Apocalipsi 21:4 - Tachi Ak'õre Pedea

⁴ Ãchi tauba ichia ãarea p'oapiipɨ. Jõma naena bada jõna pẽra waa piudaiwẽma, waa jẽanaiwẽma, waa sõk'achiadaiwẽma mãɨnepa waa sõp'uadaiwẽma».

Apocalipsi 21:4 ပူးပေါင်းရင်းမြစ်များ

Mateo 24:35

Pajã mãɨnepa nãɨ ĩjũa jõipɨ, maamina mɨ pedea jõiwẽma.

1 Corintio 15:26

Mãɨ ãarea p'uek'ari, chi k'aadeapema nek'ĩramá, tachi piupataɨ, ichia mãɨ jõpiipɨ,

1 Corintio 7:31

Chi nãɨ ĩjũane tachia unu p'anɨ ãarea jõpodo pẽra chi ne pará bepa chi nenea bɨ jĩra k'ɨ̃risia p'ananai p'anɨma.

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

2 Corintio 6:17

Mãɨpuru Tachi Chiparipa nãɨya jarasima: «Ãchidepema ãyá wãt'ɨ. Ãchi ome ará p'anarãt'ɨ. Mɨmá chi piawẽa bɨt'a itu bɨt'ɨ. Maapae mɨa mãra pia jitaipɨ.

Hebreo 12:27

Mãicha orepiyade aside Tachi Ak'õrepa k'awapisima ne ãarea ichia ook'oadat'a orek'ari jõpiit'a. Mãɨne abapuru chi ne jõk'apɨɨt'a beeipɨ.

2 Pedro 3:10

Tachi Chiparipa ɨtɨai ewari paipɨ nechɨaparí chepari jĩra. Mãɨ ewaride ɨbɨa chi jĩk'ua baek'ari pajã wẽpapiipɨ. Nejõma tachia pajãne unupataɨ paawãipɨ. Mãɨnepa nãɨ ĩjũa mãɨnepa nejõma nãɨ ĩjũane be paawãipɨ.

1 Juan 2:17

Nãɨ ĩjũa nemietá mãɨnepa jõma nemietá ẽpẽrarãpa oo k'ɨ̃ria p'anɨt'a jõipɨ. Maamina chi Tachi Ak'õrepa jara bɨ oo bɨt'a ewaricha ichi ome chok'ae baipɨ.

Apocalipsi 20:13

Chi p'usade piudaadarã ãarea Tachi Ak'õre k'ĩrari chesidama. Abaeda chi piudaadarã jaore ãarea ãchi p'anapataɨmãɨpa Tachi Ak'õre k'ĩrari chesidama. Maapae Tachi Ak'õrepa ãchicha ɨtɨasima ãchia oodada jĩra.

Apocalipsi 20:14

Tachi Ak'õrepa chi tachi piudai p'anɨt'a jõpisima t'ɨpɨ uruade bat'a peeru jĩra. Ichiaba chi piudaadarã p'anapataɨmá t'ɨpɨ uruade bat'a peesima. Mãɨ uria azup're t'ɨpɨ urua nɨbɨmá bari k'ak'o ume piusiade apatama.

Apocalipsi 21:1

Mãɨya nak'ari mɨa pajã chiwidi mãɨnepa ĩjũa chiwidi unusima. Mãɨne nãɨ ĩjũa mãɨnepa pajã sida neé pasima. Ichiaba p'usa sida neé pasima.

Apocalipsi 22:3

Chi Tachi Ak'õrepa mietá bayade a badat'a chi p'uurude nea baipɨ. Tachi Ak'õre mãɨnepa chi Oveja Chak'e suak'a beeparí auk'ará bɨ chi p'uurude baipɨ. Mãma chi Tachi Ak'õre pae pari mimiapataɨrãpa ichiá pia pedeadaipɨ.

Apocalipsi 7:17

Chi suak'a beeparí auk'ará bɨde Oveja Chak'epa ãchi ak'ɨ baipɨ. Ãchi ateewãipɨ chi pania tachi chok'ae bapiparí t'ɨ nɨbɨmá mãɨ todamẽrá. Mãɨ ewaride Tachi Ak'õrepa ãchi tauba ãarea p'oapiipɨ.