩra k'aripawẽma. Maamina Tachi Ak'õrepa Abrahán k'aripayade ada pẽra ichi sõpiadepa k'aripasima.

Ep'esio 1:14

Tachi Ak'õre Jaore jitatadada pẽra tachia k'awa p'anɨma jõma Tachi Ak'õrepa teai jarada piarã jitadait'a chi ichidirã ãarea pia bɨi ewaride. Mãɨ k'orea ichi pia bɨ k'orea pia pedeadai p'anɨma.

Ep'esio 1:18

Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a.

Ep'esio 1:8

Mãɨ sõpia bɨdepa tachi minachia k'aripak'ari, jõma ichi k'ɨ̃risia k'awa bɨ mãɨnepa k'ɨ̃risia tachiá teasima.

Ep'esio 1:9

Ichia oo k'ɨ̃ria bɨt'a, naena k'awapiwẽa basima. Maamina tachiá k'awapisima ichi sõpiadepa k'ɨ̃riana pẽra. Ichia Cristodepa naenaena ooi k'ɨ̃risia bada

Ep'esio 3:11

Mãɨya oosima ichia naenaena Tachi Chipari Jesucristodepa ooi k'ɨ̃risia bada pẽra.

Colosense 1:12

Mãɨya arapá p'anɨnepa Tachi Pajãnepema Ak'õrea sõpia p'anɨane adaipɨ. Mãra jõma ichi ẽpẽrarã ome ɨnaane pia bɨsima ichia uru bɨdepema jitadamẽrá.

Colosense 3:24

Mãra Tachi Chipari Cristo pae pari mimiapataɨrãpɨ. Mãrapa k'awa p'anɨma ichi pae pia oo p'anɨ pẽra, ichia mãrá chi ne atadai p'anɨt'a teaipɨ.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Tito 3:7

Mãɨya Tachi Ak'õrepa ichi sõpiadepa tachi jĩp'a unu bɨ pẽra ewaricha ichi ome chok'ae p'ananaipɨ. Mãɨ nɨ p'anɨma.

Hebreo 6:17

Ara mãɨ jĩra Tachi Ak'õrepa pia k'awapi k'ɨ̃riasima chi ichia teayade ada pada piarã jitadait'a mãɨnepa ichia k'ɨ̃risia bɨ jĩra piarã ooparit'a. Mãɨpuru ara ichi t'ɨ̃nepa piarã teayade asima.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

1 Pedro 1:4

ichia tachi pae pajãne uru bɨt'a jõma jitadaipɨ. Mãɨ ãrik'ama, jõk'ama, mãɨnepa nemietaawẽma.

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.