Colosense 1:9 - Tachi Ak'õre Pedea

⁹ Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá.

Colosense 1:9 ပူးပေါင်းရင်းမြစ်များ

Juan 7:17

Chi Tachi Ak'õrepa k'ɨ̃ria bɨt'a ooi k'orea bɨpa k'awaipɨ chi mɨa jaratea bɨt'a Tachi Ak'õrenepa cherut'a wa mɨa mɨchi k'ɨ̃risiadepa jaratea bɨt'a.

Hecho 12:5

Pedro jɨ̃a uru p'anɨmisa ũpẽarãpa Tachi Ak'õrea minachia ɨt'aa chiidi p'anasidama ichi k'aripamẽrá.

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

1 Corintio 1:5

Jesucristo ome p'anɨ pẽra Tachi Ak'õrepa mãrá jõma teasima pia oodamẽrá. Ichi pedea p'ue k'awa jaratea p'ananaipɨ mãɨnepa ichi k'orea p'ue minachia k'awa p'ananaipɨ.

Ep'esio 1:8

Mãɨ sõpia bɨdepa tachi minachia k'aripak'ari, jõma ichi k'ɨ̃risia k'awa bɨ mãɨnepa k'ɨ̃risia tachiá teasima.

Ep'esio 5:10

Tachi Chiparipa pia unu bɨt'a k'awadai k'orea jɨrɨt'ɨ.

Ep'esio 5:17

K'ɨ̃risiawẽa be jĩra p'anarãt'ɨ, mãɨpari minachia k'awat'ɨ k'ãre Tachi Chiparipa oopi bɨt'a.

Ep'esio 6:6

Abapuru ichia ak'ɨ bɨde mãɨya oorãt'ɨ, ichi ome pia p'ananai k'orea. Mãɨpari sõnepa oot'ɨ mãra Cristo pae pari mimiapataɨrã pẽra. Tachi Ak'õrepa mãɨya k'ɨ̃ria bɨma.

P'ilipense 1:4

Tachi Ak'õrea ɨt'aa chiidirucha mɨa mãra k'orea arapá ɨt'aa chiidiparima,

Colosense 1:6

ũrisidaɨde mãramá Tachi Ak'õrepa ichi sõpiadepa mãra piarã k'aripait'a ãarea k'awasidama. Ara mãɨya mãɨ ewaridepa jõma tuacha ẽpẽerãpa minachia ĩjãamaa p'anɨma, nejõ bɨɨrɨ minachia chaupari jĩra.

Colosense 3:16

Pedea Cristo k'orea mãra sõne uru p'anat'ɨ. Jõma Tachi Ak'õre k'ɨ̃risiadepa chi jarateat'ɨ mãɨnepa chi k'aripat'ɨ pia ĩjãanai k'orea. Tachi Ak'õre pedeade bɨ bɨt'a k'arit'ɨ, ũpẽarãpa k'aripataɨ mãɨnepa Tachi Ak'õre Jaorepa k'aripiparí Tachi Ak'õrea k'arit'ɨ. Sõnepa Tachi Ak'õrea sõpia p'anɨane a p'anɨnepa k'arit'ɨ.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

Colosense 4:5

Cristode ĩjãanak'apɨɨrã t'ãena k'ɨ̃risia k'awa p'anɨnepa nipat'ɨ. Ewaricha jɨrɨt'ɨ ichi k'orea ãchiá k'awapidai k'orea.

1 Tesalonicense 1:3

Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.

1 Tesalonicense 5:17

Ɨ̃apaadawẽa Tachi Ak'õrea ɨt'aa chiidi p'anat'ɨ.

2 Tesalonicense 1:11

Mãɨ k'orea taipa ewaricha Tachi Ak'õrea ɨt'aa chiidipatama ichia mãra pia unumẽrá. Ichia mãra mãɨ k'orea t'ɨ̃sima. Taipa ɨt'aa chiidi p'anɨma Tachi Ak'õrepa ichi jua chaareadepa mãra ãareane k'aripamẽrá. Mãɨya ichide ĩjãa p'anɨnepa chi nepia oo k'ɨ̃ria p'anɨt'a jõma oodaipɨ.

P'ilemón 1:4

Mɨa Tachi Ak'õrea ɨt'aa chiidirucha sõpia bɨade aparima pɨ k'orea.

P'ilemón 1:6

Mɨa Tachi Ak'õrea ɨt'aa chiidi bɨma Cristode ĩjãapataɨrã ome pɨ minachia pia bamẽrá. Mãɨya jõma nepia tachia Jesucristodepa uru p'anɨt'a pɨa minachia k'awaipɨ.

Hebreo 10:36

Mãrapa ãarea choadai p'anɨma. Mãɨya chi Tachi Ak'õrepa k'ɨ̃ria bɨt'a oodak'ari ichia teai jarada ãarea jitadaipɨ.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

Santiago 1:5

Mãranepemapa k'ɨ̃risia newẽa bɨpɨra, Tachi Ak'õrea ɨt'aa chiidii bɨma. Mãɨne Tachi Ak'õrepa teaipɨ. Ichiá ɨt'aa chiidisidara ɨtɨawẽa jõmãɨrã́ sõpia, wãak'awẽa teaparima.

Santiago 3:17

Maamina chi Tachi Ak'õrepa tea bɨ k'ɨ̃risia uru bepa ne ãareaɨne jĩp'a oopatama, jõmãɨrã ome ne k'ɨ̃risiawẽa p'ananamẽrá jɨrɨpatama, jõmãɨrã ome pia p'anapatama, waapẽarãpa jara bɨ ũrinai k'orea p'anapatama, chĩara k'ĩra chupuriapatama mãɨnepa nejõma pia oopatama. Abaɨ waapẽarã k'aepẽra pia atepe k'ɨ̃rianak'ama. Ichia jara bɨ jĩra ara mãɨya ooparima.

1 Pedro 2:15

Tachi Ak'õrepa k'ɨ̃ria bɨma mãrapa pia oo p'ananait'a. Mãɨya mãrapa chi pia k'ɨ̃risiawẽa berã k'ĩup'eapidaipɨ, atua p'anɨnepa mãra k'orea k'achia pedeapataɨ pẽra.

1 Pedro 4:2

Mãɨ ẽpẽrapa wapida nãɨ ĩjũane bɨde nãɨ k'ak'uapa nemietá oo k'ɨ̃ria bɨt'a oo baiwẽma, mãɨpari Tachi Ak'õrepa k'ɨ̃ria bɨt'a oo baipɨ.

1 Juan 2:17

Nãɨ ĩjũa nemietá mãɨnepa jõma nemietá ẽpẽrarãpa oo k'ɨ̃ria p'anɨt'a jõipɨ. Maamina chi Tachi Ak'õrepa jara bɨ oo bɨt'a ewaricha ichi ome chok'ae baipɨ.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.