Colosense 3:8 - Tachi Ak'õre Pedea

⁸ Maamina naapae jõma nãɨ itu bɨt'ɨ: mãra sõnepa k'ĩruupataɨ, k'ĩruu pedeapataɨ, waapẽarã́ piawẽa oopataɨ, waapẽarã́ k'achia pedeapataɨ mãɨnepa pedea k'achia jarapataɨ.

Colosense 3:8 ပူးပေါင်းရင်းမြစ်များ

Mateo 5:22

Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Romano 13:13

Tachi jĩp'a nipadai p'anɨma ãst'á nipapata jĩra. Arapá oopataɨ tiidá it'ua tode wãnaiwẽa p'anɨma, tachi k'ak'uadepa nemietá oo p'ananaiwẽa p'anɨma, k'ĩruu pedea p'ananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

1 Corintio 3:3

Mãra wapida nãɨ k'ak'uapa oo k'ɨ̃ria bɨ jĩra nipapatama: waapẽarãpa uru bɨ k'orea piawẽa k'ɨ̃risiapatama mãɨnepa k'ĩruu pedeapatama. Mãɨya p'anɨ pẽra ¿nãɨ k'ak'uapa oo k'ɨ̃ria bɨ jĩra nipapatawẽk'ãra? ¿Nãɨ ĩjũanepemarã jĩra p'anɨwẽk'ãra?

2 Corintio 12:20

Mɨa wap'ea bɨma mãramá wãk'ari mãra unuiwẽma mɨa k'ɨ̃ria bɨ jĩra. ¡Mãɨnepa mãrapa mɨ ununaiwẽma mãrapa k'ɨ̃ria p'anɨ jĩra, mãra ɨtɨai bɨdeepuru! Piarã mɨa wap'ea bɨma mãramá wãrune, unuipɨ mãra k'ĩruu pedea p'anɨt'a, waapẽarãpa ne uru be k'orea piawẽa p'anɨt'a, k'ĩruu p'anɨt'a, ara machi pia p'ananai k'orea jɨrɨ p'anɨt'a, waapẽarã k'orea k'achia pedea p'anɨt'a, waapẽarã k'orea sea jara p'anɨt'a, chi atepe bɨ jĩra k'ɨ̃risia p'anɨt'a mãɨnepa k'ĩruupik'a para p'anɨt'a.

Gálata 5:15

Jĩrak'aua p'anat'ɨ. K'ĩruu pedea tuananaipɨra, chõo tuananaipɨra, ara mãra tuaba jõma jõnaipɨ.

Gálata 5:20

juapa oodada sãdoa ɨt'aa chiidipataɨ, jaipanarãpa oopataɨ, waapẽarã unuemaapataɨ, k'ĩruu pedeapataɨ, waapẽarãné uru p'ananai k'ɨ̃riapataɨ, ɨ̃apachia k'ĩruupataɨ, waapẽarã k'aepẽra atepe pia p'ananayá jɨrɨpataɨ, ãchi k'ɨ̃risia k'ak'awá k'ɨ̃risia p'anapataɨ, Tachi Ak'õre pedea k'ĩra awara jaratea p'anɨnepa awara wãpataɨ,

Gálata 5:26

Waapẽarã k'aepẽra pia be k'ɨ̃risiadaiwẽa p'anɨma, k'ĩruu pedea tuananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

Ep'esio 4:22

Ãchia jarateadada nãɨpɨ: Mãrapa naena oo p'anana jĩra waa niparãt'ɨ. Tachi k'ak'ua nemietá ooyá bɨpa sea bɨdepa tachi piawẽa p'aneepiparima. Mãɨ itu bɨt'ɨ, neet'á sore wẽapata jĩra.

Ep'esio 4:25

Mãɨpuru sea itu bɨt'ɨ. Abapuru piarãt'a waapẽarã ome pedeat'ɨ, jõma tachi abarik'a k'ak'uadepema pẽra.

Ep'esio 4:26

K'ĩruunaipɨra nemietá oorãt'ɨ. Mãra k'ĩruu p'anɨmisa chi k'ĩruuna ome sõpia pedeat'ɨ ewari k'iui naena.

