Apocalipsi 4:8 - Tachi Ak'õre Pedea

⁸ Chi mãɨrã ãchi k'ak'awá ĩk'arra sei uru beasima. Ãchi k'ak'ua ãarea tau pará beasima. Chi ĩk'arra ek'ari pida tau ãarea beasima. Ãst'á mãɨnepa teamasi pida sẽnawẽa pedeadepa nãɨya jarapachidama: «Minachia pia bɨma, minachia pia bɨma, minachia pia bɨma Tachi Chipari, chi Ne Ãarea P'ue Bɨ Tachi Ak'õre». Ichipɨ, ichi naena basima mãɨnepa ichi chei bɨpɨ.

Apocalipsi 4:8 ပူးပေါင်းရင်းမြစ်များ

Hecho 20:31

Mãɨpuru jĩrak'aua p'anat'ɨ. K'ɨ̃risiat'ɨ mɨa ãyo k'ak'o ũpea, ãst'á mãɨnepa teamasi jẽa bɨpa machicha chi sea jarateapataɨrã k'orea ũraa basit'a.

2 Corintio 6:18

Mɨ mãra Ak'õre paipɨ. Mãra mɨ warrarã padaipɨ mãɨnepa mɨ k'aurã padaipɨ. Tachi Chipari chi Ne Ãarea P'ue Bɨpa mãɨya jara bɨma».

1 Tesalonicense 2:9

Ũpẽarã, mãrapa k'awa p'anɨma ãst'á mãɨnepa teamasi pida ɨ̃apaadawẽa mimiapachidama erreara ununai k'orea. Taipa pedea pia Tachi Ak'õre k'orea mãrá jaratea p'anasidaɨde k'ɨ̃rianaé pasima mãrapa taiyá ne teadait'a mãra pae chaarea bɨpidaemaapa.

1 Timoteo 4:16

Ara pɨchi k'orea mãɨnepa pɨa jaratea bɨ k'orea jĩrak'aua base. Jõma makɨɨ jĩp'a oo nipase. Mãɨya oo baipɨra pɨ k'aripaipɨ. Pɨa jaratea bɨ ũri p'anɨrã sida k'aripadaipɨ.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

Hebreo 13:8

Jesucristo k'ĩra awara bak'ama. Noena bada jĩra idi pida abarik'a bɨma, mãɨnepa ewaricha mãɨya baipɨ.

Apocalipsi 1:4

Mɨ Juanpɨ. Nãɨ k'art'a bɨruma ũpẽarã p'uuru siete p'anɨ, Asia tuadepemarã pae. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a. Mãɨ ichipɨ, ichi naena basima mãɨnepa ichi chei bɨpɨ. Mãɨnepa mɨa k'ɨ̃ria bɨma chi suak'a beeparí auk'ará bɨ k'ĩrari siete jaore p'anɨpa mãɨya oo p'ananait'a.

Apocalipsi 1:8

Tachi Chiparipa jarasima: «Mɨt'u chi Ne Ãarea P'ue Bɨ Tachi Ak'õrepɨ, chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ. Mɨpɨ, naena basima, mãɨnepa chi chei bɨpɨ».

Apocalipsi 11:17

Nãɨya jarasidama: «Tai Chipari, chi Ne Ãarea P'ue Bɨ Tachi Ak'õre, pɨ idi bɨma, mãɨnepa naena basima. Pɨ jua chaarea waibɨa bɨ unupi bɨ pẽra mãɨnepa jõmãɨrã Chipari beeda pẽra taipa pia bɨade a p'anɨma.

Apocalipsi 14:11

Chi mãɨ ẽpẽra minachia mĩa bɨmá mãɨ t'ɨpɨ tau k'iiwẽa baipɨ, maawẽapuru nãri minachia che nɨbaipɨ. Chi abaɨpa chi ãnimarane mãɨnepa chi sãdo juapa oodaada ara ichi jĩra bɨ k'ɨ̃riaipɨra, mãɨ ɨ̃apaawẽa baipɨ. Mãɨ ãnimara t'ɨ̃ itu tauchaapidaadapa mãɨrã p'ue ãst'á mãɨnepa teamasi ɨ̃apaadawẽa p'ananaipɨ».

