Apocalipsi 21:2 - Tachi Ak'õre Pedea

² Mãɨnepa mɨa unusima Tachi Ak'õre p'uuru, chi Jerusalén chiwidi apataɨ, Tachi Ak'õre bɨmãɨpa pajãnepa edá cherut'a. Mãɨ p'uuru pia basima wẽra k'ima atarude minachia k'ak'apia bɨ jĩra.

Apocalipsi 21:2 ပူးပေါင်းရင်းမြစ်များ

Juan 3:29

Miak'ãiutade chi wẽra ataru mãɨ chi atepe bɨma. Maamina chi ichik'á bɨ k'õp'ãero arapá bɨma, ichia pedearut'a ũri bɨẽra. Ara mãɨ jĩra mɨ sõpia bɨma ichi nãma bɨ k'orea.

2 Corintio 11:2

Tachi Ak'õrepa ak'ɨpi bɨ jĩra mɨa mãra minachia ak'ɨ k'ɨ̃ria bɨma. Ẽpẽrapa ichi k'au k'ima tearu jĩra mɨa mãra Cristoa tea k'ɨ̃ria bɨma abapuru ichidirã p'ananamẽrá. Mɨa k'ɨ̃ria bɨma mãra ichi pae minachia pia p'ananait'a ãwẽra ɨmɨk'ĩra atua bɨ jĩra.

Hebreo 11:10

Abrahán mãɨya bapachima, chi p'uuru jõk'á bɨdea bade wãi k'orea nɨ bada pẽra. Mãɨ p'uuru Tachi Ak'õrepa minachia k'ɨ̃risia bak'ari ãarea oosima.

Hebreo 11:16

Maamina tua piipará bɨ pajãne bɨt'a k'ɨ̃ria p'anasidama. Mãɨpuru Tachi Ak'õre p'erak'ama ichi ãchi Ak'õrene autade. Ichia p'uuru ãchi pae oo uru bɨma.

Hebreo 12:22

Maamina mãra chi piarãpẽa Sión eyadea chesidama, chi pajãnepema Jerusalén apataɨdea, chi Tachi Ak'õre chok'ae bɨ p'uurudea mãɨnepa chi ichia ɨt'aripa peedaɨrã minachia nɨbɨt'a ãarea ará arapá nɨbɨmá.

Hebreo 13:14

Nãɨ ĩjũane tachi p'uuru jõk'apɨɨwẽne p'anɨwẽma, mãɨpari nɨ p'anɨma p'uuru jõk'apɨɨde p'ananai k'orea.

Apocalipsi 1:1

Mɨ Jesucristo pae pari mimiaparí Juanpɨ. Nãɨ k'art'ade bɨ bɨma Jesucristopa pajãnepa mɨá k'awapida. Mãɨ Tachi Ak'õrepa Jesucristoa k'awapisima chi ichide ĩjãa berã́ k'awapimẽrá tãaraawẽa bɨde sãit'a. Jesucristopa ɨt'aripa peeda aba mɨmá peesima mãɨ k'awapimẽrá.

Apocalipsi 1:4

Mɨ Juanpɨ. Nãɨ k'art'a bɨruma ũpẽarã p'uuru siete p'anɨ, Asia tuadepemarã pae. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a. Mãɨ ichipɨ, ichi naena basima mãɨnepa ichi chei bɨpɨ. Mãɨnepa mɨa k'ɨ̃ria bɨma chi suak'a beeparí auk'ará bɨ k'ĩrari siete jaore p'anɨpa mãɨya oo p'ananait'a.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Apocalipsi 11:2

Maamina chi Tachi Ak'õre te minachia bɨ ik'á tejã eda bɨt'a chaarãse, mãɨ mɨa chi mɨne ĩjãanak'apɨɨrã́ teada pẽra. Ãchia chi Tachi Ak'õre p'uuru Jerusalén p'uedaipɨ jedek'o k'ak'o 42 bɨpari.

Apocalipsi 21:10

Ara mãɨne Tachi Ak'õre Jaoredepa bɨde ichia mɨ eya minachia ɨt'ɨ bɨmá ateewãsima. Mãma unupisima Tachi Ak'õre p'uuru chiwidi Jerusalén apataɨ Tachi Ak'õre bɨmãɨpa pajãnepa edá cherut'a.

Apocalipsi 21:9

Maapae Tachi Ak'õrepa ɨt'aripa peedaɨrã p'arat'u jãjoa be siete uru p'anananepema aba mɨmá chesima. Mãɨ Tachi Ak'õrepa ɨt'aripa peedaɨrãpa ãchi p'arat'u jãjoa bede ne siete uru p'ananapa nãɨ ĩjũane be k'aadea minachia mĩapisidama. Chi mɨmá chedapa nãɨya jarasima: «Wãnama. Mɨa chi Oveja Chak'epa k'ima atait'a unupiipɨ».

Apocalipsi 22:17

Tachi Ak'õre Jaorepa mãɨnepa chi Oveja Chak'e k'ima atai bɨ pida nãɨya jara p'anɨma: «¡Chese!» Chi mãɨ ũri bɨpa jarai bɨma: «¡Chese!» Chi opisia bɨ chei bɨma, chi pania tachi chok'ae p'anapiparí tomẽrá. Chi mãɨ pania to k'ɨ̃ria bɨpa pari toi bɨma.

Apocalipsi 22:19

Mãɨnepa abaɨpa chi nãɨ k'art'ade bɨ bɨdepema pedea aba ãyá bɨipɨra, Tachi Ak'õrepa ichiá chi nejõ tachi chok'ae p'anapiparidepema itu jõpiiwẽma mãɨnepa Tachi Ak'õre p'uurude eda itu wãpiiwẽma. Mãɨ nejõ k'orea, mãɨnepa mãɨ p'uuru k'orea nãɨ k'art'ade bɨ bɨma.

Apocalipsi 3:12

Nemietá p'uedaadá mɨa Tachi Ak'õre te jĩru jĩra bɨipɨ. Mãɨya mãɨ tedepema ãyá ewariaba pida wãnaiwẽma. Ãchi tau bɨɨrɨde mɨ Ak'õre t'ɨ̃ bɨipɨ ichidirã k'awapiyá. Ichiaba ãchi tau bɨɨrɨde mɨ Ak'õre p'uuru t'ɨ̃ bɨipɨ mãmanepemarã k'awapiyá. Mãɨ Jerusalén P'uuru chiwidi apataɨ pajãnepa mɨ Ak'õre bɨmãɨpa cheipɨ. Mãɨnepa ãchi tau bɨɨrɨde mɨ t'ɨ̃ chiwidi bɨipɨ mõré k'awapiyá.