Apocalipsi 3:8 - Tachi Ak'õre Pedea

⁸ Nãɨya jara bɨma: »Mãrapa oo p'anɨt'a mɨa k'awa bɨma. ¡Ũrit'ɨ! Eda wãpataɨ mɨa mãra naa ewa nɨbɨsima. Mãɨ abaɨ pida p'ue serraiwẽma. Mãra ãpia chaareawẽa p'anɨmina mɨ pedea minachia ĩjãa p'anɨma. Mɨ itu bɨdawẽa p'anɨma.

Apocalipsi 3:8 ပူးပေါင်းရင်းမြစ်များ

Luca 12:9

Ara mãɨ jĩra abaɨpa ẽpẽrarã k'ĩrari mɨ atua bɨade aipɨra, Tachi Ak'õre pajãnepema peedarã k'ĩrari mɨa ichi atua bɨade aipɨ.

Juan 15:20

K'ɨ̃risiat'ɨ mɨa nãɨ jarada: “Abaɨ pida ichi chipari pae pari mimiaparí ichi chipari k'aepẽra atepe bɨwẽma”. Mãɨpa jara bɨma ẽpẽerãpa mɨ pedea oo p'anɨpɨra, mãra pedea sida oodaipɨ. Maamina ãchia mɨ ẽp'ẽ p'anɨpɨra, mãra sida ẽp'ẽnaipɨ.

Juan 17:6

»Pɨa mɨá ẽpẽerã nãɨ ĩjũanepemarã teasima. Mɨa mãɨrã́ pɨ k'awapisima. Ãchi poremina, pɨa mɨá ãchi teasima. Ãchia pɨ pedea ĩjãa p'anɨma.

Hecho 14:27

Chedak'ari ũpẽarã ome ará p'anasidama. Mãɨne nepɨrɨsidama ãarea Tachi Ak'õrepa ãchidepa ooda. Jarasidama Tachi Ak'õrepa eda wãpataɨ ewasit'a judiorãwẽ pida Jesude ĩjãanamẽrá.

1 Corintio 16:9

Nãma chi mɨ unuemaa minachia p'anɨmina p'ue Tachi Ak'õre pedea pia jaratea baipɨ mãɨnepa chok'araɨrãpa ĩjãautama.

2 Corintio 2:12

Mɨ Troa p'uurudea wãsima chi pedea pia Cristo k'orea jarateai k'orea. Mãma Tachi Chiparipa eda wãpataɨ ewaru jĩra oosima ẽpẽrarãpa ũri k'ɨ̃rianamẽrá.

P'ilipense 4:13

Cristodepa jõma p'ue ooipɨ ichia mɨ chaareapii bɨ pẽra.

Colosense 4:3

Tai k'orea ɨt'aa chiidit'ɨ Tachi Ak'õrepa eda wãpataɨ ewaru jĩra chi Cristo k'orea naena k'awapiwẽa bada itu jarateapimẽrá. Mãɨ jaratea bɨ k'orea mɨ eda jɨ̃a nɨbɨ uru p'anɨma.

1 Timoteo 5:8

Abaɨpa ara ichi ẽpẽrarã mãɨnepa ichi tedepemarã sida k'aripak'á baipɨra, Tachi Ak'õre pedea itu bɨ bɨma. Cristode ĩjãanak'apɨɨrã k'aepẽra piawẽa oo bɨma.

2 Timoteo 4:7

Mɨa Tachi Ak'õre pae ooi bada jõma oosima pia chõona jĩra. Mɨa Cristo itu bɨwẽa bɨma. Jõma jĩp'a oosima p'iraparí jĩra.

Juda 1:4

Mãɨya mɨa nãɨ bɨruma chi eda waapẽarã ũpẽarã jĩra berã chedak'ari mãra t'ãena eda p'anɨ pẽra. Mãɨ ẽpẽrarãpa seadepa jarateapatama Tachi Ak'õrepa ichi sõpiadepa tachi k'aripada pẽra tachi k'ak'uapa nemietá minachia oo k'ɨ̃ria bɨt'a p'ue oodai p'anɨt'a. Ãchia Tachi Chipari aba bɨ Jesucristot'a itu bɨpatama. Tãaraaenapemat'u eda bɨ basima Tachi Ak'õrepa ãchi ɨtɨait'a.

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.

Apocalipsi 2:2

»Mãrapa oo p'anɨt'a mɨa k'awa bɨma. Mɨ pae minachia mimia p'anɨt'a mãɨnepa minachia mĩa p'anɨne ãarea choa p'anɨt'a k'awa bɨma. Mãrapa chi nemietá oopataɨrã́ itu oopidak'at'a k'awa bɨma. Eda waapẽarã mãramá wãnak'ari Jesucristopa peesiade apachidama. Maamina mãrapa jĩrak'aua ak'ɨ p'anɨnepa k'awasidama ãchi chi sea bet'a.

Apocalipsi 22:7

Jesupa jarasima: «¡Ũrit'ɨ, mɨ isapea cheipɨ! Chi nãɨ k'art'ade Tachi Ak'õre pari pedeaparí pedea bɨda ĩjãa bɨt'a minachia pia bɨma».

Apocalipsi 3:1

»Chi Sardi p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'a nãɨya bɨse: »Chi Tachi Ak'õre k'ĩrari jaore siete uru bɨpa mãɨnepa k'ãk'ãi siete uru bɨpa nãɨya jara bɨma: »Mãrapa oo p'anɨt'a mɨa k'awa bɨma. Ẽpẽerãpa jara p'anɨma mãrapa Tachi Ak'õre minachia ĩjãa p'anɨ pẽra chok'ae bet'a. Maamina piarã ara mãrapa Tachi Ak'õrene ĩjãanawẽa p'anɨ pẽra chi piudaadarãpɨ.

Apocalipsi 3:10

Mãra mɨ k'orea minachia mĩa p'anɨt'a ãarea choa p'anɨma mɨa jarada jĩra. Mãɨpuru nãɨ ĩjũanepemarã minachia mĩanai ewari cherude mɨa mãra ak'ɨipɨ. Mãɨ ewaride mɨa jõma nãɨ ĩjũane tuanurã minachia mĩapiipɨ, sãmaasã́ oodai k'awayá.

Apocalipsi 3:15

»Mãrapa oo p'anɨt'a mɨa k'awa bɨma. Mɨ itu bɨdawẽa p'anɨma maamina mãra sõnepa mɨ ome wãnawẽa p'anɨma. Mãɨya pania k'õresã́ jĩra p'anɨwẽma mãɨnepa pania wãsia jĩra p'anɨwẽma. Sõnepa piarã k'aade wãnaepɨra, mɨmá pia bai pasima mɨ ome nipadaiwẽt'a.

Apocalipsi 3:7

»Chi P'iladelp'ia p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Ichi chi Tachi Ak'õre Paepuru Bɨ mãɨnepa chi Piarã Pedea Aba Bɨ, chi Daví p'uuru minachia k'awa bɨpɨ. Chi ichia ewaru mi ãpia pida p'ue serraiwẽma. Ichia serraru mi ãpia pida p'ue ewaiwẽma.