Apocalipsi 7:13 - Tachi Ak'õre Pedea

¹³ Maapae chõarã veinticuatro p'anɨnepema abaɨ pida mɨá ɨt'aa chiidisima: —¿Jãɨrã neet'á t'ot'oa jɨ̃ bet'a k'aima? ¿Sãmãɨpa chesidama?

Apocalipsi 7:13 ပူးပေါင်းရင်းမြစ်များ

Juan 7:28

Mãɨne Jesupa Tachi Ak'õre te tuda jaratea bɨde jĩk'ua jarasima: —Piarã mãrapa mɨ unupatama mãɨnepa sãmapemat'a k'awa p'anɨma. Maamina mɨ ara mɨchidepa chewẽa bɨma, mãɨpari mɨ chi piarã jaraparipa mɨ peesima. Mãrapa ichi k'awadawẽa p'anɨma.

Hecho 3:12

Pedropa mãɨ unuside jarasima: «Israeldepemarã, ¿k'ãre k'orea k'awa k'ɨ̃risiadawẽa p'anɨma? ¿K'ãre k'orea tai ak'ɨ p'anɨma? ¿K'ɨ̃risia p'anɨk'ãra ara tai jua chaareadepa wa tai Tachi Ak'õre k'ĩrari jĩp'a p'anɨ pẽra nãɨ ẽpẽra jɨpa beepisidat'a? ¡Mãɨyawẽma!

Apocalipsi 3:4

Maamina mãra Sardidepemarã chi eda ãpia p'anɨnepema waidi nemietaade nipadawẽma, mãra neet'á jayoapidawẽa p'anɨ jĩra. Mɨ ome pia p'ananai k'orea p'anɨ pẽra, neet'á t'ot'oa jɨ̃nak'ari mɨ ome ará nipadaipɨ.

Apocalipsi 4:4

Mãɨnepa veinticuatro suak'a beeparí auk'ará p'anɨt'a jũra p'anasima. Chi mãɨ ɨ̃rɨ suak'a p'anasima chi chõarã 24 p'anɨt'a. Ãchi neet'á t'ot'oa beasima. Mãɨnepa poro jũra jɨ̃parí nee ooda jɨ̃ p'anasima.

Apocalipsi 5:11

Mãɨya bɨde mɨa chi Tachi Ak'õrepa peedaɨrã ɨt'aripema k'ari p'anɨ ũrisima. Minachia p'anɨẽra mɨa p'ue joisiaé pasima. Ãchi chi Tachi Ak'õre suak'a beeparí auk'ará bɨt'a, chi ẽpẽra jĩra chok'ae berã mãɨnepa chi veinticuatro chõarã p'anɨt'a jũra p'anasima.

Apocalipsi 5:5

Maamina chi veinticuatro chõarãnepema abaɨpa mɨa mãɨya jarasima: «Waa jẽarãse. Ak'ɨse, Davidepa cheda aba bɨma. Mãɨ chi Imama apataɨ Judadepa chedapa Tachi Ak'õre nek'ĩramá p'uesima. Ichiapuru chi k'ara nɨbɨ siete p'anɨt'a nãɨ k'art'ade p'ue ewaipɨ».

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.