Colosense 3:1 - Tachi Ak'õre Pedea

¹ Mãra Cristo ome chok'ae p'irabaridada pẽra ne ɨt'aripema jɨrɨ p'anat'ɨ. Mãma Cristo Tachi Ak'õre juaraari suak'abari bɨma.

Colosense 3:1 ပူးပေါင်းရင်းမြစ်များ

Mateo 22:44

Tachi Chiparipa jarasima Mɨ Chiparia: “mɨ juaraari suak'abari beese, aba mɨa pɨchi nek'ĩramá pɨchi juade bɨrudea”.

Mateo 26:64

Jesupa p'anoosima: —Ãjã, pɨa mãɨya jara bɨma. Mãɨ awara mɨa jararuma: idiipa naa mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.

Mateo 6:20

Mãɨ k'aepẽra chi piipará bɨ machi sõnepa k'ɨ̃riapatama. Mãɨpuru Tachi Ak'õrepa k'ɨ̃ria bɨt'a mãra pida k'ɨ̃ria p'anat'ɨ ne aba pia bɨ pajãnepema uru p'ananai k'orea. Jãma simiapa ãrik'ama, nepia mok'osiak'ama ichiaba nechɨapataɨrã p'ue eda wãnak'ama.

Mateo 6:33

Mãɨpuru k'ɨ̃riat'ɨ Tachi Ak'õrepa machi ichi juade ua bai ichidirã ome. Jĩrak'aua p'anat'ɨ ichia oopi bɨ oodai k'orea. Mãɨya mãra ne newẽa p'anɨ ichia ãarea teaipɨ.

Marco 12:36

Ara mãɨ Davipa Tachi Ak'õre Jaoredepa nãɨya jarasima: Tachi Chiparipa mɨ Chiparia nãɨya jarasima: mɨ juaraari suak'abari beese, aba mɨa pɨchi nek'ĩramá pɨchi juade bɨrudea.

Marco 14:62

Jesupa p'anoosima: —Ãjã, mɨpɨ. Mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.

Marco 16:19

Mãɨya jarak'ari Tachi Ak'õrepa Tachi Chipari Jesú ɨt'aa pajãnea ateewãsima. Mãma ichi juaraari suak'abari beesima.

Luca 12:33

Mãɨ k'orea mãrapa ne uru p'anɨnepema netodak'ari chi nenea k'edea teat'ɨ. Nepia pajãne uru p'anai k'orea jɨrɨt'ɨ. Chi ne pajãnepema jõk'ama. Jãma simiapa ãrik'ama mãɨnepa nechɨapataɨrã pida p'ue chɨadak'ama.

Luca 20:42

Davipa Salmo k'art'ade nãɨya jarasima: “Tachi Chiparipa jarasima Mɨ Chiparia: mɨ juaraari suak'abari beese, aba mɨa pɨchi nek'ĩramá pɨchi juade bɨrudea”.

Luca 22:69

Maamina idiidepa mɨ, chi Ẽpẽra Warra, Tachi Ak'õrepa chi Ne Ãarea P'ue Bɨ juaraari suak'abari baipɨ.

Hecho 2:34

Daví pajãnea wãé pasima, Jesú wãna jĩra. Mãɨpari ichia nãɨya jarasima: “Tachi Chiparipa jarasima Mɨ Chiparia: Mɨ juaraari suak'abari beese,

Hecho 7:55

Mãɨya p'anɨne Estebanpa Tachi Ak'õre Jaore ichide uru basima. Pajãnea ak'ɨrude Tachi Ak'õre k'ĩrawãrea achiterrea bɨt'a mãɨnepa Jesú Tachi Ak'õre juaraari bai nɨbɨt'a unusima.

Romano 8:34

¿K'aipa tachi nepɨra pará p'anɨane aima? Abaɨ pida mãɨya jaraiwẽma Jesucristo tachi k'orea piuda pẽra. Ichi piu bada chok'ae p'irabarisima. Naapae Tachi Ak'õre juaraari bɨma. Mãma tachi k'orea Tachi Ak'õrea chichupuria idi bɨma.

Romano 8:6

Chi abaɨpa nãɨ k'ak'uapa oo k'ɨ̃ria bɨt'a k'ɨ̃risia baipɨra piuipɨ. Maamina chi Tachi Ak'õre Jaorepa k'ɨ̃ria bɨt'a k'ɨ̃risia baipɨra ne k'ɨ̃risiawẽa baipɨ mãɨnepa Tachi Ak'õre ome chok'ae baipɨ.

2 Corintio 4:18

Mãɨ k'orea taupa unupataɨ taipa k'ɨ̃risia p'anɨwẽma, mãɨpari taupa ununak'aɨ k'ɨ̃risia p'anɨma. Tachi taupa unupataɨ isapea jõparima, maamina taupa ununak'aɨ jõk'ama.

Ep'esio 4:10

Chi ɨt'ɨpa edá chedat'a mãicha chi pajã atepe ɨt'ɨ pará bɨmá wãsima ne ãarea ichidepa p'ananamẽrá.

Ep'esio 5:22

Wẽrarã, mãra k'ima pedea ũrit'ɨ, mãrapa ara Tachi Chipari Cristo pedea ũripata jĩra.

Colosense 2:20

Mãra Cristo ome ará piusida pẽra chi nãɨ ĩjũanepema jaore chaarearãne ĩjãanaiwẽa p'anɨma. Mãɨ ¿k'ãre k'orea waidi mãɨ k'ɨ̃risia ĩjãa p'anɨma nãɨ ĩjũanepemarãpa ĩjãapata jĩra?

Colosense 3:2

Ne ɨt'aripemarã k'orea k'ɨ̃risia p'anat'ɨ. Nãɨ ĩjũanepema k'orea k'ɨ̃risia p'anarãt'ɨ.

Hebreo 1:13

Tachi Ak'õrepa mi ãpia pida Ichia ɨt'aripa peedá jaraé pasima: «Mɨ juaraari suak'abari beese aba mɨa pɨchi nek'ĩramá pɨchi juade bɨrudea».

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Hebreo 10:12

Maamina Jesucristopa ara ichi itu barimama peapisima, ewaricha nemietá ãyá bɨi k'orea. Maapae Tachi Ak'õre juaraari suak'abari beesima.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

Hebreo 8:1

Chi k'ɨ̃risia taipa minachia jara p'anɨt'a nãɨpɨ: tachi P'aare minachia k'awa bɨ pajãne Tachi Ak'õre suak'a beeparí auk'ará bɨde juaraari suak'abari bɨma,

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.