Apocalipsi 22:6 - Tachi Ak'õre Pedea

⁶ Maapae Tachi Ak'õrepa ɨt'aripa peedapa mɨá jarasima: «Jõma nãɨ pedea piarãpɨ mãɨnepa piarã mãɨne p'ue ĩjãanai p'anɨma. Tachi Chiparipa chi ichi pari pedeapataɨrã́ pedeapiparima. Ichiapuru ichi ɨt'aripa peeda peesima chi ichi pae pari mimiapataɨrã́ k'awapimẽrá tãaraawẽa bɨde k'ãre mãɨyait'a».

Apocalipsi 22:6 ပူးပေါင်းရင်းမြစ်များ

Mateo 13:41

Mɨ, chi Ẽpẽra Warrapa mɨ Ak'õrepa ɨt'aripa peedarã peeipɨ nemietá oopataɨrã mãɨnepa nemietá oopipataɨrã Mɨ juade ua bɨdepemarã jɨrɨp'ek'oaipɨ.

Luca 1:70

Naena Tachi Ak'õrepa ichi pari pedeapataɨrã́ mãɨ k'orea jarapisima.

Luca 16:16

»Juan chei naena Moisepa bɨda mãɨnepa Tachi Ak'õre pari pedeapataɨrãpa bɨdada tachia uru p'anasidama. Mãɨ ewaridepa taipa chi pedea pia Tachi Ak'õrepa ichidirã ichi juade ua bɨ k'orea jaratea p'anɨma. Piarã ẽpẽrarãpa ne ãarea oo p'anɨma Tachi Ak'õre juade p'aneenai k'orea.

Hecho 12:11

Maapaepuru Pedropa k'awasima ichi k'amok'araaé pasit'a. Ichi tuaba jarasima: «Naapae mɨa k'awasima Tachi Chiparipa piarã Tachi Ak'õrepa ɨt'aripa peeda peek'ari mɨ Herode juadepema k'ẽet'aasit'a. Ichiaba chi judiorãpa mɨ piawẽa oodai k'ɨ̃risia p'anananepema piarã k'ẽet'aasima».

Hecho 3:18

Maamina mãɨneepuru Tachi Ak'õrepa naena jarada ãarea mãɨyapisima. Chi ichi pari pedeapataɨrãnepa jarasima ichia Tachi K'aripaparí teai jarada minachia mĩak'ari piuit'a.

Romano 1:2

Mãɨ pedea pia Tachi Ak'õrepa chõarãena teayade a jarasima. Ichi pari pedeapataɨrãpa mãɨ k'orea Ichi Pedea pia bɨ k'art'ade bɨsidama.

1 Corintio 14:32

Tachi Ak'õre pari pedeaparí paritua pedeak'ama, mãɨpari nɨ nɨbeeparima pedeai k'orea.

1 Corintio 7:29

Ũpẽarã, mɨa nãɨ jara k'ɨ̃ria bɨma: nãɨ ewari jõpodoruma. Mãɨ k'orea naapae chi ũpẽarã k'ima uru berãpa Tachi Ak'õre ode wã p'anɨt'a itu bɨdaiwẽa p'anɨma ãchi k'ima ome p'ananai k'orea. Mãɨpari chi k'ima nea bɨ jĩra p'ananai p'anɨma.

2 Tesalonicense 1:7

Maamina mãra, chi mĩa berã ɨ̃apaapiipɨ tai ɨ̃apaapii bɨ jĩra. Mãɨyaipɨ Tachi Chipari Jesú ichi ɨt'aripa peedaɨrã jua chaarea berã ome t'ɨpɨ tau urua nɨbɨde pajãnepa cherude. Mãɨne jõma Tachi Ak'õrene ĩjãanak'apɨɨrã mãɨnepa chi pedea pia Tachi Chipari Jesú k'orea ĩjãanak'apɨɨrã ɨtɨaipɨ.

Hebreo 12:9

Tachi nãɨ ĩjũanepema ak'õrerãpa tachi ɨtɨapachidama. Mãɨpa ¿ewaricha chok'ae p'ananai k'orea tachi Pajãnepema Ak'õre minachia wap'eadaiwẽa p'anɨk'ãra?

2 Pedro 1:21

Ãchia k'ɨ̃riauta jaradak'a pasima, mãɨpari Tachi Ak'õre pae p'anasida pẽra, ara Ichi Jaoredepa pedeasidama.

