Apocalipsi 7:3 - Tachi Ak'õre Pedea

³ «Nãɨ ĩjũa ãrirãt'ɨ, chi p'usa sida, ni pak'uru sida mãɨ taipa chi Tachi Ak'õre pae mimiapataɨrã ãarea ãchi tau bɨɨrɨde tauchaautadea».

Apocalipsi 7:3 ပူးပေါင်းရင်းမြစ်များ

Mateo 24:22

Tachi Chiparipa mãɨ ewari edá baepiépara mi ãpia pida ẽpẽra baiwẽ pasima. Maamina ichia mãɨ ewari edá baepisima, ichia jɨrɨ atada ẽpẽerã k'orea.

Mateo 24:31

Mãɨne ãnimara k'achu chaarude mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.

Juan 12:26

Paritua mɨ pae pari mimiaparí pa k'ɨ̃ria bɨpɨra, mɨ ome nipai bɨma. Mɨ wãrumá, chi mɨ pae pari mimiaparí sida wãipɨ. Paritua mɨ pae pari mimiaparipɨra, mɨ Ak'õrepa ichi chi choma bɨipɨ.

Juan 3:33

Chi ichi pedeade ĩjãa bɨpa k'awa bɨma Tachi Ak'õrepa jara bɨt'a piarãpɨ.

Romano 6:22

Naapae mãra nemietá oodaadadepema pari ãjã́ p'aneenana pẽra Tachi Ak'õre pae pari mimiapataɨrã p'aneesidama. Mãɨya Tachi Ak'õre pae pia p'aneesidama. Mãɨpuru ichi ome ewaricha chok'ae p'ananaipɨ.

Apocalipsi 13:16

Mãɨ awara chi ãnimara ĩjũanepa chedapa ãarea ãchi juaraari wa ãchi tau bɨɨrɨde tauchaapik'oasima. Chi ẽpẽerã minachia k'awa be, chi ẽpẽra ɨbɨwẽa be, mãɨnepa chi erreara minachia uru be, chi erreara nea be, chi chipari pae pari mimiapataɨrã, mãɨnepa chi chipari pae pari mimianak'apɨɨrã ãchi juaraari wa tau bɨɨrɨde tauchaapipadaade asima.

Apocalipsi 13:17

Abapuru chi tauchaa beadapuru p'ue ne atadai p'anasima mãɨnepa p'ue ne netodai p'anasima. Mãɨ tauchaa bɨ chi ãnimara p'usadepa ochiada mãɨ t'ɨ̃pɨ wa chi t'ɨ̃ numeropɨ.

Apocalipsi 14:1

Mãɨya nak'ari mɨa unusima chi Oveja Chak'e chi Sión p'uuru eya ɨ̃rɨ bai nɨbɨt'a. Ichi ome 144 mil p'anasima. Ãchi tau bɨɨrɨde chi Oveja Chak'e t'ɨ̃ mãɨnepa ãchi Ak'õre t'ɨ̃ bɨ uru p'anasima.

Apocalipsi 14:9

Chi mãɨ Tachi Ak'õrepa pajãnepa ɨt'aripa peeda wãnak'ari mãɨ k'aade aba wãamari chesima. Ichia nãɨya jarasima: «Abaɨpa chi ãnimara mietá bɨ minachia k'ɨ̃riaipɨra mãɨnepa chi sãdo ara ichi jĩra bɨ juapa oodada k'ɨ̃riaipɨra, mãɨnepa chi tauchaaparí tau bɨɨrɨde wa juade itu bɨipɨra,

Apocalipsi 19:2

Ara ichi piarãpẽanepa ãarea jĩp'a ɨtɨaparima. Wẽra nemietá ooparí pada chi mãɨ t'ɨ̃ p'oa bada ɨtɨasima, nemietá oo bɨdepa ãarea nãɨ ĩjũanepemarã́ abarik'a nemietá oopida pẽra. Tachi Ak'õrepa mãɨ wẽra ɨtɨasima, chi ichi pae pari mimiapataɨrã k'enana k'orea».

Apocalipsi 20:4

Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.

Apocalipsi 22:4

Ichi k'ĩra ununaipɨ mãɨnepa ichi t'ɨ̃ ãchi tau bɨɨrɨde bɨ uru p'ananaipɨ.

Apocalipsi 6:6

Mãɨne mɨa chi ẽpẽra jĩra k'ĩmari chok'ae p'anɨ t'ãenaɨpa abaɨpa pedea bɨt'a ũrisima. Mãɨpa chi mũra ɨ̃rɨ suak'abari bɨa nãɨya jarasima: «Chi trigo itu pia chaupirãse. Mãɨya trigo libra ume netoi k'orea ẽpẽra ewari aba mimiai bɨma. Cebada sida itu pia chaupirãse. Mãɨya cebada sei libra netoi k'orea ẽpẽra ewari aba mimiai bɨma. Maamina olivojõ mãɨnepa uvajõ itu pia chaupise, mãɨya olivo taa mãɨnepa uvaba uru p'ananamẽrá».

Apocalipsi 7:1

Mãɨya nak'ari mɨa Tachi Ak'õrepa ɨt'aripa peedaɨrã k'ĩmari unusima. Chi nãɨ ĩjũane bai nɨp'anasima tejã ik'idá ãchi k'ak'awá bai nɨp'anɨ jĩra. Ãchia chi nãua jãrap'et'apidaé pasima, nãɨ ĩjũane, chi p'usade ni pak'urude pida.

Apocalipsi 7:2

Tachi Ak'õrepa ãchiá jua chaarea teasima nãɨ ĩjũa mãɨnepa p'usa ãrinamẽrá. Mãɨne mɨa unusima chi abaɨ Tachi Ak'õrepa ɨt'aripa peeda chi ɨmata ochiaparidepa cherut'a. Mãɨpa chi chok'ae bɨ Tachi Ak'õre señal bɨpari uru basima. Ichia Tachi Ak'õrepa ɨt'aripa peedaɨrã k'ĩmari p'anɨa nãɨya jĩk'ua jarasima:

Apocalipsi 9:4

Chi sisia jarasima ne k'irú mãɨnepa pak'uru ãrirãapadade asima. Maawẽapuru aba ẽpẽerã ãchi tau bɨɨrɨde chi Tachi Ak'õrene tauchaawẽa beada k'aapik'oasima.