Apocalipsi 9:1 - Tachi Ak'õre Pedea

¹ Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Mãɨne mɨa k'ãk'ãi nãɨ ĩjũanea baesit'a unusima. Mãɨne abaɨpa chi k'ãk'ãiya chi uria minachia bɨdepema eda wãpataɨ ewaparit'a teasima.

Apocalipsi 9:1 ပူးပေါင်းရင်းမြစ်များ

Luca 10:18

Mãɨ k'orea Jesupa ãchiá jarasima: —Ãjã, mɨa unu basima tiore ɨt'aripa pa baepari jĩra baesit'a.

Luca 8:31

Mãɨne ãchia Jesua chichupuria idisidama edá uria minachia bɨ p'ue ochiadak'apɨɨdea peepiemaapa.

Romano 10:7

Ichiaba k'ɨ̃risiarãse: “¿K'ai piudaadarã p'anapataɨmá wãi bɨma?” (Cristo chok'ae p'irabaripii k'orea)».

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Apocalipsi 1:20

Mɨa k'awapiipɨ pɨa ununa siete k'ãk'ãi mɨ juaraari uru bɨpa k'ãre jara bɨt'a mãɨnepa mãɨ siete ĩpira nee oodapa k'ãre jara bɨt'a. Mãɨ siete k'ãk'ãipa jara bɨma Tachi Ak'õrepa ɨt'aripa peedaɨrã siete p'anɨt'a. Mãɨ siete p'anɨpa chi ũpẽarã siete p'uuru ak'ɨ uru p'anapatama. Ãchicha mãɨ ũpẽarã p'uurudepemarã ak'ɨ uru p'anapatama. Chi ĩpira siete p'anɨpa jara bɨma chi siete p'uurudepemarã ũpẽarã.

Apocalipsi 11:7

Maamina Tachi Ak'õre k'orea jõma pedeadak'ari mãɨ ãnimara mietá chi uria minachia bɨdepa chedapa ãchi k'ĩruupik'oipɨ. Ãchi p'uek'ari k'enaipɨ.

Apocalipsi 17:8

Chi pɨa ununa ãnimara mietá bɨ naena chok'ae bada, idiapae newẽma, maamina ewariaba chi uria minachia bɨdepa cherude, Cristopa mãɨ ɨtɨaipɨ. Nãɨ ĩjũanepemarãpa mãɨ ãnimara unuutade k'awa k'ɨ̃risiadawẽa p'aneenaipɨ. Nãɨ ĩjũa ooi naena ãchi t'ɨ̃ chi ewaricha chok'ae p'ananai k'art'ade bɨwẽa basima.

Apocalipsi 20:1

Mãɨya nak'ari mɨa Tachi Ak'õrepa ɨt'aripa peeda aba pajãnepa edá cherut'a unusima. Ichia chi uria minachia bɨ eda wãpataɨ ewaparí uru basima. Mãɨnepa k'ãnena minachia bɨ ichi juade uru basima.

Apocalipsi 20:10

Mãɨya nak'ari Tachi Ak'õrepa tiore chi ẽpẽerã sea uru bada azup're t'ɨpɨ urua nɨbɨdea jirat'aaipɨ. Naena Tachi Ak'õrepa chi ãnimara mietá bɨ mãɨnepa chi piarã Tachi Ak'õre pari pedeapariwẽ mãɨ t'ɨpɨ uruade jirat'aa basima. Mãma tiore ãchi paara ewaricha ãst'á mãɨnepa teamasi minachia mĩa p'ananaipɨ.

Apocalipsi 6:13

Chi ɨt'aripa k'ãk'ãi ĩjũanea baesidama, higojõ chichiak'á nãupa ɨbɨa p'õat'ɨrupa baepiru jĩra.

Apocalipsi 8:10

Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Ara mãɨne k'ãk'ãi waibɨa bɨt'a ĩpira jĩra urua bɨt'a ɨt'aripa baechesima. Perá estarik'a pait'ea toeda mãɨnepa chi to ek'aripa t'ɨ nɨbɨmá baesima.

Apocalipsi 8:12

Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Ara mãɨne perá estarik'a pait'ea chi jedek'o mãɨnepa chi ɨmata estarik'a p'ãriosima. Mãɨnepa chi k'ãk'ãi sida perá ichiaba estarik'a p'ãriosidama. Mãɨpuru chi ewari mãɨnepa teamasi perá estarik'a pait'ea p'ãriosima.

Apocalipsi 8:2

Mãɨya nak'ari mɨa chi Tachi Ak'õrepa ɨt'aripa peedaɨrã ichi naa bai nɨp'anɨt'a unusima. Ãnimara k'achu siete ãchiá teasima.

Apocalipsi 9:2

Chi uria minachia bɨdepema eda wãpataɨ ewaside, chi uriadepa ɨt'aa jɨ̃ara minachia chesima mãɨ mẽa nejarra paauta jĩra. Mãɨ jĩarãnepa ãarea chi ɨmata mãɨnepa pajã p'ãriosima.