Apocalipsi 8:5 - Tachi Ak'õre Pedea

⁵ Mãɨpuru chi Tachi Ak'õrepa ɨt'aripa peeda chi p'arat'u jitak'ari, ok'ĩtau chi incienso k'era paapataɨde jɨrɨp'ek'ari maapae chi p'arat'u ipirupisima. Chi ok'ĩtau ĩjũane bat'ak'oasima. Mãɨpa pa ɨbɨa baesima, pa minachia ɨrɨterrea wã nɨbeesima, pa wiwirá bae nɨbeesima mãɨnepa nãɨ ĩjũa ore nɨbeesima.

Apocalipsi 8:5 ပူးပေါင်းရင်းမြစ်များ

Mateo 24:7

Ĩjũa aba bɨ ĩjũa awaraɨ ome k'ĩruupik'a nɨbaipɨ. Ichiaba tua abaɨdepema poro jũra jɨ̃parí jɨ̃ bɨ tua awaraɨdepema poro jũra jɨ̃parí jɨ̃ bɨ ome k'ĩruupik'a nɨbaipɨ. Tuacha jarra minachia oodaipɨ mãɨnepa iurumia minachia wãipɨ.

Luca 12:49

»Mɨ chesima nãɨ ĩjũa ɨtɨai k'orea. Ara nãɨena mãɨya oorupara mɨmá pia bai pasima.

Hecho 16:26

Mãɨya bɨde iurumia ɨbɨa wãsima. Mãɨpa chi jɨ̃a nɨbɨpataɨ te jĩru minachia oresima. Ara mãɨne ãarea chi eda wãpataɨ itu ewak'oa wãsidama. Chi jɨ̃a nɨbee k'ãnena baek'oawãsima.

Hecho 4:31

Tachi Ak'õrea ɨt'aa chiidi p'ananak'ari chi ãchi ará posoa p'anana te ore nɨbeesima. Mãɨne ãareaɨrãpa Tachi Ak'õre Jaore jitadak'ari, Tachi Ak'õre pedea ne wap'eadawẽa pedea tuaneesidama.

Apocalipsi 11:13

Ara mãɨne iurumia ɨbɨa chesima. Mãɨpa Jerusalén p'uurude te minachia k'orap'et'ak'oasima. Ẽpẽerã siete mil piusidama. Ara mãɨne chi chok'ae beadapa chi pajãnepema Tachi Ak'õrea chi wap'eapa ichi pia bɨade a jarasidama.

Apocalipsi 11:19

Maapae Tachi Ak'õre te minachia bɨ pajãne bɨ ewasima. Mãma chi Tachi Ak'õrepa oopida baulte mɨa unusima. Mãɨne pa wiwirá nɨbeesima, pa bae nɨbeesima, mãɨnepa minachia jĩk'ua bae nɨbeesima. Nãɨ ĩjũa ore nɨbeesima mãɨnepa hielo k'oe jĩra bae nɨbeesima.

Apocalipsi 4:5

Ara mãɨya bɨde mãmãɨpa chi tachi Ak'õre suak'a beeparí auk'ará bɨ estarik'aɨpa pa wiwiraasima, mãɨ pa ɨɨrɨa nɨbeesima, mãɨnepa ɨbɨa minachia jĩk'ua bae nɨbeesima. Mãɨ chi suak'a beeparí naa laap'ara k'ak'o siete urua nɨbasima. Mãɨ Tachi Ak'õre naa chi siete p'anɨ jaorerã mãɨ laap'ararãpɨ.

Apocalipsi 6:12

Mãɨya nak'ari chi Oveja Chak'epa mãicha chi k'art'ade k'ara bada aba oet'aside mãɨne iurumia minachia ɨbɨa chesima. Chi ɨmata p'ãriosima, ẽpẽerã piuutade neet'á p'aimá tachia jɨ̃pata jĩra. Mãɨnepa chi jedek'o p'urea oa jĩra k'obeesima.

Apocalipsi 8:3

Mãɨne mãicha Tachi Ak'õrepa ɨt'aripa peeda chek'ari chi Tachi Ak'õre suak'a beeparí auk'ará bɨ naa bai nɨbeesima. Ichi juade p'arat'u jãjoa nee ooda aba uru basima chi incienso k'era pai k'orea. Abaɨpa ichiá incienso k'era minachia teasima Tachi Ak'õre pae paamerá, chi Tachi Ak'õre ẽpẽerã ɨt'aa chiidimaa p'anɨmisa. Ara mãɨne ichia incienso k'era chi k'era paapataɨ ɨ̃rɨ paasima.