Colosense 1:16 - Tachi Ak'õre Pedea

¹⁶ Ichidepa Tachi Ak'õrepa nejõma oosima. Pajãne be, nãɨ ĩjũane be, tachia unupataɨt'a mãɨnepa tachia ununak'aɨt'a ãarea oosima. Jõma ununak'aɨ minachia berã, chi atepe k'awa p'anɨrã mãɨnepa chi jua chaarea be oosima. Tachi Ak'õrepa nejõma Cristodepa oosima mãɨnepa Cristo pae oosima.

Colosense 1:16 ပူးပေါင်းရင်းမြစ်များ

Juan 1:10

Mãɨ ɨnaa bɨ ĩjũane basima. Tachi Ak'õrepa ichidepa nãɨ ĩjũa oodamina nãɨ ĩjũanepemarãpa ichi k'awadaé pasima.

Juan 1:3

Ichidepa Tachi Ak'õrepa ne ãarea oosima. Ichiwẽa, Tachi Ak'õrepa mi ãpia pida ne ooé pasima.

Romano 11:36

Tachi Ak'õrepuru nejõma oosima. Nejõma ichidepa bɨma mãɨnepa ichi pae bɨma. Tachia ewaricha ichiá pia pedeadai p'anɨma. Mãɨya beese.

Romano 8:38

Mãɨ k'orea mɨa k'awa bɨma tachi piudaipɨra wa chok'ae p'ananaipɨra, Tachi Ak'õrepa k'ɨ̃ria bɨdepema awara p'ananaiwẽma. Nãɨ ewaride mãɨnepa nũpema ewaride pida awara p'ananaiwẽma. Mãɨnepa Tachi Ak'õrepa ɨt'aripa peedaɨrãpa, jaore mietaarãpa, chi atepe berãpa, chi ɨtɨpemarãpa, chi ek'aripemarãpa, wa mi ãpia pida Tachi Ak'õrepa oodadepema pida tachi ichia k'ɨ̃ria bɨdepema p'ue ãyá bɨdaiwẽma. Ara mãɨ tachi k'ɨ̃ria bɨt'a, Tachi Chipari Jesucristodepa unupisima.

Romano 9:5

Ãchi chõarãenapemarã chi minachia k'awapataɨrã pasima. Ãchidepa Cristo ẽpẽra k'ak'uade chesima. Ichit'a jõmãɨrã Ak'õrepɨ. Ichiaapuru tachia ewaricha pia pedeadai p'anɨma. Mãɨya beese.

1 Corintio 8:6

Maamina tachimá, Tachi Ak'õre abapuru bɨpɨ. Ichi tachi Pajãnepema Ak'õrepɨ. Ichiapuru nejõma oosima. Tachi ichi pae chok'ae p'anɨma. Mãɨnepa Tachi Chipari Jesucristo abapuru bɨma. Ichidepa Tachi Ak'õrepa nejõma oosima. Ichidepa tachi chok'ae p'anɨma.

Ep'esio 1:10

ichia bɨda ewaride nãɨya ãarea ooipɨ: mãɨ ewaride ne ãarea pajãnepema mãɨnepa nãɨ ĩjũanepema Cristo juade bɨipɨ.

Ep'esio 6:12

Tachi ẽpẽrarã paara chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ.

P'ilipense 2:10

Mãɨya jõma pajãne be, nãɨ ĩjũane be mãɨnepa piudaadarã p'anapataɨmá be Jesú k'ĩrari sĩraporode k'op'aneenaipɨ.

Colosense 1:15

Chi tachia ununak'aɨ Tachi Ak'õre, mãɨ Jesucristodepa unupatama. Ichit'a Tachi Ak'õre Warra ĩwini pẽra nejõma Tachi Ak'õrepa ooda Chiparipɨ.

Colosense 1:20

Mãɨnepa k'ɨ̃riasima Cristodepa ne ãarea pajãnepema mãɨnepa nãɨ ĩjũanepema ichi ome pia p'ananamẽrá. Mãɨpuru Cristo k'urusude oa ãrinaneepuru ichi ome nek'ĩramariwẽa p'aneesidama.

Colosense 2:10

Mãra Cristo ẽpẽrarã pẽra ichidepa nejõma uru p'anɨma Tachi Ak'õre ome pia p'ananai k'orea. Ichi chi chaarea berã chi Poro Chaareapɨ.

Colosense 2:15

Mãɨpuru Tachi Ak'õrepa jõma tachia ununak'aɨ chi jua chaarea berã p'uesima. Mãɨ ooda ichia jõmãɨrã́ k'awapisima.

Hebreo 1:2

Maamina nãɨ k'aadeapema ewaride ichi Warradepa tachiá pedeasima. Ichi Warradepa Tachi Ak'õrepa ne ãarea oosima mãɨnepa ichi bɨsima ne ãarea uru bamẽrá.

Hebreo 2:10

Tachi Ak'õrepa ne ãarea oosima. Ichidepa ne ãarea bɨma. Tachi Ak'õremá pia basima Jesú minachia mĩapiit'a. Mãɨya chi ichi ẽpẽrarã K'aripaparí arí bɨsima. Ichidepa Tachi Ak'õrepa ichi warrarã chok'ará p'anɨ jɨrɨ atasima, ichi pia bɨdepema jitadamẽrá.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.