Apocalipsi 22:14 - Tachi Ak'õre Pedea

¹⁴ »Minachia pia p'anɨma chi neet'á pia sɨɨ uru bet'a. Ãchi p'uurude eda wãnai p'anɨma nejõ tachi chok'ae p'anapiparí jõnai k'orea.

Apocalipsi 22:14 ပူးပေါင်းရင်းမြစ်များ

Juan 10:7

Mãɨpuru Jesupa nãɨya jarasima: «Mɨa piarã jararuma, chi oveja eda wãpataɨ mɨpɨ.

Juan 10:9

»Mɨ chi eda wãpataɨpɨ. Chi mɨnepa eda wãru nemietaadepema k'aripaipɨ. Ne k'ɨ̃risiawẽa baipɨ, mãɨ ichia newẽa bɨ Tachi Ak'õrepa teai pẽra.

Juan 14:15

»Mãrapa mɨ piarã k'ɨ̃ria p'anɨpɨra, mɨ pedea oo p'ananaipɨ.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 4:12

Tai chõarãenapema Jacopa nãɨ yooro k'orodade pania joe ũu bɨt'a tai pae ameesima. Nãɨnepema to bapachima. Ichi warrarãpa mãɨnepa ichi ãnimararã pida topachidama. ¿Mãɨyara pɨ Jacó k'aepẽra chi atepe bɨk'ãra?

1 Corintio 7:19

K'ak'ua tauchaa bai atepe pia bɨwẽma. K'ak'ua tauchaawẽa bai sida atepe pia bɨwẽma. Tachi Ak'õrepa oopi bɨ pedea oo bai pia bɨma.

1 Corintio 8:9

Piarã tachia k'o k'ɨ̃ria p'anɨt'a p'ue k'odai p'anɨma. Maamina jĩrak'aua p'anat'ɨ mãrapa ne paritua k'o p'anɨnepa machi ũpẽa pia atua bɨt'a k'achiade baepidaemaapa.

1 Corintio 9:5

Waapẽarã Jesupa peedaɨrã, Tachi Chipari Jesú ũpẽarã, mãɨnepa Pedro ãchi k'imarã ome nipapatama. Ara ãchi jĩra ¿mɨa Jesude ĩjãaparí wẽra atak'ari, mãɨ ome nipaiwẽa bɨk'ãra?

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

1 Juan 3:3

Chi Cristo jĩra bai k'orea nɨ bɨt'a ara ichit'u ak'ɨ baparima nemietá ooemaapa, Cristo nemietá newẽa bɨ jĩra.

1 Juan 5:3

Tachi Ak'õre piarã k'ɨ̃ria p'anɨpɨra, ichia oopi bɨ pedea ãarea oodaipɨ. Ichia oopi bɨ pedea t'ajuwẽa bɨma.

Apocalipsi 2:7

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa pak'uru chok'ae bapiparidepema nejõ itu jõpiipɨ. Mãɨ pak'uru bɨɨrɨ Tachi Ak'õre ĩjũa auk'ará bɨde bɨma.

Apocalipsi 21:12

Mãɨ p'uuru ɨt'ɨ mawarapa audu jũk'a basima. Eda wãpataɨ doce p'anasidama. Eda wãpataɨcha Tachi Ak'õrepa ɨt'aripa peeda aba basima. Mãɨ awara Israel warrarã doce p'anana t'ɨ̃ eda wãpataɨcha aba bɨ basima.

Apocalipsi 21:27

Maamina ãarea chi Tachi Ak'õrepa pia unuk'apɨ́ chi p'uurude eda p'ue ateewãnaiwẽma. Chi nemietá oopataɨrã mãɨnepa chi seajarapataɨrã eda wãnaiwẽma. Abapuru chi ewaricha chok'ae p'ananai k'art'ade chi t'ɨ̃ bɨ berã mãɨrã p'ue eda wãnaipɨ. Mãɨ k'art'a chi Oveja Chak'epa uru bɨma.

Apocalipsi 22:7

Jesupa jarasima: «¡Ũrit'ɨ, mɨ isapea cheipɨ! Chi nãɨ k'art'ade Tachi Ak'õre pari pedeaparí pedea bɨda ĩjãa bɨt'a minachia pia bɨma».

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.