Colosense 2:20 - Tachi Ak'õre Pedea

²⁰ Mãra Cristo ome ará piusida pẽra chi nãɨ ĩjũanepema jaore chaarearãne ĩjãanaiwẽa p'anɨma. Mãɨ ¿k'ãre k'orea waidi mãɨ k'ɨ̃risia ĩjãa p'anɨma nãɨ ĩjũanepemarãpa ĩjãapata jĩra?

Colosense 2:20 ပူးပေါင်းရင်းမြစ်များ

Juan 15:19

Nãɨ ĩjũanepema padapara ãchia mãra k'ɨ̃rianai pasima, ãchidepema pẽra. Maamina mɨa mãra nãɨ ĩjũanepema ateewãsima ãchi awara p'ananamẽrá. Mãɨpuru mãra unuemaapatama.

2 Corintio 10:3

Tai nãɨ k'ak'uade p'anɨma maamina nemietá p'uedai k'orea nãɨ k'ak'uadepa chõo p'anɨwẽma.

Gálata 4:3

Ara mãɨ jĩra Cristode ĩjãanai naena tachi warra chak'e jĩra p'anasima. Mãɨ ewaride tachia chi nãɨ ĩjũanepema jaore chaarearãne ĩjãa p'anasidama, chi chipari pae pari mimiaparí jĩra.

Gálata 6:14

Maamina mɨt'u mãɨya bɨwẽma. Mɨ k'orea mi ãpia pida pia pedeawẽma. Mãɨpari abapuru Tachi Chipari Jesucristo k'urusude piuda k'orea pia pedeaipɨ. Cristo k'urusude piuda pẽra chi nãɨ ĩjũanepemarãpa pia unupataɨ, mɨmá ãarea piusima. Mãɨnepa nãɨ ĩjũane berãmá mɨ piusit'a.

Ep'esio 2:15

Moisepa bɨdapa ne minachia wawaria oopipachima mãɨ judiorã, judiorãwẽ ãchi k'ak'awá p'ananamẽrá. Maamina Cristo piudadepa mãɨ Moisepa bɨda ãyá bɨsima, ne k'ɨ̃risiawẽa ará p'ananamẽrá mãɨnepa p'uuru chiwidi aba bɨde tuanamẽrá.

Colosense 2:14

Piarã nemietá oo p'anɨ k'orea tachi, Tachi Ak'õrea tee pará p'anasidama. Mãɨpuru Moisepa bɨdade bɨ bɨma tachi piudai p'anɨ. Maamina Cristo k'urusude piuside Tachi Ak'õrepa mãɨ tee p'anana ãarea k'ɨ̃risia atuasima.

Colosense 2:16

Mãɨpuru mãrapa k'opataɨ k'orea mãɨnepa topataɨ k'orea ẽpẽrarãpa k'achia pedeadaipɨra, ãchi pedea ĩjãarãt'ɨ. Mãrapa arapaapataɨ ewari ak'ɨdak'a, jedek'o chiwidi ak'ɨdak'a mãɨnepa mimianak'apɨ́ ewari ak'ɨdak'a k'orea ãchia k'achia pedeadaipɨra, ĩjãarãt'ɨ.

Colosense 2:21

Nãɨya jarapatama: «Jãkɨɨ t'õmarirãt'ɨ, k'o ajororãt'ɨ, jita ajororãt'ɨ».

Colosense 2:8

Jĩrak'aua p'anat'ɨ mi abaɨa pida mãra seapidaemaapa chi pari k'ɨ̃risiapiparidepa mãɨnepa seaparí k'ɨ̃risiadepa. Jõma makɨɨ chõarãenapema k'ɨ̃risiat'a jaore chaarearã nãɨ ĩjũanepemapɨ. Mãɨ pedea Cristo k'oreawẽpɨ.

Colosense 3:3

Mãɨya p'ɨrrɨadai p'anɨma, Cristo ome piudak'ari, ichi ome chok'ae p'anɨ pẽra. Mãɨ waapẽarã k'awadak'ama. Maamina Cristo Tachi Ak'õre ome chok'ae bɨ pẽra, mãra sida Tachi Ak'õre ome chok'ae p'anɨma.

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.