Colosense 3:16 - Tachi Ak'õre Pedea

¹⁶ Pedea Cristo k'orea mãra sõne uru p'anat'ɨ. Jõma Tachi Ak'õre k'ɨ̃risiadepa chi jarateat'ɨ mãɨnepa chi k'aripat'ɨ pia ĩjãanai k'orea. Tachi Ak'õre pedeade bɨ bɨt'a k'arit'ɨ, ũpẽarãpa k'aripataɨ mãɨnepa Tachi Ak'õre Jaorepa k'aripiparí Tachi Ak'õrea k'arit'ɨ. Sõnepa Tachi Ak'õrea sõpia p'anɨane a p'anɨnepa k'arit'ɨ.

Colosense 3:16 ပူးပေါင်းရင်းမြစ်များ

Mateo 26:30

Maapae Tachi Ak'õre pedea bɨ bɨdadepema k'aridak'ari Olivo eyadea wãsidama.

Luca 2:51

Maapae Jesú ãchi ome Nazaredea wãsima. Mãma ãchi ome chok'ea bapachima. Jõma Jerusalene mãɨyana chi naepa minachia pia k'ɨ̃risia bapachima.

Juan 15:7

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

Romano 10:17

Piarã ẽpẽrarãpa Cristo k'orea naa ũrinai p'anɨma, ichide p'ue ĩjãanai k'orea.

Romano 15:14

Ũpẽarã, mɨa k'awa bɨma mãrapa piarã pia oo p'anɨt'a mãɨnepa minachia k'awa p'anɨ pẽra machit'u p'ue chi jaratea p'ananait'a.

1 Corintio 14:15

Mãɨyara ¿sãmaasã́ jĩp'a ooima? Mɨ jaorepa Tachi Ak'õrea ɨt'aa chiidiipɨ maamina mɨa chi k'awa bɨ pedeade pida ɨt'aa chiidiipɨ. Mɨ jaorepa Tachi Ak'õrea pia k'ariipɨ, maamina chi mɨa k'awa bɨ pedeade pida k'ariipɨ.

1 Corintio 14:26

Mãɨ k'orea ũpẽarã, ¿sãmaasã́ arí oodaima? Mãra ará jere nɨbeeutade abaɨpa Tachi Ak'õre pedeadepema k'aripataɨ k'arii bɨma, abaɨpa Tachi Ak'õre pedea jarateai bɨma, abaɨpa Tachi Ak'õrepa unupida jarai bɨma, abaɨpa tachia ũrinak'apɨ́ pedeade pedeai bɨma, mãɨnepa abaɨpa mãɨ pedeada k'awa jarai bɨma. Maamina jõma mãɨ oodai p'anɨma ũpẽarãpa pia ĩjãanamẽrá.

Ep'esio 1:17

Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ.

Ep'esio 5:17

K'ɨ̃risiawẽa be jĩra p'anarãt'ɨ, mãɨpari minachia k'awat'ɨ k'ãre Tachi Chiparipa oopi bɨt'a.

Ep'esio 5:19

Tachi Ak'õre pedeade bɨ bɨt'a, ũpẽarãpa k'aripataɨ mãɨnepa Tachi Ak'õre Jaorepa k'aripiparí k'arit'ɨ, chi ara machi paara sõpia p'aneepidai k'orea. Tachi Chiparia sõnepa k'arit'ɨ pia pedeadai k'orea.

Ep'esio 5:26

Ichia mãɨya oosima tachi Tachi Ak'õre pae pia bɨi k'orea. Ichi pedeapa tachi nemietá sɨɨsima paniapa sɨɨda jĩra.

Colosense 1:28

Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ.

Colosense 1:9

Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá.

Colosense 4:6

Pedea piadepa pedeat'ɨ jõmãɨrãpa pia ũrinamẽrá. Mãɨya Cristo k'orea chiidiutade mãrapa k'awa p'ananaipɨ sãmaasã́ p'anoonai p'anɨ.

1 Tesalonicense 1:8

Mãɨ ãchit'ura mãranepemarãpa Tachi Chipari pedea ũrinaé pasima, mãɨpari tuacha ẽpẽrarãpa k'awasidama mãrapa Tachi Ak'õrene ĩjãa p'anɨt'a. Mãɨ k'orea ¿taipa mãra k'orea k'ãre waa jaradaima?

1 Tesalonicense 4:18

Mãɨ pedeapa ara machi paara sõpia p'aneepit'ɨ.

2 Tesalonicense 3:15

Maamina ichi mãra ome chi nek'ĩramá jĩra uru p'anarãt'ɨ, mãɨpari mãra ũpẽa pẽra jarat'ɨ jĩp'a oomẽrá.

1 Timoteo 6:17

Nãɨ ĩjũane erreara pará berã́ jarase waapẽarã k'aepẽra chi atepe berã k'ɨ̃risiapidaemaapa. Ãchia ne uru p'anɨ tãaraa choak'a pẽra jarase mãɨ k'orea pia p'ananai k'ɨ̃risiapidaemaapa. Tachi Ak'õret'u k'ɨ̃risiadai pia bɨma. Ichiapuru tachiá nejõma minachia teaparima ne k'ɨ̃risiadawẽa p'ananamẽrá.

