Colosense 2:16 - Tachi Ak'õre Pedea

¹⁶ Mãɨpuru mãrapa k'opataɨ k'orea mãɨnepa topataɨ k'orea ẽpẽrarãpa k'achia pedeadaipɨra, ãchi pedea ĩjãarãt'ɨ. Mãrapa arapaapataɨ ewari ak'ɨdak'a, jedek'o chiwidi ak'ɨdak'a mãɨnepa mimianak'apɨ́ ewari ak'ɨdak'a k'orea ãchia k'achia pedeadaipɨra, ĩjãarãt'ɨ.

Colosense 2:16 ပူးပေါင်းရင်းမြစ်များ

Mateo 15:11

Tachia chik'o k'odada k'orea tachi mietá p'aneenak'ama Tachi Ak'õre k'ĩrari. Mãɨpari tachi it'aedepa pedea bɨpa Tachi Ak'õre k'ĩrari mietá bɨparima.

Marco 7:19

tachi sõne eda wãwẽa bɨ pẽra. Mãɨpari bide wãk'ari tajatá amaaparima. Mãɨya jara bɨdepa Jesupa k'awapisima ne ãarea k'odai pia bɨt'a.

Hecho 15:20

Mãɨyawẽapuru, k'art'ade bɨdai p'anɨma chi juapa oodada sãdoa ne k'iuru teadada p'ue k'odaiwẽa p'anɨt'a, nemietá awaraɨ ome oodaiwẽa p'anɨt'a, ãnimara ojɨ̃ peadada k'odaiwẽa p'anɨt'a mãɨnepa oa k'odaiwẽa p'anɨt'a.

Romano 14:10

Mãɨpuru ¿k'ãre k'orea pɨ ũpẽa k'orea k'achia pedea bɨma? ¿K'ãre k'orea ichi k'ɨ̃riawẽa bɨma? Tachi ãarea Tachi Ak'õre k'ĩrari p'ananaipɨ tachicha oodada ak'ɨmẽrá.

Gálata 4:10

Mãrapa wawaria ewari, jedek'o mãɨnepa ãyo ak'ɨpatama Tachi Ak'õrepa pia unumẽrá.

Colosense 2:20

Mãra Cristo ome ará piusida pẽra chi nãɨ ĩjũanepema jaore chaarearãne ĩjãanaiwẽa p'anɨma. Mãɨ ¿k'ãre k'orea waidi mãɨ k'ɨ̃risia ĩjãa p'anɨma nãɨ ĩjũanepemarãpa ĩjãapata jĩra?

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

Hebreo 9:10

Moisepa bɨdapa abapuru k'awapisima chi tachi k'ak'ua ɨ̃rɨpema k'orea jarateapataɨ: k'ãre k'odai p'anɨt'a, k'ãre todai p'anɨt'a, mãɨnepa Tachi Ak'õrepa sɨɨpi bɨ sãmaasã́ sɨɨdai p'anɨt'a. Mãɨ ãarea nãɨ k'ak'uade oopachidama aba Tachi Ak'õrepa ãarea k'ĩra chiwidi oorudea.

Santiago 4:11

Ũpẽarã, waapẽarã k'orea k'achia pedearãt'ɨ. Abaɨpa ichi ũpẽa k'orea k'achia pedeaipɨra wa nepɨra pará bɨade aipɨra, Moisepa bɨda k'orea k'achia pedea bɨma, mãɨnepa mãɨ Moisepa bɨdat'u nepɨra pará bɨade a k'ɨ̃risia bɨma. Abaɨpa Moisepa bɨda nepɨra pará bɨade a k'ɨ̃risia bɨpɨra, mãɨ bɨdade jara bɨ jĩra oowẽa bɨma. Moisepa bɨdade jara bɨ jĩra ooi k'aepẽra ichit'a waapẽarã chi nepɨra ak'ɨparí beesima.