Apocalipsi 5:6 - Tachi Ak'õre Pedea

⁶ Mãɨne chi suak'a beeparí auk'ará bɨ taade, chi ẽpẽra jĩra k'ĩmari chok'ae p'anɨ mãɨnepa chi chõarã cuatro p'anɨ estarik'a mɨa Oveja Chak'e bai nɨbɨt'a unusima. Ichi chi peasida jĩra basima. K'achu siete uru basima. Mãɨnepa tau siete uru bɨma. Mãɨ tau siete p'anɨpa jara k'ɨ̃ria p'anɨma chi Tachi Ak'õre naa jaore k'ak'o siete p'anɨt'a. Tachi Ak'õrepa ãchi ãarea nãɨ ĩjũane p'ueparima.

Apocalipsi 5:6 ပူးပေါင်းရင်းမြစ်များ

Luca 1:69

Ichi pae pari mimiaparí Davidepa cheda peeruma Tachi k'aripaparí jua chaarea bɨt'a bamẽrá.

Juan 1:29

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Juan 1:36

Mãɨne Juanpa Jesú ichi k'ait'a wãru unuk'ari jarasima: —¡Ak'ɨt'ɨ! Jãɨ jãma bɨt'a Tachi Ak'õre Oveja Chak'epɨ.

Hecho 8:32

Ichia Tachi Ak'õre pedeade eda jara bada nãɨ pasima: «Oveja peapataɨmá ateewãpata jĩra ara mãɨya ichi peade ateewãsidama. Chi k'ara t'ɨɨrude oveja k'ĩup'ea bapari jĩra, ara mãɨya ichi k'ĩup'ea beesima.

Apocalipsi 1:4

Mɨ Juanpɨ. Nãɨ k'art'a bɨruma ũpẽarã p'uuru siete p'anɨ, Asia tuadepemarã pae. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a. Mãɨ ichipɨ, ichi naena basima mãɨnepa ichi chei bɨpɨ. Mãɨnepa mɨa k'ɨ̃ria bɨma chi suak'a beeparí auk'ará bɨ k'ĩrari siete jaore p'anɨpa mãɨya oo p'ananait'a.

Apocalipsi 12:11

Tachi ũpẽarãpa p'uesidama chi Oveja Chak'e oa ãrinanepa mãɨnepa ichia pedeade piarã ĩjãa bɨade a bɨdepa. Ãchi piudai p'anɨne wap'eadaé pasima, maawẽapuru chi Cristo pari piudayá p'anasima.

Apocalipsi 13:8

Mãɨne chi nãɨ ĩjũane ãareaɨrãpa mãɨ ãnimara minachia k'ɨ̃riasidama. Nãɨ ĩjũa ooi naena ãchi t'ɨ̃ chi Oveja Chak'e k'art'ade eda bɨ baé pasima. Mãɨ chi ewaricha chok'ae p'ananai k'art'ade ãchi t'ɨ̃ ãarea eda bɨ bɨma.

Apocalipsi 14:1

Mãɨya nak'ari mɨa unusima chi Oveja Chak'e chi Sión p'uuru eya ɨ̃rɨ bai nɨbɨt'a. Ichi ome 144 mil p'anasima. Ãchi tau bɨɨrɨde chi Oveja Chak'e t'ɨ̃ mãɨnepa ãchi Ak'õre t'ɨ̃ bɨ uru p'anasima.

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

Apocalipsi 21:22

Mãɨ p'uurude Tachi Ak'õre te minachia bɨt'a mɨa unué pasima newẽ pẽra. Tachi Chipari, chi Ne Ãarea P'ue Bɨ Tachi Ak'õre k'ĩrari mãɨnepa Oveja Chak'e k'ĩrari ẽpẽerãpa pia pedeadaipɨ ichi te atepe bɨde oopachida jĩra.

Apocalipsi 21:23

Ɨmata mãɨnepa jedek'o newẽa mãɨ p'uuru ɨnaa baparima, Tachi Ak'õre achiterreapa mãɨ ɨnaa bapipari pẽra, mãɨnepa chi Oveja Chak'epa jẽrat'ĩu bapipari pẽra.

