Apocalipsi 8:2 - Tachi Ak'õre Pedea

² Mãɨya nak'ari mɨa chi Tachi Ak'õrepa ɨt'aripa peedaɨrã ichi naa bai nɨp'anɨt'a unusima. Ãnimara k'achu siete ãchiá teasima.

Apocalipsi 8:2 ပူးပေါင်းရင်းမြစ်များ

Mateo 18:10

»Warra chak'erã k'ɨ̃rianawẽa p'anarãt'ɨ. Mɨa jararuma: Tachi Ak'õrepa ɨt'aripa peedarã mɨ Ak'õre k'ĩrari p'anɨpa ãchi ak'ɨpatama.

Mateo 24:31

Mãɨne ãnimara k'achu chaarude mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.

Luca 1:19

Chi ɨt'aripa peedapa Zak'aria jarasima: —Mɨ Gabrielpɨ, Tachi Ak'õre pae pari mimiaparipɨ. Ichia mɨ pɨmá peesima mãɨ pedea pia jaramẽrá.

Luca 21:36

Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

1 Corintio 15:52

Mãɨya bɨde, tau p'ik'arude, k'aadeapema ãnimara k'achu jĩra jĩk'uarude mãɨne k'ĩra awara p'aneenaipɨ. Piarã Tachi Ak'õre ãnimara k'achu jĩra jĩk'uaipɨ. Mãɨne piudaadarã chi k'ak'ua beraadak'apɨɨde, chok'ae p'irabaridaipɨ. Mãɨnepa tachi wapida chok'ae berã chi k'ak'ua k'ĩra awara p'aneenaipɨ.

1 Tesalonicense 4:16

Mãɨ k'aepẽra Tachi Chipari pajãnepa cheipɨ. Tachi Chipari pedearu jĩk'ua ũrinaipɨ mãɨnepa chi Tachi Ak'õrepa ɨt'aripa peeda chi minachia k'awa bɨ pedearu ũrinaipɨ. Ichiaba chi Tachi Ak'õre ãnimara k'achu chaaru jĩk'ua ũrinaipɨ. Mãɨne chi Cristode ĩjãapataɨrã piudaadarã naa chok'ae p'irabaridaipɨ.

Apocalipsi 1:4

Mɨ Juanpɨ. Nãɨ k'art'a bɨruma ũpẽarã p'uuru siete p'anɨ, Asia tuadepemarã pae. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a. Mãɨ ichipɨ, ichi naena basima mãɨnepa ichi chei bɨpɨ. Mãɨnepa mɨa k'ɨ̃ria bɨma chi suak'a beeparí auk'ará bɨ k'ĩrari siete jaore p'anɨpa mãɨya oo p'ananait'a.

Apocalipsi 11:15

Tachi Ak'õrepa ɨt'aripa peeda sietedepema chi k'aadea bɨpa ichi ãnimara k'achu chaasima. Mãɨne pajãne chok'ará nãɨya jĩk'ua pedeasidama: «Chi nãɨ ĩjũanepema poro jũra jɨ̃parí jɨ̃ p'anɨrãpa ãchi jua ek'ari naena uru p'anana, Tachi Chipari mãɨnepa ichi Cristopa mãɨ ãarea ãchi juade uru p'aneesidama». Idiipa naa Tachi Ak'õre ewaricha ãareaɨrã Chipari baipɨ.

Apocalipsi 15:1

Mɨa mãicha pajãne ne jara k'ɨ̃ria bet'a unusima. Mãɨnepa chi ẽpẽerã chi mãɨya k'awa k'ɨ̃risiadawẽa p'aneesidama. Pajãne chi Tachi Ak'õrepa ɨt'aripa peedaɨrã siete p'anasidama. Ãchi k'ak'awá ne uru p'anasidama chi ẽpẽerã mĩapidai k'orea. Tachi Ak'õrepa mãɨya ɨtɨak'ari maapae ichi k'ĩruui pada jõma jõipɨ.

Apocalipsi 16:1

Mãɨne chi abaɨpa chi Tachi Ak'õre te pajãne bɨdepa jĩk'ua pedea bɨt'a mɨa ũrisima. Chi Tachi Ak'õrepa ɨt'aripa peedaɨrã siete p'anɨa nãɨya jarasima: «Chi p'arat'u jãjoa siete p'anɨne ne eda be weade wãt'ɨ ĩjũanea, Tachi Ak'õre k'ĩruupi bɨdepa nãɨ ĩjũa ɨtɨait'a mãɨya unupidai k'orea».

Apocalipsi 8:13

Mãɨne mɨa ɨt'aa ak'ɨside ũrisima nejõpɨ́ ɨt'ɨ wãamarimaa bɨpa jĩk'ua jara bɨt'a: «¡Sõk'achiadaipɨ! ¡Sõk'achiadaipɨ! ¡Sõk'achiadaipɨ! Chi nãɨ ĩjũane tuanurã ẽpẽerã sõk'achiadaipɨ, Tachi Ak'õrepa ɨt'aripa peedaɨrã chi k'aadea ũpea p'anɨpa ãchi ãnimara k'achu chaautade».

Apocalipsi 8:6

Maapae chi Tachi Ak'õrepa ɨt'aripa peedaɨrã siete p'anɨpa oosidama ãchi ãnimara k'achu siete p'anɨ chaadai k'orea.

Apocalipsi 9:1

Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Mãɨne mɨa k'ãk'ãi nãɨ ĩjũanea baesit'a unusima. Mãɨne abaɨpa chi k'ãk'ãiya chi uria minachia bɨdepema eda wãpataɨ ewaparit'a teasima.