Apocalipsi 7:2 - Tachi Ak'õre Pedea

² Tachi Ak'õrepa ãchiá jua chaarea teasima nãɨ ĩjũa mãɨnepa p'usa ãrinamẽrá. Mãɨne mɨa unusima chi abaɨ Tachi Ak'õrepa ɨt'aripa peeda chi ɨmata ochiaparidepa cherut'a. Mãɨpa chi chok'ae bɨ Tachi Ak'õre señal bɨpari uru basima. Ichia Tachi Ak'õrepa ɨt'aripa peedaɨrã k'ĩmari p'anɨa nãɨya jĩk'ua jarasima:

Apocalipsi 7:2 ပူးပေါင်းရင်းမြစ်များ

Mateo 16:16

Simón Pedropa p'anoosima: —Pɨ Tachi Ak'õrepa Tachi K'aripaparí teai jarada, Tachi Ak'õre chok'ae bɨ Warrapɨ.

Mateo 26:63

Maamina Jesú k'ĩup'ea beesima. Mãɨya bɨde p'aare minachia k'awa bɨpa ichiá jarasima: —Tachi Ak'õre chok'ae bɨ k'ĩrari taiyá piarã jarase. ¿Pɨ Tachi Ak'õrepa Tachi K'aripaparí teai jara badak'ãra? ¿Pɨ Tachi Ak'õre Warrak'ãra?

Juan 6:27

Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

2 Corintio 1:22

Ichi Jaorepa tachicha tauchaapisima ichidirã k'awadamẽrá. Mãɨnepa tachi sõne bɨsima k'awadamẽrá jõma ichia teai jarada piarã atadaipɨ.

Ep'esio 1:13

Mãɨ awara mãra judiorãwẽ pida chi piarã pedea ũrinak'ari Cristode ĩjãanak'ari, mãɨ tachi k'aripai pedea pia ĩjãasidama. Mãɨya Cristode ĩjãasidaɨde Tachi Ak'õrepa ichi Jaore mãrá teasima ichia jarada jĩra. Ne naa teapari jĩra, mãɨpa k'awapi bɨma mãra ichidirãt'a.

Ep'esio 4:30

Nemietá oo p'anɨpa Tachi Ak'õre Jaore sõp'uapirãt'ɨ. Tachi Ak'õrepa ichi mãrá teasima ichidirã k'awadamẽrá. Ichi Jaore mãra ome baipɨ aba Tachi Ak'õrepa ichi ẽpẽrarã jõma pia bɨi ewaridea.

1 Tesalonicense 1:9

Ara ãchia jara p'anɨma sãmaasã́ tai mãramá chedak'ari, mãrapa pia pedeasidaɨt'a, mãɨnepa sãdo be itu bɨsidaɨt'a Tachi Ak'õre piarã chok'ae bɨde ĩjãanai k'orea.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

Hebreo 12:22

Maamina mãra chi piarãpẽa Sión eyadea chesidama, chi pajãnepema Jerusalén apataɨdea, chi Tachi Ak'õre chok'ae bɨ p'uurudea mãɨnepa chi ichia ɨt'aripa peedaɨrã minachia nɨbɨt'a ãarea ará arapá nɨbɨmá.

Apocalipsi 1:3

Nãɨ Tachi Ak'õre pari pedeaparí pedea ũpẽarã k'ĩrari eda jararupa minachia pia baipɨ. Mãɨnepa chi nãɨ pedea ũrinak'ari oo berã minachia pia p'ananaipɨ, tãaraawẽa bɨde ara mãɨyai pẽra.

Apocalipsi 10:1

Mãɨya nak'ari k'ãmok'araa jĩra mɨa Tachi Ak'õrepa ɨt'aripa peeda chi atepe bɨt'a pajãnepa edá cherut'a unusima. Ichi neet'á jɨ̃ara jĩra basima. Ichi poro ɨ̃rɨ iuma jũra basima. Ichi k'ĩra ɨmata jĩra urua basima. Ichi jĩru t'ɨpɨ urua nɨbɨ jĩra basima.

Apocalipsi 10:4

Pa bari k'ak'o siete baek'ari mãɨ pa baedapa jaradat'a mɨa k'art'ade bɨi pasima. Mãɨne pajãne mɨa pedea ũrisima nãɨya jara bɨt'a: «Pa baedapa bari k'ak'o siete jarada mẽra uru base. Mãɨ k'art'ade bɨrãse».

Apocalipsi 16:12

Mãɨya nak'ari abaɨ chi Tachi Ak'õrepa ɨt'aripa peedapa chi ichi p'arat'u jãjoa bɨde uru bada Éup'rate to waibɨade wea peesima. Ara mãɨne to p'oasima chi ɨmata ochiaparieridepema poro jũra jɨ̃parí jɨ̃ p'anɨrã k'ĩruune cheutade pia p'asadamẽrá.

Apocalipsi 5:2

Mãɨne mɨa Tachi Ak'õrepa ɨt'aripema peeda jua chaarea bɨt'a unusima. Ɨbɨa pedea bɨdepa idisima: «¿K'ai pia bɨma nãɨ k'art'a k'ara nɨbɨ oet'aak'ari ewait'a?»

Apocalipsi 8:3

Mãɨne mãicha Tachi Ak'õrepa ɨt'aripa peeda chek'ari chi Tachi Ak'õre suak'a beeparí auk'ará bɨ naa bai nɨbeesima. Ichi juade p'arat'u jãjoa nee ooda aba uru basima chi incienso k'era pai k'orea. Abaɨpa ichiá incienso k'era minachia teasima Tachi Ak'õre pae paamerá, chi Tachi Ak'õre ẽpẽerã ɨt'aa chiidimaa p'anɨmisa. Ara mãɨne ichia incienso k'era chi k'era paapataɨ ɨ̃rɨ paasima.

Apocalipsi 9:14

Chi pedeadapa chi Tachi Ak'õrepa ɨt'aripa chi ãnimara k'achu chaadá nãɨya jarasima: «Chi Tachi Ak'õrepa ɨt'aripa peedaɨrã k'ĩmari p'anɨ ẽrase chi to waibɨa bɨ Éup'rate apataɨmá jɨ̃ nɨbɨt'a».

Apocalipsi 9:4

Chi sisia jarasima ne k'irú mãɨnepa pak'uru ãrirãapadade asima. Maawẽapuru aba ẽpẽerã ãchi tau bɨɨrɨde chi Tachi Ak'õrene tauchaawẽa beada k'aapik'oasima.