Colosense 1:27 - Tachi Ak'õre Pedea

²⁷ Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Colosense 1:27 ပူးပေါင်းရင်းမြစ်များ

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Luca 17:21

Mãɨpuru p'ue jaradaiwẽma: “Nãma bɨma” wa “Jãma bɨma”. Mãɨpari Tachi Ak'õre ẽpẽrarã sõnepuru chi chipari beeparima.

Juan 14:17

Ichi Tachi Ak'õre Jaorepɨ. Ichia Tachi Ak'õre piarã k'awapiparima. Nãɨ ĩjũanepemarãpa ichi p'ue jitadaiwẽma, ununak'a pẽra mãɨnepa atua p'anɨ pẽra. Maamina mãrapuru ichi k'awa p'anɨma, mãra ome bɨ pẽra mãɨnepa mãra sõne bai pẽra.

Juan 14:20

Mɨ chek'ari mãrapa k'awadaipɨ mɨ, mɨ Ak'õre ome bɨt'a, mãra mɨ ome p'anɨt'a, mãɨnepa mɨ mãra ome bɨt'a.

Juan 14:23

Jesupa p'anoosima: —Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea.

Juan 17:26

Mɨa ãchiá pɨ k'awapisima. Mãɨ awara wapida atepe k'awapi baipɨ pɨa mɨ k'ɨ̃ria bɨ jĩra ãchi sida chi k'ɨ̃ria p'ananamẽrá mãɨnepa mɨ ãchi sõne uru p'ananamẽrá».

Juan 6:56

Chi mɨ k'ak'ua k'o bɨ mãɨnepa mɨ oa to bɨ, mɨ ome bɨma mãɨnepa mɨ ichi ome bɨma.

Romano 11:33

Tachi Ak'õre minachia ne k'awa bɨma mãɨnepa k'ɨ̃risia k'awa bɨma. Ichia ooi k'ɨ̃risia bɨt'a mi ãpia pida p'ue k'awadaiwẽma. Ichia oo bɨ sida p'ue k'awadaiwẽma.

Romano 2:4

Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

Romano 5:2

Mãɨ awara Jesucristode ĩjãa p'anɨ pẽra Tachi Ak'õrepa ichi sõpiadepa tachi ewaricha k'aripaparima. Mãɨnepa arapá p'anɨma k'awa p'anɨ pẽra Tachi Ak'õre pia bɨdepema jitadait'a.

Romano 8:10

Maamina Cristo mãra sõne bɨpɨra, mãra jaore chok'ae bɨma Tachi Ak'õrepa mãra nepɨra newẽa p'anɨane a bɨ pẽra. Mãrapa nãɨ k'ak'uade nemietá oo p'anana k'orea piudaipɨ.

Romano 9:23

Mãɨya choasima ichi pia bɨ waibɨa bɨdepema ichia k'ĩra chupuria bɨ ẽpẽrarã́ k'awapii k'orea. Ãchi ichia naena jɨrɨ atasima ichi pia bɨdepema uru p'ananamẽrá.

1 Corintio 3:16

¿Atua p'anɨk'ãra Tachi Ak'õre Jaore mãra sõne bɨ? ¿Atua p'anɨk'ãra mãra Tachi Ak'õre te?

2 Corintio 2:14

Tachi Ak'õrea sõpia bɨade adai p'anɨma. Jesucristopa jõma p'uek'ari tai jõmãɨrã k'ĩrari p'uurujãnea ateewãruma mãɨnepa taidepa tuacha ichi k'orea k'awapi bɨma. Cristo k'orea jaratea p'anɨne Tachi Ak'õre k'ĩrari tai k'era jĩra p'iumá p'anɨma. Mãɨnepa tachia ichi k'orea k'awadait'a k'era jĩra bɨma. Mãɨ k'era chi k'aripai p'anɨ ẽpẽrarãpa mãɨnepa chi atuadai p'anɨ ẽpẽrarãpa ɨ̃patama.

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

2 Corintio 6:16

¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Gálata 4:19

Ũpẽarã, mãra mɨ warrarã jĩra p'anɨpɨ. Mɨ mãicha mãra k'orea minachia mĩa bɨma wẽra warra t'õrune p'ua bɨ jĩra. Mɨ mãɨya minachia mĩa baipɨ aba mãra Cristo jĩra p'aneeutadea.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

Ep'esio 2:22

Cristo ome p'anɨ pẽra mãra sida jõma ẽpẽrarã Tachi Ak'õrenepemarã paara, te aba bɨ jĩra p'anɨma. Mãɨ tede Tachi Ak'õre ichi Jaoredepa baparima.

P'ilipense 4:19

Piarã jõma mãrapa newẽa p'anɨt'a, mɨ Pajãnepema Ak'õrepa nejõma pia uru bɨdepema Jesucristodepa teaipɨ.

Colosense 1:5

Mãra mãɨya p'anɨma, k'awa p'anɨ pẽra Tachi Ak'õrepa mãra pae nepia pajãne yaa uru bɨt'a. Mãɨ mãrapa naena ũrisidama chi piarãpẽa pedea Jesucristo k'orea mãramá cheside. Mãɨ pedea pia

Colosense 2:3

Ichiapuru Tachi Ak'õre k'ɨ̃risiat'a k'ɨ̃risiapiipɨ mãɨnepa ne minachia k'awapiipɨ. Mãɨ k'ɨ̃risiat'a mãɨnepa ne k'awa p'anɨt'a minachia pia p'anɨma.

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.

1 Timoteo 1:1

Mɨ Pablopɨ, Jesucristopa peedapɨ. Tachi Ak'õre tachi K'aripaparipa mãɨnepa Tachi Chipari Jesucristopa mɨ nãɨya bɨsidama. Tachia Jesucristode ĩjãapatama mãɨnepa ichi k'orea pia p'ananait'a k'awapatama.

Hebreo 6:19

Mãɨpa tachi k'aripa bɨma minachia ĩjãa p'ananamẽrá joerk'et'apa p'ãp'orro jõe uru nɨbɨ jĩra. Tachia jitadai p'anɨt'a piarã k'awa p'anɨma, Jesú pajãnea tachi naa wãsi pẽra. Tachi Ak'õre temá wãsima eda chi p'aru eatɨa jira bɨ wãyá tachi k'aripai k'orea. Mãma tachi P'aare minachia k'awa bɨ beesima Melkisedé bada jĩra. Ewaricha mãɨya bɨma.

1 Juan 4:4

Mɨ warrarã, mãra Tachi Ak'õrenepɨ. Mãrapa mãɨrã́ itu seapidaé pasima, chi mãra sõne bɨ chi nãɨ ĩjũane be k'aepẽra jua chaarea bɨ pẽra.

Apocalipsi 3:20

¡Ũrit'ɨ! Mɨ tede eda wãpataɨde bɨma. Awaraɨdepa t'ɨ̃ bɨma mãrapa ewadak'ari mɨ itu eda wãpidamẽrá. Parituapa mɨ pedea ũrik'ari chi eda wãpataɨ ewaipɨra, mɨ eda wãk'ari ichi ome nek'oipɨ.