Colosense 2:9 - Tachi Ak'õre Pedea

⁹ Cristo, ẽpẽra k'ak'uade bɨt'a, mãɨ piarã Tachi Ak'õrepɨ.

Colosense 2:9 ပူးပေါင်းရင်းမြစ်များ

Mateo 1:23

«Wẽra ɨmɨk'ĩra atua bɨ biak'oa beek'ari warra t'õipɨ. Ẽpẽrarãpa chi warra Emanuel adaipɨ». (Mãɨ t'ɨ̃ jara k'ɨ̃ria bɨma «Tachi Ak'õre tachi ome bɨ»).

Luca 14:22

Chi ichi pae pari mimiaparipa mãɨya ook'ari jarasima: “Pɨa jarada jĩra mɨa oosima, maamina ãk'au wapida pari nɨbɨade asima”.

Luca 3:22

Ewa wãk'ari Tachi Ak'õre Jaore pajãnepa p'aloma jĩra ichi ɨ̃rɨ chesima. Mãɨne Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ minachia sõ arapá bɨma».

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 1:16

Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

Juan 10:30

Mɨ, mɨ Ak'õre ome aba p'anɨma.

Juan 10:38

Maamina ichia oo bɨt'a mɨa oo bɨpɨra, mɨa jara bɨ k'orea mãrapa ĩjãanawẽa p'anɨmina mɨa oo bɨt'a k'orea ĩjãat'ɨ. Mãɨya mãrapa piarã k'awadaipɨ mɨ Ak'õre mɨ ome bɨ mãɨnepa chi mɨ Ak'õre mɨ ome bɨt'a.

Juan 14:20

Mɨ chek'ari mãrapa k'awadaipɨ mɨ, mɨ Ak'õre ome bɨt'a, mãra mɨ ome p'anɨt'a, mãɨnepa mɨ mãra ome bɨt'a.

Juan 17:21

Ak'õre, pɨ mɨ ome bɨ pẽra mãɨnepa mɨ pɨ ome bɨ pẽra mɨa idi bɨma ãchi sida tachi ome k'ak'ua aba bɨ jĩra p'ananamẽrá. Mãɨya nãɨ ĩjũanepemarãpa ĩjãanaipɨ pɨa mɨ peesit'a.

Juan 2:21

Jesupa nãɨ te minachia bɨade aside ara ichi k'ak'ua k'oreapuru pedea basima.

Hecho 17:29

»Tachi Ak'õre warrarãpɨra, k'ɨ̃risiadaiwẽa p'anɨma Tachi Ak'õre nee oodat'a, p'arat'a oodat'a wa mawara oodat'a, mãɨ ẽpẽrapa ara ichi k'ɨ̃risiadepa ooda pẽra.

2 Corintio 5:19

Piarã Cristodepa Tachi Ak'õrepa nãɨ ĩjũanepemarã ichi ome pia bɨsima. Tachia nemietá oodada jõma k'ɨ̃risia atuasima. Mãɨnepa mãɨ pedea ichi ome pia bai k'orea taiyá teasima jarateadamẽrá.

Colosense 1:19

Tachi Ak'õrepa k'ɨ̃riasima Cristo ara ichi jĩra bait'a.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

1 Juan 5:7

Mãɨnepa pajãne ũpea p'anɨpa mãɨ piarã abarik'a jara p'anɨma; Tachi Pajãnepema Ak'õrepa mãɨya jara bɨma, chi «Pedea» apataɨpa mãɨya jara bɨma mãɨnepa ichi Jaore pida mãɨya jara bɨma. Mãɨ ũpea p'anɨt'a ãchi aba bɨpɨ.