Apocalipsi 6:11 - Tachi Ak'õre Pedea

¹¹ Mãɨrã́ neet'á t'orroa bɨt'a teasima mãɨ jɨ̃namẽrá. Maapae nãɨya jarasima: «Pik'ã́ nɨ p'ananot'ɨ jõma chi mãra ũpẽarã Cristo pae pari mimiapataɨrã peautadea, ẽpẽerãpa ara mãra peadada jĩra».

Apocalipsi 6:11 ပူးပေါင်းရင်းမြစ်များ

Mateo 10:21

»Abaɨpa ara ichi ũpẽa peapiipɨ mɨne ĩjãa bɨ k'orea. Chi ak'õrepa ichi warra peapiipɨ mãɨnepa chi warrarãpa ãchi ak'õrerã k'ĩruunak'ari peapidaipɨ.

Luca 15:22

Maamina chi ak'õrepa chi ichi pae pari mimiapataɨrã́ jarasima: “Anamari jɨ̃parí chi piipará bɨ atadak'ari jɨ̃pit'ɨ. Ichi juade sortia jɨ̃pit'ɨ. Mãɨ awara jĩrune jɨ̃pataɨ sida jɨ̃pit'ɨ.

Juan 16:2

Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.

Hecho 20:24

Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.

2 Tesalonicense 1:7

Maamina mãra, chi mĩa berã ɨ̃apaapiipɨ tai ɨ̃apaapii bɨ jĩra. Mãɨyaipɨ Tachi Chipari Jesú ichi ɨt'aripa peedaɨrã jua chaarea berã ome t'ɨpɨ tau urua nɨbɨde pajãnepa cherude. Mãɨne jõma Tachi Ak'õrene ĩjãanak'apɨɨrã mãɨnepa chi pedea pia Tachi Chipari Jesú k'orea ĩjãanak'apɨɨrã ɨtɨaipɨ.

2 Timoteo 4:7

Mɨa Tachi Ak'õre pae ooi bada jõma oosima pia chõona jĩra. Mɨa Cristo itu bɨwẽa bɨma. Jõma jĩp'a oosima p'iraparí jĩra.

Hebreo 11:40

Tachi Ak'õrepa tachi pae nepia bɨt'a uru bɨ pẽra ichia k'ɨ̃riasima ãchi tachi ome ne ãareaɨne pia p'ananait'a.

Hebreo 12:23

Mãra Tachi Ak'õre warrarã ãarea ará nɨbɨmá chesidama. Tachi Ak'õremá, ãareaɨrã warrarã naapemarãpɨ. Pajãnepemarã pẽra ãchi t'ɨ̃ bɨ bɨma. Mãra chi ãarea tachi nepɨra ak'ɨparimá chesidama. Chi ẽpẽerã jaore jĩp'a ɨt'ari be Tachi Ak'õrepa pia bɨdamá chesidama.

Hebreo 4:10

Abaɨ Tachi Ak'õrepa ɨ̃apaapii bɨmá wãipɨra, ichia oo badadepema ɨ̃apaasima Tachi Ak'õrepa ne ãarea ook'ari ɨ̃apaada jĩra.

Apocalipsi 10:6

Tachi Ak'õre t'ɨ̃ne pedeasima. Ichia nãɨ ĩjũa, pajã mãɨnepa p'usa mãɨnepa mãɨne nɨbee sida ãarea ook'oasima. Mãɨ Tachi Ak'õre ewaricha chok'ae bɨ t'ɨ̃ne nãɨya jarasima: «Tachi Ak'õrepa jarada tãaraawẽa bɨde jõma mãɨyaipɨ.

Apocalipsi 13:15

Tachi Ak'õrepa chi ĩjũanepa chedá chi sãdo chi naapema ãnimara k'ĩra jĩra bɨa ɨ̃apa teapade asima. Mãɨya pedea beek'ari, chi juapa oodada sãdo k'ɨ̃rianawẽa p'anɨt'a ãarea itu peapipadaade asima.

Apocalipsi 14:13

Mãɨya nak'ari mɨa ũrisima pajãne abaɨpa nãɨya jarasit'a: «K'art'ade nãɨya bɨse: “Nãɨ idiipa naa pia p'anɨma chi Tachi Chiparide ĩjãa p'anɨne piudait'a”». Mãɨne ũrisima Tachi Ak'õre Jaorepa nãɨya jarasit'a: «Piarã ãchi pia p'ananaipɨ. Ãchi ɨ̃apaade wãnaipɨ chi minachia mĩanana pada, chi ãchia nepia oodada padadepa minachia unupodoi pẽra».

Apocalipsi 17:6

Mãɨ ak'ɨside k'awasima mãɨ wẽra ẽpẽerã Tachi Ak'õreneerã oa torudepa piu basit'a, chi Jesude ĩjãapataɨrã peadada oapa. Mɨa mãɨ wẽra unuk'ari, waa k'awa k'ɨ̃risiawẽa beesima.

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.