Colosense 3:17 - Tachi Ak'õre Pedea

¹⁷ Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.

Colosense 3:17 ပူးပေါင်းရင်းမြစ်များ

Mateo 28:19

Mãɨ k'orea ãarea p'uuru becha wãnak'ari jarateat'ɨ mɨ ome p'ɨrrɨadamẽrá. Ãchi chi Ak'õre t'ɨ̃nepa, chi Warra t'ɨ̃nepa, Tachi Ak'õre Jaore t'ɨ̃nepa porochoat'ɨ.

Hecho 19:17

Ãarea Ep'esode berã judiorãpa mãɨnepa griegorãpa mãɨ k'awasidaɨde ne wap'easidama. Mãɨne Tachi Chipari Jesú t'ɨ̃ k'orea pia pedeasidama.

Hecho 4:30

Pɨ jua chaarea bɨdepa chi k'ɨdade berã jɨpa beepise mãɨnepa chi pɨ pae pari mimiaparí jĩp'a bɨ Jesú t'ɨ̃nepa ẽpẽerãpa ne p'ue oodak'apɨ́ ãarea oose».

Romano 1:8

Naa mɨa jararuma: Jesucristodepa mɨa jõma mãra k'orea Tachi Ak'õrea sõpia bɨade aparima mãrapa Jesucristode ĩjãa p'anɨ k'orea tuachadepemarãpa pedea p'anɨ pẽra.

1 Corintio 10:31

Maamina mɨa jararuma: mãra nek'o p'anɨne, neto p'anɨne wa ne oo p'anɨne jõma oot'ɨ ẽpẽrarãpa Tachi Ak'õre k'orea pia jaradamẽrá.

Ep'esio 1:17

Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ.

Ep'esio 5:20

Tachi Chipari Jesucristo t'ɨ̃nepa ewaricha tachi Pajãnepema Ak'õrea nejõma k'orea sõpia bɨade at'ɨ.

P'ilipense 1:11

Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.

P'ilipense 2:11

Mãɨne jõmãɨrãpa Jesucristo jõmãɨrã Chipariade a jaradaipɨ mãɨnepa Tachi Pajãnepema Ak'õrea pia pedeadaipɨ.

Colosense 1:12

Mãɨya arapá p'anɨnepa Tachi Pajãnepema Ak'õrea sõpia p'anɨane adaipɨ. Mãra jõma ichi ẽpẽrarã ome ɨnaane pia bɨsima ichia uru bɨdepema jitadamẽrá.

Colosense 2:7

Ichidepa chaarea p'anat'ɨ k'arra minachia jita p'anɨ jĩra mãɨnepa te pia ooda jĩra. Ichide minachia ĩjãa p'anat'ɨ ũpẽarãpa jarateadada jĩra, mãɨnepa ewaricha Tachi Ak'õrea machi sõpia p'anɨane at'ɨ.

Colosense 3:15

Tachi Ak'õrepa mãra t'ɨ̃sima k'ak'ua aba bɨ jĩra p'ananamẽrá. Cristopa nek'ĩramariwẽa p'anapi bɨma, mãra sõne. Mãɨpa k'awapiipɨ k'ãre oodai p'anɨ. Mãɨya p'anat'ɨ. Mãɨnepa Tachi Ak'õrea sõpia p'anɨane at'ɨ.

Colosense 3:23

Jõma mãrapa oo p'anɨt'a chok'eadepa oot'ɨ Tachi Chipari pae oo p'anɨ jĩra. Maamina mãɨya oorãt'ɨ ẽpẽrarãpa mãra pia ununamẽrá.

1 Tesalonicense 1:1

Mɨ Pablopɨ. Nãɨ k'art'a bɨruma ũpẽarã Tesalónica p'uurudepemarã pae. Mãra Tachi Pajãnepema Ak'õrenepɨ mãɨnepa Tachi Chipari Jesucristodepɨ. Ũpẽa Silvano mãɨnepa Timoteo mɨ ome p'anɨma. Taipa k'ɨ̃ria p'anɨma mãra ne k'ɨ̃risiadawẽa p'ananamẽrá mãɨnepa mãra Ak'õrepa mãɨnepa Tachi Chipari Jesucristopa ãchi sõpiadepa mãra k'aripa bait'a.

1 Tesalonicense 5:18

Nejõma k'orea Tachi Ak'õrea sõpia p'anɨane a p'anat'ɨ. Mãɨt'a Tachi Ak'õrepa k'ɨ̃ria bɨma, mãra Jesucristode ĩjãapataɨrã pẽra.

Hebreo 1:5

Chi ichia ɨt'aripa peeda abaɨa nãɨya jaraé pasima: «Pɨ mɨ Warrapɨ. Idi pɨ mɨ Warraade aruma». Mãɨnepa ãchi k'orea nãɨya jaraé pasima: «Mɨ ichi ak'õre paipɨ, mãɨnepa ichi mɨ warra paipɨ».

Hebreo 13:15

Mãɨ k'orea Jesucristodepa tachia, chi Tachi Ak'õrene ĩjãa p'anɨane a p'anɨrãpa, ewaricha ichiá pia pedeadai p'anɨma ãnimara paateauta jĩra.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.

1 Juan 2:23

Chi Tachi Ak'õre Warra itu bɨ bɨpa Tachi Pajãnepema Ak'õre uru bɨwẽma. Chi Jesú Tachi Ak'õre Warraade a bɨpa Tachi Pajãnepema Ak'õre sida uru bɨma.

1 Juan 3:18

Mɨ warrarã, tachi ũpẽarã k'ɨ̃rianai p'anɨma. Abapuru pedeadepa mãɨya oodaiwẽa p'anɨma, mãɨpari tachia oo p'anɨnepa piarã k'ɨ̃rianai p'anɨma.