Colosense 1:19 - Tachi Ak'õre Pedea

¹⁹ Tachi Ak'õrepa k'ɨ̃riasima Cristo ara ichi jĩra bait'a.

Colosense 1:19 ပူးပေါင်းရင်းမြစ်များ

Luca 10:21

Mãɨya pedea p'anɨne Jesú Tachi Ak'õre Jaoredepa sõpia nɨbeesima. Mãɨpuru Tachi Ak'õrea nãɨya jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima. Ãjã, Ak'õre, pɨa mãɨya oosima jãɨya oo k'ɨ̃ria bada pẽra.

Juan 1:16

Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

Juan 3:34

Tachi Ak'õrepa peedapa Tachi Ak'õre pedea pedeaparima, Tachi Ak'õrepa ichi Jaore wãak'awẽa teada pẽra.

1 Corintio 1:21

Tachi Ak'õrepa ichi k'ɨ̃risiadepa oodadepa, ara ichi k'awapi bɨma. Maamina nãɨ ĩjũanepemarãpa ara ãchi k'ɨ̃risiadepa ichi k'awadak'ama. Ara mãɨ taipa jarateapataɨ k'ɨ̃risia newẽa bɨ jĩra bɨmina, Tachi Ak'õremá pia basima, mãɨnepa jõma chi ichide ĩjãauta k'aripait'a.

Ep'esio 1:23

Ẽpẽrarã Cristoderã ara ichi k'ak'uapɨ. Ãchi ne ãareaɨne ichidepa p'anɨma, mãɨnepa nejõma ichidepa bɨma.

Ep'esio 1:3

Tachi Chipari Jesucristo Ak'õrea pia pedeadai p'anɨma. Cristo ome p'anɨ pẽra ichi Jaoredepa nejõma pia tachiá pajãnepa tea bɨma.

Ep'esio 4:10

Chi ɨt'ɨpa edá chedat'a mãicha chi pajã atepe ɨt'ɨ pará bɨmá wãsima ne ãarea ichidepa p'ananamẽrá.

Colosense 2:3

Ichiapuru Tachi Ak'õre k'ɨ̃risiat'a k'ɨ̃risiapiipɨ mãɨnepa ne minachia k'awapiipɨ. Mãɨ k'ɨ̃risiat'a mãɨnepa ne k'awa p'anɨt'a minachia pia p'anɨma.

Colosense 2:9

Cristo, ẽpẽra k'ak'uade bɨt'a, mãɨ piarã Tachi Ak'õrepɨ.

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.