Ep'esio 1:10 - Tachi Ak'õre Pedea

¹⁰ ichia bɨda ewaride nãɨya ãarea ooipɨ: mãɨ ewaride ne ãarea pajãnepema mãɨnepa nãɨ ĩjũanepema Cristo juade bɨipɨ.

Ep'esio 1:10 ပူးပေါင်းရင်းမြစ်များ

Mateo 25:32

Mãɨne ẽpẽrarã tuadepemacha mɨ k'ĩrari cheepɨrɨdaipɨ. Mãɨrã mɨa awara awará bɨipɨ oveja ak'ɨparipa ichi oveja cabra ome tausia p'anana awara awará bɨpari jĩra.

Marco 1:15

Nãɨya jarapachima: «Chi ewari ará pasima. Tãaraawẽa bɨde Tachi Ak'õrepa ichidirã ichi juade ua baipɨ. Mãrapa nemietá oopataɨ itu bɨdak'ari mãɨ pedea pia ĩjãat'ɨ».

1 Corintio 10:11

Jõma ãchi mãɨyanapa unupi bɨma sãmaasã́ Tachi Ak'õrepa chi nemietá ɨtɨaparit'a. Mãɨ Tachi Ak'õre pedeade bɨ bɨma, tachi nãɨ k'aadea ewaridepemarãpa ara mãɨ jĩra oopidaemaapa.

1 Corintio 11:3

Maamina mɨa k'ɨ̃ria bɨma mãrapa k'awadai Cristo chi ɨmɨk'ĩira ãarea Chiparipɨ, chi ɨmɨk'ĩra chi wẽra chiparipɨ, mãɨnepa Tachi Ak'õre Cristo Chiparipɨ.

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

Ep'esio 1:22

Tachi Ak'õrepa ne ãarea Cristo juade bɨsima, mãɨnepa Cristo bɨsima ne ãareaɨne ichi ẽpẽrarã Chipari bamẽrá.

Ep'esio 2:15

Moisepa bɨdapa ne minachia wawaria oopipachima mãɨ judiorã, judiorãwẽ ãchi k'ak'awá p'ananamẽrá. Maamina Cristo piudadepa mãɨ Moisepa bɨda ãyá bɨsima, ne k'ɨ̃risiawẽa ará p'ananamẽrá mãɨnepa p'uuru chiwidi aba bɨde tuanamẽrá.

Ep'esio 3:15

Ichia jõma pajãne be mãɨnepa nãɨ ĩjũane be oosima mãɨnepa ichidepa p'anɨma.

Ep'esio 3:2

Mɨmá mãrapa minachia k'awa p'anɨma Tachi Ak'õrepa ichi sõpiadepa mɨ bɨsit'a mãrá jarateamẽrá.

Colosense 1:16

Ichidepa Tachi Ak'õrepa nejõma oosima. Pajãne be, nãɨ ĩjũane be, tachia unupataɨt'a mãɨnepa tachia ununak'aɨt'a ãarea oosima. Jõma ununak'aɨ minachia berã, chi atepe k'awa p'anɨrã mãɨnepa chi jua chaarea be oosima. Tachi Ak'õrepa nejõma Cristodepa oosima mãɨnepa Cristo pae oosima.

Colosense 1:20

Mãɨnepa k'ɨ̃riasima Cristodepa ne ãarea pajãnepema mãɨnepa nãɨ ĩjũanepema ichi ome pia p'ananamẽrá. Mãɨpuru Cristo k'urusude oa ãrinaneepuru ichi ome nek'ĩramariwẽa p'aneesidama.

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.

Hebreo 1:2

Maamina nãɨ k'aadeapema ewaride ichi Warradepa tachiá pedeasima. Ichi Warradepa Tachi Ak'õrepa ne ãarea oosima mãɨnepa ichi bɨsima ne ãarea uru bamẽrá.

Hebreo 11:40

Tachi Ak'õrepa tachi pae nepia bɨt'a uru bɨ pẽra ichia k'ɨ̃riasima ãchi tachi ome ne ãareaɨne pia p'ananait'a.

Hebreo 9:10

Moisepa bɨdapa abapuru k'awapisima chi tachi k'ak'ua ɨ̃rɨpema k'orea jarateapataɨ: k'ãre k'odai p'anɨt'a, k'ãre todai p'anɨt'a, mãɨnepa Tachi Ak'õrepa sɨɨpi bɨ sãmaasã́ sɨɨdai p'anɨt'a. Mãɨ ãarea nãɨ k'ak'uade oopachidama aba Tachi Ak'õrepa ãarea k'ĩra chiwidi oorudea.

1 Pedro 1:20

Nãɨ ĩjũa ooi naena Tachi Ak'õrepa Cristo jɨrɨ atak'ari nãɨ k'aadeapema ewaride peesima mãra pia p'ananamẽrá.

Apocalipsi 5:9

Chi chõarã veinticuatro p'anɨpa mãɨnepa chi ẽpẽra jĩra chok'ae berãpa nãɨ k'ari chiwidit'a k'arisidama: «Pɨ pia bɨma mãɨ k'art'a jitak'ari chi k'ara nɨbɨ oet'ait'a, pɨ peasida pẽra. Chi mãɨ oa pɨa ãrisidepa ẽpẽerã Tachi Ak'õre pae atasima. Ẽpẽerã awaraɨcha, pedeacha, p'uurucha mãɨnepa ĩjũacha mãɨrãnepema eda waapẽarã atasima.