Colosense 1:29 - Tachi Ak'õre Pedea

²⁹ Mãɨ k'orea mɨ ɨ̃apaawẽa mimia bɨma Cristopa ichi jua chaareapi bɨdepa.

Colosense 1:29 ပူးပေါင်းရင်းမြစ်များ

Luca 13:24

—Tausia p'anat'ɨ chi eda wãpataɨ p'isua bɨde eda wãnai k'orea. Piarã eda wãnai k'orea berã chok'ará p'anɨma maamina p'ue ãarea eda wãnaiwẽma.

Romano 15:20

Piarã chi pedea pia Cristo k'orea mɨa jaratea k'ɨ̃ria bɨma waidi ũrinak'aɨrãmá. Abaɨpa jaratea bɨmá, mɨ mimia k'ɨ̃riawẽma.

Romano 15:30

Ũpẽarã, Tachi Ak'õre Jaoredepa tachi chi k'ɨ̃ria p'anɨma. Mãɨpuru Tachi Chipari Jesucristodepa mɨa mãrá chichupuria idiruma mɨ k'aripadait'a, Tachi Ak'õrea ɨt'aa chiididamẽrá.

1 Corintio 12:11

Ara Tachi Ak'õre Jaore aba bɨpa jõma mãɨ oopi bɨma. Ichia tachicha oopi bɨma ichia k'ɨ̃ria bɨ jĩra.

1 Corintio 12:6

Tachi Ak'õre aba bɨpa tachiá ne wawaria oopi bɨma. Ichiapuru tachidepa mãɨ jõma ooparima.

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

2 Corintio 11:23

Ãchi Cristo pae pari mimiapataɨrãane a p'anɨma. Maamina ãchi k'aepẽra mɨa atepe pia Cristopa k'ɨ̃ria bɨ ooparima. Mãɨya pedea bɨde k'ɨ̃risia newẽa bɨ jĩra pedea bɨma. Piarã ãchi k'aepẽra mɨa Tachi Ak'õrepa oo bɨt'a atepe ooparima. Ãchi k'aepẽra ẽpẽrarãpa mɨ bari k'ak'o minachia jok'aesidama. Ãchi k'aepẽra mɨ bari k'ak'o minachia eda jɨ̃a nɨbɨpisidama. Bari k'ak'o minachia mɨ piui basima.

2 Corintio 13:3

Mãrapa Cristo piarã mɨnepa pedea bɨt'a k'awa k'ɨ̃ria p'anɨẽra mɨa mãɨya unupiipɨ. Cristopa ara ichi ɨbɨwẽa bɨt'a mãrá unupik'ama, mãɨpari chaarea bɨ unupi bɨma.

2 Corintio 5:9

Mãɨ k'orea nãɨ k'ak'uade p'anɨne wa piusidara, tachia jõma oo k'ɨ̃ria p'anɨma Tachi Ak'õrepa pia unumẽrá.

2 Corintio 6:5

Soapa p'e p'anɨne, eda jɨ̃a nɨbɨ p'anɨne mãɨnepa tai k'orea k'ĩruupik'a p'anɨne mãɨya unupi p'anɨma. Minachia mimia p'anɨne, k'ãinawẽa p'anɨne mãɨnepa nek'odawẽa p'anɨne mãɨya unupi p'anɨma.

Ep'esio 1:19

Mãɨnepa mɨa ɨt'aa chiidiparima mãrapa k'awadamẽrá ichi jõmãɨrã k'aepẽra atepe jua chaarea bɨt'a. Mãɨ jua chaareadepa ichia tachi ichide ĩjãapataɨrã k'aripa bɨma. Ara mãɨ jua chaarea minachia bɨdepa,

Ep'esio 3:20

¡Tachi Ak'õre minachia pia bɨma! Ichi jua chaarea tachi sõne bɨdepa ne waibɨa p'ue ooipɨ, tachia k'ɨ̃risiapataɨ k'aepẽra wa ichiá ɨt'aa chiidipataɨ k'aepẽra.

Ep'esio 3:7

Tachi Ak'õrepa ichi sõpiadepa mɨ chi ichi pae mimiaparí bɨsima mãɨ pedea pia Cristo k'orea jarateamẽrá. Ichi jua chaareadepa mãɨya oosima.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

P'ilipense 1:30

Mãrapa unusidama mɨ minachia mĩa bɨde choa badat'a, mãɨnepa idiapae pida ũri p'anɨma mɨ wapida choa bɨt'a. Ara mãɨ jĩra mãra sida minachia choa p'anɨma.

P'ilipense 2:13

Ichiapuru mãra k'aripa bɨma ichia k'ɨ̃ria bɨ oo p'ananamẽrá mãɨnepa mãɨya oo k'ɨ̃ria p'ananamẽrá.

P'ilipense 2:16

Chi tachi chok'ae bapiparí pedea k'orea ãchiá pia k'awapi p'anat'ɨ. Mãɨya Cristo cherude mɨ mãra k'orea arapá baipɨ. Mãɨne mɨa k'awaipɨ pari nipaé pasit'a mãɨnepa pari mimiaé pasit'a.

Colosense 2:1

Mɨa k'ɨ̃ria bɨma mãrapa nãɨ k'awadai: mɨ minachia mimia bɨma mãra Colosadepemarã, ũpẽarã Laodicea p'uurudepemarã mãɨnepa jõma ũpẽarã mɨ ununak'aɨ sida k'aripai k'orea.

Colosense 2:12

Tachi Ak'õrepa ichi jua chaareadepa Cristo chok'ae p'irabaripisima. Mãrapa Tachi Ak'õre mãɨya jua chaarea bɨ ĩjãanana pẽra porochoasidaɨde unupisidama Cristo ome t'ɨbarisidaɨt'a mãɨnepa Tachi Ak'õrepa mãra ichi ome chok'ae p'irabaripisidaɨt'a.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

1 Tesalonicense 2:9

Ũpẽarã, mãrapa k'awa p'anɨma ãst'á mãɨnepa teamasi pida ɨ̃apaadawẽa mimiapachidama erreara ununai k'orea. Taipa pedea pia Tachi Ak'õre k'orea mãrá jaratea p'anasidaɨde k'ɨ̃rianaé pasima mãrapa taiyá ne teadait'a mãra pae chaarea bɨpidaemaapa.

2 Tesalonicense 3:8

Taipa mãrané pari k'odaé pasima, mãɨpari ãst'á mãɨnepa teamasi ɨ̃apaadawẽa ne awara mimia p'anasidama mãranepema abaɨ pida taiyá ne pari teapiemaapa.

2 Timoteo 2:10

Mãɨ k'orea mɨa jõma choa bɨma Tachi Ak'õrepa jɨrɨ atada ẽpẽrarã k'aripai k'orea. Mãɨya Tachi Ak'õrepa ãchi sida Jesucristodepa k'aripaipɨ, ewaricha ichi pia bɨdepema uru p'ananamẽrá.

Hebreo 12:4

Mãra nemietá ome chõo p'anɨmina wapida mãra peadawẽa p'anɨma Jesú peadada jĩra.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

Apocalipsi 2:3

Mãra mɨ k'orea minachia mĩa p'anɨne jõma choa p'anɨma mãɨnepa sõ edá baedawẽa mɨ pae pia mimia p'anɨma.