2 Timoteo 3:15

Warra basiedapema Tachi Ak'õre Pedea k'awasima. Mãɨ Pedeapa pɨá k'awapi bɨma abaɨpa Cristode ĩjãasira Tachi Ak'õrepa mãɨ k'aripait'a.

Tito 3:6

Tachi K'aripaparí Jesucristodepa Tachi Ak'õrepa ichi Jaore tachiá teasima, pania minachia weasi jĩra tachi k'ak'ua ɨ̃rɨ.

Santiago 1:5

Mãranepemapa k'ɨ̃risia newẽa bɨpɨra, Tachi Ak'õrea ɨt'aa chiidii bɨma. Mãɨne Tachi Ak'õrepa teaipɨ. Ichiá ɨt'aa chiidisidara ɨtɨawẽa jõmãɨrã́ sõpia, wãak'awẽa teaparima.

Santiago 3:17

Maamina chi Tachi Ak'õrepa tea bɨ k'ɨ̃risia uru bepa ne ãareaɨne jĩp'a oopatama, jõmãɨrã ome ne k'ɨ̃risiawẽa p'ananamẽrá jɨrɨpatama, jõmãɨrã ome pia p'anapatama, waapẽarãpa jara bɨ ũrinai k'orea p'anapatama, chĩara k'ĩra chupuriapatama mãɨnepa nejõma pia oopatama. Abaɨ waapẽarã k'aepẽra pia atepe k'ɨ̃rianak'ama. Ichia jara bɨ jĩra ara mãɨya ooparima.

Santiago 5:13

Mãranepema aba minachia mĩa bɨpɨra, Tachi Ak'õrea ɨt'aa chiidii bɨma. Aba arapá bɨpɨra, k'aridepa Tachi Ak'õrea pia pedeai bɨma.

1 Juan 2:14

Ak'õrerã, mɨa nãɨ k'art'a mãrá bɨruma chi naenaena bada wapida bɨt'a mãɨ mãrapa k'awa p'anɨ pẽra. K'ũtãarã, mɨa nãɨ k'art'a mãrá bɨruma minachia ĩjãa p'anɨ pẽra, Tachi Ak'õre pedea mãra sõne bɨ pẽra, mãɨnepa tiore p'uedada pẽra.

1 Juan 2:24

Mãɨpuru mãrapa ĩjãasidaedapema chi Cristo k'orea ũri p'anɨt'a mãra sõne minachia pia yaa uru p'anat'ɨ. Mãɨ minachia yaa uru p'anɨpɨra, Tachi Pajãnepema Ak'õre ome mãɨnepa ichi Warra ome pida ará p'ananaipɨ.

1 Juan 2:27

Maamina mãrapa Tachi Ak'õre Jaore Cristopa teada uru p'anɨma. Mãɨpuru jɨrɨdaiwẽa p'anɨma waapẽarãpa mãrá jarateadamẽrá. Tachi Ak'õre Jaorepa mãrá nejõma jaratea bɨma. Ichia jaratea bɨt'a seawẽma, mãɨpari piarãpɨ. Mãɨ k'orea Cristo ome ará p'anat'ɨ ichi Jaorepa mãrá jarateada jĩra.

2 Juan 1:2

Mãɨya k'ɨ̃ria p'anɨma, chi piarã pedea tachi sõne bɨ pẽra. Mãɨnepa tachi sõne ewaricha baipɨ.

Apocalipsi 14:3

Mãɨne chi Tachi Ak'õre suak'a beeparí auk'ará bɨ naa, chi ẽpẽra jĩra k'ĩmari chok'ae p'anɨ naa mãɨnepa chi chõarã 24 p'anɨ naa k'ari chiwidit'a k'ari p'anasima. Abaɨ pida mãɨ k'ari p'ue k'awadaé pasima. Chi mãɨ abapuru 144 mil p'anɨrãpa, chi Tachi Ak'õrepa k'aripa badapa mãɨrãpuru k'ari k'awa p'anasima.

Apocalipsi 15:3

Mãɨ arpa chaautade Moisé chi Tachi Ak'õre pae pari mimiaparí k'arit'a mãɨnepa chi Oveja Chak'e k'arit'a k'arimaa p'anasima. Nãɨya k'arisidama: «Tai Chipari, chi Ne Ãarea P'ue Bɨ Tachi Ak'õre, pɨa oo bɨ waibɨa bɨma. Pɨa oo bɨ k'orea ẽpẽerãpa k'awa k'ɨ̃risiadawẽa p'anapatama. Jõmãɨrã Poro Jũra Jɨ̃parí Jɨ̃ bɨ, pɨa oo bɨt'a jĩp'a bɨma mãɨnepa pɨ pedea aba piarã bɨma.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.

Apocalipsi 5:9

Chi chõarã veinticuatro p'anɨpa mãɨnepa chi ẽpẽra jĩra chok'ae berãpa nãɨ k'ari chiwidit'a k'arisidama: «Pɨ pia bɨma mãɨ k'art'a jitak'ari chi k'ara nɨbɨ oet'ait'a, pɨ peasida pẽra. Chi mãɨ oa pɨa ãrisidepa ẽpẽerã Tachi Ak'õre pae atasima. Ẽpẽerã awaraɨcha, pedeacha, p'uurucha mãɨnepa ĩjũacha mãɨrãnepema eda waapẽarã atasima.