Colosense 3:20 - Tachi Ak'õre Pedea

²⁰ Warrarã, mãra ak'õrerã pedea ĩjãat'ɨ Tachi Chiparipa mãɨ pia unu bɨẽra.

Colosense 3:20 ပူးပေါင်းရင်းမြစ်များ

Ep'esio 5:24

Cristo ẽpẽrarãpa ichi pedea oopata jĩra wẽrapa ichi k'ima pedea ãarea ĩjãa bai bɨma.

P'ilipense 4:18

Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

Colosense 3:22

Chi chipari pae pari mimiapataɨrã, mãra chipari nãɨ ĩjũanepemapa oopirut'a jõma oot'ɨ. Maamina ichia ak'ɨmaa bɨde puru oorãt'ɨ, ichi ome pia p'ananai k'orea. Mãɨpari Tachi Ak'õre wap'ea p'anɨ pẽra sõpiadepa jõma oot'ɨ.

Tito 2:9

Chipari pae pari mimiapataɨrã́ jaratease ãchi chiparipa jara bɨ jõma oodamẽrá. Nejõma pia oodai p'anɨma ãchi chiparipa pia unumẽrá. Ãchi chiparipa jararu k'achia p'anoonai pia bɨwẽma.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.