Apocalipsi 14:3

Mãɨne chi Tachi Ak'õre suak'a beeparí auk'ará bɨ naa, chi ẽpẽra jĩra k'ĩmari chok'ae p'anɨ naa mãɨnepa chi chõarã 24 p'anɨ naa k'ari chiwidit'a k'ari p'anasima. Abaɨ pida mãɨ k'ari p'ue k'awadaé pasima. Chi mãɨ abapuru 144 mil p'anɨrãpa, chi Tachi Ak'õrepa k'aripa badapa mãɨrãpuru k'ari k'awa p'anasima.

Apocalipsi 15:3

Mãɨ arpa chaautade Moisé chi Tachi Ak'õre pae pari mimiaparí k'arit'a mãɨnepa chi Oveja Chak'e k'arit'a k'arimaa p'anasima. Nãɨya k'arisidama: «Tai Chipari, chi Ne Ãarea P'ue Bɨ Tachi Ak'õre, pɨa oo bɨ waibɨa bɨma. Pɨa oo bɨ k'orea ẽpẽerãpa k'awa k'ɨ̃risiadawẽa p'anapatama. Jõmãɨrã Poro Jũra Jɨ̃parí Jɨ̃ bɨ, pɨa oo bɨt'a jĩp'a bɨma mãɨnepa pɨ pedea aba piarã bɨma.

Apocalipsi 15:7

Mãɨne ẽpẽra jĩra k'ĩmari chok'ae p'anɨnepema abaɨpa chi Tachi Ak'õrepa ɨt'aripa peedaɨrã́ ãchicha p'arat'u jãjoa bɨ nee ooda teasima. Mãɨ p'arat'ut'a chi Tachi Ak'õre ewaricha chok'ae baparí k'ĩruu bɨ k'awapi bɨma.

Apocalipsi 16:14

Mãɨrã chi ãnimara mietaarã jaorerãpa ne p'ue oodak'apɨ́ minachia oopachidama. Mãɨnepa chi tuachadepemarã poro jũra jɨ̃parí jɨ̃ p'anɨrã́ jarade wãsidama Tachi Chipari ome k'ĩruune wãnamẽrá, Tachi Ak'õre chi Ne Ãarea P'ue Bɨpa ɨtɨai ewaride.

Apocalipsi 16:7

Mãɨne chi mãɨ incienso k'era ɨt'ari bɨ paateapataɨdepa mɨa ũrisima abaɨpa nãɨya jara bɨt'a: «Tai Chipari, tai Ak'õre chi ne ãarea p'ue bɨ, pɨa ara pɨ piarãpẽanepa ãarea jĩp'a ɨtɨaparima».

Apocalipsi 19:15

Ichi it'aedepa k'ĩruuparí nek'o p'eedea bɨt'a ochiasima, mãɨnepa tuacha p'uei k'orea. Sõ chupuriadawẽa ãareaɨrã́ jok'ae oopiipɨ. Uva pertɨaru jĩra ãchi ɨtɨaipɨ, ichia Tachi Ak'õre chi Ne Ãarea P'ue Bɨpa k'ĩruu bɨdepa mãɨya ɨtɨai bɨ pẽra.

Apocalipsi 19:4

Mãɨne chi veinticuatro chõarã mãɨnepa ẽpẽra jĩra k'ĩmari chok'ae p'anɨ sĩraporode bari k'op'aneesidama Tachi Ak'õre k'ɨ̃rianai k'orea. Tachi Ak'õre ichi suak'a beeparí auk'ará bɨde suak'abari bɨde ãchia nãɨya pia pedeasidama: «¡Mãɨya beese! ¡Tachi Chiparia pia pedeadai p'anɨma!»

Apocalipsi 21:22

Mãɨ p'uurude Tachi Ak'õre te minachia bɨt'a mɨa unué pasima newẽ pẽra. Tachi Chipari, chi Ne Ãarea P'ue Bɨ Tachi Ak'õre k'ĩrari mãɨnepa Oveja Chak'e k'ĩrari ẽpẽerãpa pia pedeadaipɨ ichi te atepe bɨde oopachida jĩra.

Apocalipsi 3:7

»Chi P'iladelp'ia p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Ichi chi Tachi Ak'õre Paepuru Bɨ mãɨnepa chi Piarã Pedea Aba Bɨ, chi Daví p'uuru minachia k'awa bɨpɨ. Chi ichia ewaru mi ãpia pida p'ue serraiwẽma. Ichia serraru mi ãpia pida p'ue ewaiwẽma.

Apocalipsi 4:4

Mãɨnepa veinticuatro suak'a beeparí auk'ará p'anɨt'a jũra p'anasima. Chi mãɨ ɨ̃rɨ suak'a p'anasima chi chõarã 24 p'anɨt'a. Ãchi neet'á t'ot'oa beasima. Mãɨnepa poro jũra jɨ̃parí nee ooda jɨ̃ p'anasima.

