Apocalipsi 6:9 - Tachi Ak'õre Pedea

⁹ Mãɨya nak'ari chi Oveja Chak'epa mãicha chi k'art'ade k'ara bada aba oet'aside mɨa unusima chi Tachi Ak'õre pedea jaratea p'anɨ k'orea peadaadarã jaore. Ãchi chi Tachi Ak'õre pae ne paateapataɨ pajãne bɨk'á p'anasima.

Apocalipsi 6:9 ပူးပေါင်းရင်းမြစ်များ

Juan 16:2

Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.

2 Corintio 5:8

Mãɨya tachi ne k'ɨ̃risiadawẽa mãɨnepa wap'eawẽa p'anɨma. Tachi nãɨ k'ak'uadepema minachia wã k'ɨ̃ria p'anɨma Tachi Chipari ome ará p'ananai k'orea.

P'ilipense 1:23

Mãɨ jarait'a chaarea bɨma, umenepemarã chi sãɨ atepe pia bɨt'a. Mɨmá pia bɨma piuit'a, Cristo ome bai k'orea.

P'ilipense 2:17

Tãaraawẽa bɨde mɨ Cristo k'orea peadai p'anɨma, uvaba Tachi Ak'õrea weateai jĩra. Ara mãɨya mãrapa Cristode ĩjãa p'anɨt'a ãnimara Tachi Ak'õrea paateai jĩra bɨma. Mãɨ k'orea mɨ mãra ome minachia arapá bɨma.

2 Timoteo 1:8

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

2 Timoteo 4:6

Tãaraawẽane mɨ peadaipɨ. Mɨ piui ewari ara k'ait'a bɨma.

Hebreo 12:23

Mãra Tachi Ak'õre warrarã ãarea ará nɨbɨmá chesidama. Tachi Ak'õremá, ãareaɨrã warrarã naapemarãpɨ. Pajãnepemarã pẽra ãchi t'ɨ̃ bɨ bɨma. Mãra chi ãarea tachi nepɨra ak'ɨparimá chesidama. Chi ẽpẽerã jaore jĩp'a ɨt'ari be Tachi Ak'õrepa pia bɨdamá chesidama.

Apocalipsi 1:2

Jõma mɨa ununa piarã jara bɨma. Mɨa jararuma nãɨ pedea Tachi Ak'õrenepa che bɨt'a mãɨnepa Jesucristopa piarãt'a k'awapisit'a.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Apocalipsi 14:18

Mãɨne chi Tachi Ak'õre pae incienso k'era paateapataɨdepa mãɨ chi pajãne bɨdepa mãicha chi Tachi Ak'õrepa ɨt'aripa peeda chesima. Ichiapuru urua uru baparima chi t'ɨpɨ taude incienso k'era pai k'orea. Nãɨya jĩk'ua jarasima chi nek'o chi p'eedea uru bɨa: «Pɨchi nek'odepa chi uva k'ɨmɨ wará nɨbɨt'a jãɨ ĩjũanepema t'ɨat'use, mãɨ uva wará nɨbɨdepa».

Apocalipsi 16:7

Mãɨne chi mãɨ incienso k'era ɨt'ari bɨ paateapataɨdepa mɨa ũrisima abaɨpa nãɨya jara bɨt'a: «Tai Chipari, tai Ak'õre chi ne ãarea p'ue bɨ, pɨa ara pɨ piarãpẽanepa ãarea jĩp'a ɨtɨaparima».

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.

Apocalipsi 20:4

Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.

Apocalipsi 8:3

Mãɨne mãicha Tachi Ak'õrepa ɨt'aripa peeda chek'ari chi Tachi Ak'õre suak'a beeparí auk'ará bɨ naa bai nɨbeesima. Ichi juade p'arat'u jãjoa nee ooda aba uru basima chi incienso k'era pai k'orea. Abaɨpa ichiá incienso k'era minachia teasima Tachi Ak'õre pae paamerá, chi Tachi Ak'õre ẽpẽerã ɨt'aa chiidimaa p'anɨmisa. Ara mãɨne ichia incienso k'era chi k'era paapataɨ ɨ̃rɨ paasima.

Apocalipsi 9:13

Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Mãɨne chi Tachi Ak'õre k'ĩrari incienso k'era paateapataɨ nee ooda k'achu k'ĩmari p'anɨnepa abaɨ pedea bɨt'a mɨa ũrisima.