Colosense 4:11 - Tachi Ak'õre Pedea

¹¹ Mãɨnepa ũpẽa Jesú, Justo apataɨpa pia bapade a jara peeruma mãrá. Ũpẽarã judiorãnepema mãɨ ũpea p'anɨpa nãma mɨ k'aripa jaratea p'anɨma Tachi Ak'õrepa ichidirã ichi juade ua bɨ k'orea. Mãɨ ũpẽarã k'orea mɨ sõpia baparima.

Colosense 4:11 ပူးပေါင်းရင်းမြစ်များ

Hecho 10:45

Mãɨne pedea awara pedea tuaneesidama mãɨnepa Tachi Ak'õrea pia pedea tuaneesidama. Judiorã Jesude ĩjãapataɨrã Pedro ome chedaadapa mãɨ ũrisidaɨde k'awa k'ɨ̃risiadaé pasima Tachi Ak'õrepa ichi Jaore judiorãwẽa teada pẽra.

Hecho 11:2

Mãɨpuru Pedro Jerusalenea wãside waapẽarã ũpẽarã judiorãpa ichiá k'ĩruu pedeasidama.

Romano 16:3

Ũpẽawẽra Priscilá mãɨnepa ũpẽa Aquilá pia p'anapade a jara peet'ɨ. Ãchia mɨ jĩra abarik'a Jesucristopa oo bɨ oo p'anɨma.

Romano 4:12

Mãɨnepa Abrahanpa ichi k'ak'ua tauchaai naena ĩjãa bada jĩra k'ak'ua tauchaa berãpa ĩjãanaipɨra Abrahán ãchi ak'õrepɨ.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

Ep'esio 2:11

Mãɨ k'orea k'ɨ̃risiat'ɨ mãra judiorãwẽnepa t'õnana pẽra, judiorãpa mãrá chi «k'ak'ua tauchaadawẽa beade» apachidama. Ara ãchi chi «k'ak'ua tauchaa beade» apachidama, maamina abapuru nãɨ k'ak'uade k'ĩra awara p'anɨma.

P'ilipense 4:3

Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.

Colosense 4:7

Tachia k'ɨ̃ria p'anɨ ũpẽa Tík'ik'o mɨa mãramá peeruma mɨ k'orea k'awadamẽrá mãɨnepa sõpiadamẽrá. Ichia mɨ ome Tachi Chiparipa oo bɨ ne ãareaɨne pia oo bɨma. Ichia tai k'orea mãrá ãarea nepɨrɨipɨ.

1 Tesalonicense 3:7

Mãɨpa ũpẽarã, taipa k'awasidama mãrapa Jesude wapida ĩjãa p'anɨ. Mãɨpuru tai minachia mĩa p'anɨmina sõpiasidama.

Tito 1:10

Mɨa mãɨya jara bɨma k'ɨɨrɨwẽa berã, tachi k'aripak'á pedea jarateapataɨrã mãɨnepa chĩara seapataɨrã sida pará pẽra. Mãɨrã tachi ɨmɨk'ĩra k'ak'ua tauchaadai p'anɨane apataɨrãpɨ.

P'ilemón 1:1

Mɨ Pablopɨ. Jesucristo k'orea eda serra bɨma. Tachi ũpẽa Timoteo nãma bɨma. Ũpẽa P'ilemón, taipa pɨ k'ɨ̃ria p'anɨma. Pɨa tai jĩra Tachi Ak'õrepa oo bɨt'a oo bɨ pẽra mɨa nãɨ k'art'a pɨ pae bɨruma.

P'ilemón 1:24

Marcopa, Aristarcopa, Demapa mãɨnepa Luca pida pɨá pia bapade a p'anɨma. Ãchia mɨ ome Tachi Ak'õrepa oo bɨt'a oo p'anɨma.