Colosense 3:19 - Tachi Ak'õre Pedea

¹⁹ Ɨmɨk'ĩrarã, ara machi k'imarã k'ɨ̃ria p'anat'ɨ. Ãchi ome k'ĩruu p'anarãt'ɨ.

Colosense 3:19 ပူးပေါင်းရင်းမြစ်များ

Luca 14:26

«Abaɨ pida mɨ ome p'ɨrrɨa k'ɨ̃ria bɨpɨra, naa minachia k'ɨ̃risiai pia bɨma. Ichi ak'õre, chi nae, chi k'ima, chi warrarã, chi ũpẽarã, chi ũpẽawẽrarã, wa ichi chok'ae bai mɨ k'aepẽra atepe k'ɨ̃ria bɨpɨra, mãɨ mɨ ome p'ue nipaiwẽma.

Romano 3:14

Unuemaa p'anɨnepa ãchi it'aedepa k'achia pedeapatama.

Ep'esio 4:31

Jõma chi mãrapa abaɨ k'orea sõne piawẽa k'ɨ̃risiapataɨ, sõnepa k'ĩruupataɨ, k'ĩruu pedeapataɨ, ɨbɨa k'ĩruu pedeapataɨ, waapẽarã k'orea k'achia pedeapataɨ, mãɨnepa ãarea waapẽarã piawẽa oodai k'ɨ̃risiapataɨ itu bɨt'ɨ.

Ep'esio 5:25

Ɨmɨk'ĩrarã, ara machi k'imarã k'ɨ̃ria p'anat'ɨ Cristopa tachi k'ɨ̃ria bɨt'a unupida jĩra. Ichi k'ɨ̃ria bɨdepa tachi k'orea ara ichi itu peapisima.

Ep'esio 5:33

Mãɨ k'orea k'awapi bɨmina machicha mãra k'ima k'ɨ̃ria p'ananai p'anɨma ara machi k'ɨ̃ria p'anɨ jĩra. Mãɨnepa wẽrapa ichi k'ima wap'ea bai bɨma.

Colosense 3:21

Ak'õrerã, mãra warrarã k'ĩruupirãt'ɨ, k'ĩra piawẽa bɨpidaemaapa.

Santiago 3:14

Maamina awaraɨpa uru bɨ k'orea wa oo bɨ k'orea sõpiawẽa p'aneenaipɨra, mãɨnepa waapẽarã k'aepẽra pia p'ananai k'orea jɨrɨdaipɨra, jararãt'ɨ mãra ne k'awa bet'a. Mãɨya jaradaipɨra, chi piarãpema pedea itu bɨ p'anɨma.

1 Pedro 3:7

Ɨmɨk'ĩrarã k'ima pará berã, k'ɨ̃risia piadepa mãra k'ima ome pia p'anat'ɨ. Mãra k'ima pia bapii k'ɨ̃ria p'anɨnepa ãchi pia ak'ɨt'ɨ, wẽra ɨmɨk'ĩra k'aepẽra ɨbɨwẽa bɨ pẽra mãɨnepa mãra ome ará p'anɨrã́ Tachi Ak'õrepa, ichi sõpiadepa chok'ae p'ananait'a pari teada pẽra. Mãɨya oodaepɨra, mãrapa ɨt'aa chiidiutat'a Tachi Ak'õrepa pia ũriwẽma.