Ep'esio 4:29

Pedea k'achia pedearãt'ɨ. Mãɨpari waapẽarã k'aripadai k'orea abapuru pedea piat'a pedeat'ɨ. Mãɨya chi mãra pedea ũri be pia p'ananaipɨ.

Ep'esio 5:4

Pedea mietá, nepɨra piawẽa, mãɨnepa pedea mietaadepa nepɨrɨrãtɨ, mãɨya pedeait'a pia bɨwẽ pẽra. Mãɨpari Tachi Ak'õrea sõpia bɨade at'ɨ.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

Colosense 3:9

Waapẽarã́ sea oorãt'ɨ. Mãra chi ẽpẽra naena p'ananat'a itu bɨsidama, tachia neet'á sore wẽapata jĩra. Mãɨnepa mãrapa nemietá oopachidaɨt'a itu bɨsidama.

1 Timoteo 1:13

Naena mɨa ichi k'orea piawẽa pedea bapachima mãɨnepa ichidirã ẽp'ẽ bapachima mĩapii k'orea. Chĩará k'achia pedea bapachima. Ichide waidi ĩjãawẽa bada pẽra mãɨnepa atua bɨdepa mãɨya piawẽa oo bapachima. Maamina ichia mɨ k'ĩra chupuriasima.

1 Timoteo 1:20

Mãɨnepemarã aba Himeneo pasima. Abaɨ Alejandro pasima. Ãchi mɨa tiore juade bɨsima k'awadamẽrá Tachi Ak'õre k'orea waa piawẽa pedeapidaemaapa.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.

Santiago 2:7

Mãra Jesucristoderãpɨ. Maamina ¿ãchia ichi t'ɨ̃ pia bɨ k'orea k'achia pedeadaiwẽk'ãra?

1 Pedro 2:1

Mãɨpuru waapẽarã piawẽa oodai itu bɨt'ɨ. Waapẽarã searãt'ɨ. Waapẽarãpa ara ãchia jarapataɨ jĩra oodak'ama. Mãɨ ẽpẽrarã jĩra p'anarãt'ɨ. Abaɨpa uru bɨ k'orea piawẽa k'ɨ̃risiarãt'ɨ. Waapẽarã k'orea k'achia pedearãt'ɨ.

2 Pedro 2:18

Ãchia pedea auk'ará jarateapatamina, mãɨpa tachi k'aripak'ama. Ãchia jarateapatama nãɨ k'ak'uapa nemietá oo k'ɨ̃ria bɨ oodai p'anɨ. Mãɨya chi tãaraawẽa nemietaadepema wãnana berã ãchia seapatama mãicha nemietá oodamẽrá.

2 Pedro 2:7

Maamina ẽpẽra jĩp'a bɨt'a Lot apataɨt'a Tachi Ak'õrepa Sodoma paa peeidepema k'aripasima. Lot sõp'ua bapachima mãɨ p'uurudepemarãpa nejõma nemietá oo p'anɨ k'orea.

Juda 1:13

Ãchi p'usa jɨ̃ara t'awa jĩra p'anɨma. Ara chi p'usapa ichi t'awadepa k'ok'op'ea amaapari jĩra, ãchia ne k'ĩra p'era wawaria oopatama. Mietade wãpata pẽra, ãchi chi k'ãk'ãi urua wãru jĩra p'anɨma, chi o atua p'anɨẽra. Tachi Ak'õrepa uria minachia p'ãrio bɨde bɨsima ãchi ewaricha ɨtɨai k'orea.

Juda 1:8

Mãra t'ãena chedada mãɨ ẽpẽrarã jĩra p'anɨma. Ãchia k'ãmok'araautat'a ĩjãapatama. Ãchi k'ak'uapa nemietá oo k'ɨ̃ria bɨt'a oopatama, Tachi Chipari itu bɨpatama, mãɨnepa ɨt'ariapemarã́ k'achia pedeapatama.

Apocalipsi 16:9

Tachi Ak'õre k'orea k'achia pedeapachidama ãchi pisiapa minachia paa bɨdepa, mãɨ ichiapuru minachia mĩapi bɨẽra. Maamina chi nemietá oodai itu bɨdaé pasima, mãɨnepa mi ãpia pida Tachi Ak'õret'a chi atepe piipará bɨade adaé pasima.