Apocalipsi 22:20 - Tachi Ak'õre Pedea

²⁰ Ãarea nãɨ k'art'ade bɨ bɨt'a Jesupa piarãane a bɨma. Nãɨya jara bɨma: «¡Piarã mɨ isapea cheipɨ!» Pia bɨma isapea cheit'a. ¡Chese tai Chipari Jesú!

Apocalipsi 22:20 ပူးပေါင်းရင်းမြစ်များ

Juan 21:25

Jesupa nãɨ ne oo bada k'aepẽra atepe ne minachia ook'oapachima. Maamina mãɨ ãarea k'art'ade abaabá bɨutapara, mɨmá mãɨ k'art'a bɨk'oadada nãɨ ĩjũa ãareaɨne ara baiwẽ pasima.

1 Corintio 16:22

Parituapa Tachi Chipari Jesucristo k'ɨ̃riawẽpɨra, Tachi Ak'õrepa mãɨ ẽpẽra nepɨra paraayade aipɨ. ¡Chese, Tachi Chipari!

2 Timoteo 4:8

Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.

Hebreo 10:37

Tachi Ak'õre pedeade nãɨya bɨ bɨma: «Chi chei bɨ tãaraawẽa bɨde cheipɨ. Piarã tãaraaiwẽma.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Apocalipsi 1:2

Jõma mɨa ununa piarã jara bɨma. Mɨa jararuma nãɨ pedea Tachi Ak'õrenepa che bɨt'a mãɨnepa Jesucristopa piarãt'a k'awapisit'a.

Apocalipsi 2:16

Mãɨpuru mãicha Tachi Ak'õremá chet'ɨ. Mãɨya oodaepɨra, mɨa tãaraawẽa bɨde mãra ɨtɨade wãipɨ. Mãɨne k'ĩruuparí nek'o mɨ it'aedepa ochia bɨpa mãɨ ẽpẽerã paara k'ĩruuipɨ.

Apocalipsi 22:10

Mãɨnepa jarasima: «Nãɨ k'art'ade bɨ bɨma Tachi Ak'õre pari pedeaparí pedeat'a. Mãɨ mẽra uru barãse tãaraawẽa bɨde ãarea mãɨyai pẽra.

Apocalipsi 22:12

»¡Ũrit'ɨ, mɨ isapea cheipɨ! Cherude mɨa jõmãɨrã́ ne teade eneemeeipɨ ãchia oodada jĩra.

Apocalipsi 22:18

Chi nãɨ k'art'ade bɨ bɨma Tachi Ak'õre pari pedeaparí pedeat'a. Chi nãɨ k'art'ade bɨ bɨ ũri berã́ mɨa jararuma: abaɨpa nãɨ k'art'ade bɨ bɨ k'ĩra awara jaraipɨra, Tachi Ak'õrepa chi nãɨ k'art'ade minachia mĩapiyá bɨdapa ara mãɨya minachia mĩapiipɨ.

Apocalipsi 22:7

Jesupa jarasima: «¡Ũrit'ɨ, mɨ isapea cheipɨ! Chi nãɨ k'art'ade Tachi Ak'õre pari pedeaparí pedea bɨda ĩjãa bɨt'a minachia pia bɨma».