Colosense 2:5 - Tachi Ak'õre Pedea

⁵ Mɨ mãra ome bɨwẽmina k'ɨ̃risiadepa mãra ome bɨma. Mɨa k'awa bɨma mãra ará pia p'anɨt'a mãɨnepa Cristode minachia ĩjãa p'anɨt'a. Mãɨ k'orea arapá bɨma.

Colosense 2:5 ပူးပေါင်းရင်းမြစ်များ

Hecho 2:42

Chi Jesupa peedaɨrãpa jaratea p'anɨt'a ãchia minachia ũripachidama. Ará tuanapachidama, nek'opachidama mãɨnepa Tachi Ak'õrea ɨt'aa chiidi p'anapachidama.

Hecho 20:21

Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.

1 Corintio 11:34

Abaɨ pida jarrapisia bɨpɨra ichi tiida nek'oi bɨma. Mãɨya ará jere nɨbeeutade Tachi Ak'õrepa mãra ɨtɨaiwẽma piawẽa oo p'anɨ k'orea. Mɨa wapida jarateai bɨ machimá wãrune jõma jarateaipɨ.

1 Corintio 14:40

Maamina ãarea jĩrak'aua arí oot'ɨ.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

1 Corintio 16:13

Jĩrak'aua p'anat'ɨ. Jesucristode minachia ĩjãa p'anat'ɨ. Ichidepa p'erawẽa p'anat'ɨ mãɨnepa chaarea p'anat'ɨ.

Colosense 2:1

Mɨa k'ɨ̃ria bɨma mãrapa nãɨ k'awadai: mɨ minachia mimia bɨma mãra Colosadepemarã, ũpẽarã Laodicea p'uurudepemarã mãɨnepa jõma ũpẽarã mɨ ununak'aɨ sida k'aripai k'orea.

1 Tesalonicense 2:17

Ũpẽarã, tãaraawẽa bɨma tai mãra ome p'anana ãyá wãnana. Ara nãɨena taipa mãra ununawẽa p'anɨmina k'ɨ̃risiadepa mãra ome p'anɨma. Taipa piarã mãra ak'ɨde wã k'ɨ̃ria p'anasidama maamina tiorepa itu peek'aemaa bɨ jĩra basima. Mɨ piarã mãramá wãyá oo bapachima.

1 Tesalonicense 3:8

Jãapae tai piarã sõpia p'aneesidama, k'awa p'anɨ pẽra mãrapa Tachi Chiparide choa p'anɨt'a.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

Hebreo 6:19

Mãɨpa tachi k'aripa bɨma minachia ĩjãa p'ananamẽrá joerk'et'apa p'ãp'orro jõe uru nɨbɨ jĩra. Tachia jitadai p'anɨt'a piarã k'awa p'anɨma, Jesú pajãnea tachi naa wãsi pẽra. Tachi Ak'õre temá wãsima eda chi p'aru eatɨa jira bɨ wãyá tachi k'aripai k'orea. Mãma tachi P'aare minachia k'awa bɨ beesima Melkisedé bada jĩra. Ewaricha mãɨya bɨma.

1 Pedro 5:9

Maamina tiore jua choat'ɨ. Cristode minachia ĩjãa p'anat'ɨ, k'awa p'anɨ pẽra mãra ũpẽarã jõma tuacha berã abarik'a minachia mĩa p'anɨt'a.