Apocalipsi 4:6

Mãɨ chi suak'a beeparí auk'ará bɨ naa p'usa jĩra p'ap'ãrá basima. Mãɨ tot'á vidrio jĩra basima. Chi suak'a beeparí juaraari, juawieri, ãpɨtea, mãɨnepa ichi k'ĩrari ẽpẽra jĩra k'ĩmari chok'ae p'anɨt'a p'anasima. Ãchi tau k'ak'ua ãarea bae beasima, ãchi p'echude mãɨnepa ep'alatade.

Apocalipsi 4:9

Chi Tachi Ak'õre ewaricha chok'ae bɨ chi ichi suak'a beeparí auk'ará bɨde suak'a bɨma. Ara mãɨne chi ẽpẽra jĩra chok'ae bepa jara p'anɨma ichi auk'ará bɨma, ichiá pia pedea p'anɨma mãɨnepa ichiá sõpia p'anɨane a p'anɨma. Mãɨ jarautacha chi chõarã 24 p'anɨpa Tachi Ak'õre naa sĩraporode k'op'aneenak'ari chi ewaricha chok'ae bɨa pia bɨade apatama. Ãchi poro jũra jɨ̃pataɨ wẽanak'ari chi suak'a beeparí auk'ará bɨ taade bɨdak'ari nãɨya jarapatama:

Apocalipsi 5:6

Mãɨne chi suak'a beeparí auk'ará bɨ taade, chi ẽpẽra jĩra k'ĩmari chok'ae p'anɨ mãɨnepa chi chõarã cuatro p'anɨ estarik'a mɨa Oveja Chak'e bai nɨbɨt'a unusima. Ichi chi peasida jĩra basima. K'achu siete uru basima. Mãɨnepa tau siete uru bɨma. Mãɨ tau siete p'anɨpa jara k'ɨ̃ria p'anɨma chi Tachi Ak'õre naa jaore k'ak'o siete p'anɨt'a. Tachi Ak'õrepa ãchi ãarea nãɨ ĩjũane p'ueparima.

Apocalipsi 6:1

Mãɨne mɨa unusima chi Oveja Chak'epa chi k'art'ade k'ara bada aba oet'asit'a. Mãɨnepa chi ẽpẽra jĩra chok'ae be k'ĩmari p'anɨnepema chi abaɨpa nãɨya jara bɨt'a ũrisima: «¡Chese!» Chi pedea pa pedea jĩra basima.

Apocalipsi 6:6

Mãɨne mɨa chi ẽpẽra jĩra k'ĩmari chok'ae p'anɨ t'ãenaɨpa abaɨpa pedea bɨt'a ũrisima. Mãɨpa chi mũra ɨ̃rɨ suak'abari bɨa nãɨya jarasima: «Chi trigo itu pia chaupirãse. Mãɨya trigo libra ume netoi k'orea ẽpẽra ewari aba mimiai bɨma. Cebada sida itu pia chaupirãse. Mãɨya cebada sei libra netoi k'orea ẽpẽra ewari aba mimiai bɨma. Maamina olivojõ mãɨnepa uvajõ itu pia chaupise, mãɨya olivo taa mãɨnepa uvaba uru p'ananamẽrá».

Apocalipsi 7:11

Mãɨne chi ẽpẽra jĩra k'ĩmari chok'ae p'anɨ mãɨnepa chi chõarã veinticuatro p'anɨ chi suak'a beeparí auk'ará bɨmá jũra p'anasima. Chi Tachi Ak'õrepa ɨt'aripa peedaɨrã ãarea ãchi ik'idá jũra bai nɨp'anasima. Mãɨne ãarea sĩraporode k'op'aneesidama, mãɨnepa chi suak'a beeparí auk'ará bɨ naa ãchi tau bɨɨrɨ ĩjũane k'op'aneenak'ari maapae Tachi Ak'õre minachia k'ɨ̃riasidama.

Apocalipsi 7:15

Mãɨpuru Tachi Ak'õre suak'a beeparí auk'ará bɨ k'ĩrari p'anɨma. Ãst'á mãɨnepa teamasi pida Tachi Ak'õre tede ichi pae ne oopatama. Mãɨ suak'a beeparí auk'ará bɨde suak'abari bɨ ãchi ome baipɨ.