Colosense 2:10 - Tachi Ak'õre Pedea

¹⁰ Mãra Cristo ẽpẽrarã pẽra ichidepa nejõma uru p'anɨma Tachi Ak'õre ome pia p'ananai k'orea. Ichi chi chaarea berã chi Poro Chaareapɨ.

Colosense 2:10 ပူးပေါင်းရင်းမြစ်များ

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Juan 1:16

Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

1 Corintio 15:24

K'aadeapema ewaride Cristopa jaore mietá chiparirã, jaore mietá atepe k'awa p'anɨrã, jaore mietá jua chaarea be sida ãarea p'ueipɨ. Maapae ichidirã ichi juade p'anɨrã Tachi Pajãnepema Ak'õrea teaipɨ.

Ep'esio 3:10

Naapae ẽpẽrarã Tachi Ak'õrenepemarãnepa Ichia ichi ne ãareaɨne minachia ne k'awa bɨt'a k'awapisima chi jua chaarea berã́ mãɨnepa chi pajãnepema chi atepe k'awa berã́.

Ep'esio 3:19

Ara tachi k'ɨ̃risiadepa p'ue k'awadak'amina mɨa ɨt'aa chiidi bɨma mãrapa mãɨ k'awadamẽrá. K'awasidara ne ãareaɨne Tachi Ak'õre jĩra p'ananaipɨ.

Colosense 2:15

Mãɨpuru Tachi Ak'õrepa jõma tachia ununak'aɨ chi jua chaarea berã p'uesima. Mãɨ ooda ichia jõmãɨrã́ k'awapisima.

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.