Apocalipsi 22:1

Mãɨya nak'ari Tachi Ak'õrepa ɨt'aripa peedapa to p'ap'ãrá bɨt'a mɨá unupisima. Tot'á basima vidrio jĩra. Mãɨ paniapa tachi chok'ae p'anapiparima. Tachi Ak'õre mãɨnepa chi Oveja Chak'e suak'a beeparí auk'ará bɨdepa mãɨ to p'uurudepema o jet'ea bɨ esa wea bɨma. To ik'idacha pak'uru nejõ tachi chok'ae p'anapiparí basima. Mãɨ pak'uru jedek'ocha chaupari pẽra, ãyone bari k'ak'o doce teaparima. Chi k'irú nẽará jĩra bɨma, tuachadepemarã k'ak'ua pia p'ananamẽrá.

Apocalipsi 22:3

Chi Tachi Ak'õrepa mietá bayade a badat'a chi p'uurude nea baipɨ. Tachi Ak'õre mãɨnepa chi Oveja Chak'e suak'a beeparí auk'ará bɨ chi p'uurude baipɨ. Mãma chi Tachi Ak'õre pae pari mimiapataɨrãpa ichiá pia pedeadaipɨ.

Apocalipsi 4:8

Chi mãɨrã ãchi k'ak'awá ĩk'arra sei uru beasima. Ãchi k'ak'ua ãarea tau pará beasima. Chi ĩk'arra ek'ari pida tau ãarea beasima. Ãst'á mãɨnepa teamasi pida sẽnawẽa pedeadepa nãɨya jarapachidama: «Minachia pia bɨma, minachia pia bɨma, minachia pia bɨma Tachi Chipari, chi Ne Ãarea P'ue Bɨ Tachi Ak'õre». Ichipɨ, ichi naena basima mãɨnepa ichi chei bɨpɨ.

Apocalipsi 5:11

Mãɨya bɨde mɨa chi Tachi Ak'õrepa peedaɨrã ɨt'aripema k'ari p'anɨ ũrisima. Minachia p'anɨẽra mɨa p'ue joisiaé pasima. Ãchi chi Tachi Ak'õre suak'a beeparí auk'ará bɨt'a, chi ẽpẽra jĩra chok'ae berã mãɨnepa chi veinticuatro chõarã p'anɨt'a jũra p'anasima.

Apocalipsi 5:12

Nãɨya jĩk'ua k'ari p'anasidama: «¡Chi Oveja Chak'e peadada minachia pia bɨma! Ãareaɨrãpa pia pedeadai p'anɨma ichit'a mãɨ ichia ãarea jõma p'ue bɨẽra, mãɨnepa ãarea uru bɨẽra, mãɨnepa ãarea k'awa bɨẽra mãɨnepa jua chaarea bɨẽra. Ichit'u chi atepe bɨade a jaradai p'anɨma mãɨnepa chi piipará bɨade a jaradai p'anɨma».

Apocalipsi 5:13

Mãɨne mɨa ũrisima jõma Tachi Ak'õrepa ooda pajãne bepa, nãɨ ĩjũane bepa, piudaadarã jaorepa, p'usade be pida nãɨya k'ari p'anɨ: «Ãareaɨrãpa pia pedeadai p'anɨma ewaricha chi Tachi Ak'õre suak'a beeparide auk'ará bɨde suak'a bɨa mãɨnepa chi Oveja Chak'e k'edea. Chi atepe pia bɨade adai p'anɨma, minachia auk'ará bɨade adai p'anɨma, mãɨnepa ichi juade nejõma p'ue uru bait'a pia bɨade adai p'anɨma».

Apocalipsi 5:14

Maapae chi ẽpẽra jĩra k'ĩmari chok'ae berãpa nãɨya jarasidama: «Pia bɨma mãɨya bait'a». Ara mãɨne chi chõarã veinticuatro p'anɨ sĩraporode k'op'aneenak'ari chi ewaricha chok'ae bɨa pia pedeasidama.

Apocalipsi 6:16

Nãɨya jarasidama: «Eya, mawara, tai ɨ̃rɨ baet'ɨ. Tai mẽrat'ɨ chi suak'a beeparí auk'ará bɨde suak'abari bɨa tai unupiemaapa, mãɨnepa chi Oveja Chak'ea ɨtɨapiemaapa.