2 Pedro 3:2

Mɨa k'ɨ̃ria bɨma Tachi Ak'õre pari pedeapataɨrãpa naena jaradaadade mãrapa k'ɨ̃risiadamẽrá. Mãɨnepa k'ɨ̃ria bɨma Jesucristo Tachi Chipari mãɨnepa Tachi K'aripaparipa jarateadade k'ɨ̃risiadamẽrá. Mãɨ ichia peedaɨrãpa mãrá jarateasidama.

Apocalipsi 1:1

Mɨ Jesucristo pae pari mimiaparí Juanpɨ. Nãɨ k'art'ade bɨ bɨma Jesucristopa pajãnepa mɨá k'awapida. Mãɨ Tachi Ak'õrepa Jesucristoa k'awapisima chi ichide ĩjãa berã́ k'awapimẽrá tãaraawẽa bɨde sãit'a. Jesucristopa ɨt'aripa peeda aba mɨmá peesima mãɨ k'awapimẽrá.

Apocalipsi 18:20

¡Jõma pajãne be arapaat'ɨ jãɨ p'uuru jõna pẽra! Ẽpẽerã Tachi Ak'õreneerã, Jesupa peedaɨrã mãɨnepa Tachi Ak'õre pari pedeapataɨrã arapaat'ɨ. Tachi Ak'õrepa jãɨ p'uuru ɨtɨasima, mãra piawẽa ooda pẽra».

Apocalipsi 19:9

Tachi Ak'õrepa ɨt'aripa peedapa mɨá jarasima: «K'art'ade nãɨya bɨse: “¡Oveja Chak'e miak'ãipataɨ ewari nek'opataɨmá chi t'ɨ̃naanãɨrã minachia pia p'anɨma!”» Mãɨnepa jarasima: «Mãɨ piarã pedea Tachi Ak'õrepa jaradapɨ».

Apocalipsi 21:5

Maapae chi suak'a beeparí auk'ará bɨde suak'abari bɨpa nãɨya jarasima: «Mɨa ne ãarea chiwidi oo bɨma». Mãɨnepa nãɨya jarasima: «Chi mɨa jaramaa bɨt'a k'art'ade bɨse piarã pedea pẽra mãɨnepa mãɨne p'ue ĩjãanai p'anɨ pẽra».

Apocalipsi 21:9

Maapae Tachi Ak'õrepa ɨt'aripa peedaɨrã p'arat'u jãjoa be siete uru p'anananepema aba mɨmá chesima. Mãɨ Tachi Ak'õrepa ɨt'aripa peedaɨrãpa ãchi p'arat'u jãjoa bede ne siete uru p'ananapa nãɨ ĩjũane be k'aadea minachia mĩapisidama. Chi mɨmá chedapa nãɨya jarasima: «Wãnama. Mɨa chi Oveja Chak'epa k'ima atait'a unupiipɨ».

Apocalipsi 22:1

Mãɨya nak'ari Tachi Ak'õrepa ɨt'aripa peedapa to p'ap'ãrá bɨt'a mɨá unupisima. Tot'á basima vidrio jĩra. Mãɨ paniapa tachi chok'ae p'anapiparima. Tachi Ak'õre mãɨnepa chi Oveja Chak'e suak'a beeparí auk'ará bɨdepa mãɨ to p'uurudepema o jet'ea bɨ esa wea bɨma. To ik'idacha pak'uru nejõ tachi chok'ae p'anapiparí basima. Mãɨ pak'uru jedek'ocha chaupari pẽra, ãyone bari k'ak'o doce teaparima. Chi k'irú nẽará jĩra bɨma, tuachadepemarã k'ak'ua pia p'ananamẽrá.

Apocalipsi 22:16

»Mɨ Jesupɨ. Tachi Ak'õrepa ɨt'aripa peeda peesima mãɨ ãarea ũpẽarã becha jaramẽrá. Mɨ Davidepa chedapɨ, chi ichidepa t'õnapɨ. Mɨ chi ãsã parudepema k'ãk'ãi minachia jẽrat'ĩupariade apatama».

Apocalipsi 22:7

Jesupa jarasima: «¡Ũrit'ɨ, mɨ isapea cheipɨ! Chi nãɨ k'art'ade Tachi Ak'õre pari pedeaparí pedea bɨda ĩjãa bɨt'a minachia pia bɨma».

Apocalipsi 4:1

Mãɨya nak'ari mɨa k'ãmok'araa jĩra unusima pajãne eda wãpataɨ ewa nɨbɨt'a. Mãɨne mɨa ãnimara k'achu pedea jĩra naena ũri badapa jarasima: «Nãma ɨt'aa chese. Mɨa pɨá unupiipɨ nãɨ ewari cherude chi mãɨ ne bai bɨt'a».