Apocalipsi 20:4 - Tachi Ak'õre Pedea

⁴ Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.

Apocalipsi 20:4 ပူးပေါင်းရင်းမြစ်များ

Mateo 19:28

Jesupa p'anoosima: —Mɨa piarã jararuma: Tachi Ak'õrepa ne ãarea chiwidi ooi ewaride mɨ, chi Ẽpẽra Warra mɨ poro jũra jɨ̃parí jɨ̃ bɨ suak'a beeparí auk'ará bɨde suak'abari beeipɨ. Mãɨne mãra mɨ ome p'ɨrrɨapataɨrã doce poro jũra jɨ̃parí jɨ̃ bɨ suak'a beeparide suak'abari p'aneenaipɨ, Israeldepema p'uuru doce p'anɨ nepɨra ak'ɨdai k'orea.

Mateo 24:10

Mãɨ k'orea ẽpẽrarã chok'araɨrãpa mɨne ĩjãa p'anɨt'a itu bɨdaipɨ. Mãɨne chi jitapidaipɨ mãɨnepa chi unuemaanaipɨ.

Marco 6:16

Maamina Herodepa mãɨya ũrik'ari jarasima: «Mãɨ Juanpɨ. Mɨa ichi poro bɨat'upisimina, piuda chok'ae p'irabarisima».

Marco 6:27

Ara mãɨne Herodepa chi jɨ̃a nɨbɨpataɨ tedepema chi ẽpẽra peaparí wãpisima Juan poro enemeemẽrá. Wãk'ari, Juan poro bɨat'uk'ari,

Marco 9:11

Maapae Jesua idisidama: —Mãɨyara Moisepa bɨda jarateapataɨrãpa ¿k'ãre k'orea Elía naa chei bɨade apatama?

Luca 1:17

Eliapa uru bada jaore, mãɨnepa ichi jua chaareadepema sida pɨ warrapa uru baipɨ. Mãɨnepa ichi Tachi Chipari naa wãipɨ chi ak'õrerã mãɨnepa chi naerã ãchi warrarã ome sõpiapii k'orea. Mãɨ awara ichia ĩjãanak'apɨɨrã sida k'aripaipɨ jĩp'a berãpa k'ɨ̃risiapataɨ jĩra k'ɨ̃risiadamẽrá. Mãɨya k'aripaipɨ p'uurudepemarãpa Tachi Chiparia pia pedeadamẽrá.

Luca 14:14

Mãɨyaipɨra piarã pɨ minachia pia baipɨ. Ãchia pɨá mi ãpia pida p'ue teadak'a pẽra, chi jĩp'a berã chok'ae p'irabariuta ewaride Tachi Ak'õrepa pɨá nepia teaipɨ.

Luca 22:30

Mɨchidirã mɨ juade ua barude, mãra mɨ ome nek'odaipɨ. Poro jũra jɨ̃parí jɨ̃ bɨ suak'a beeparide suak'abari p'aneenaipɨ, Israeldepema p'uuru doce p'anɨ nepɨra ak'ɨdai k'orea».

Juan 14:19

Tãaraawẽa bɨde nãɨ ĩjũanepemarãpa mɨ waa ununaiwẽma maamina mãrapa mɨ ununaipɨ. Mɨ chok'ae bɨẽra, mãra sida chok'ae p'ananaipɨ.

Romano 11:15

Tachi Ak'õrepa judiorã itu bɨda pẽra waapẽarã nãɨ ĩjũanepemarã ichi ome pia bɨsima. Mãɨpuru Tachi Ak'õrepa judiorã mãicha pia jɨrɨ atarude ¿sak'aima? Ãchi sida piudaadarã jĩra p'anana Tachi Ak'õre ome chok'ae p'ananaipɨ.

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

2 Timoteo 2:12

Tachi minachia mĩa p'anɨ choadaipɨra, ichi ome chi minachia k'awa p'anɨrã jĩra p'ananaipɨ. Tachia Cristo atua p'anɨane adaipɨra, ichia pida tachi atua bɨade aipɨ.

Apocalipsi 1:2

Jõma mɨa ununa piarã jara bɨma. Mɨa jararuma nãɨ pedea Tachi Ak'õrenepa che bɨt'a mãɨnepa Jesucristopa piarãt'a k'awapisit'a.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Apocalipsi 11:11

Maamina ewari k'ak'o ũpea ya estarik'a pak'ari Tachi Ak'õrepa ãchi k'ĩrapapisima. Chi k'ĩrapamaa p'anɨ ununaanapa minachia p'erasidama.

Apocalipsi 11:15

Tachi Ak'õrepa ɨt'aripa peeda sietedepema chi k'aadea bɨpa ichi ãnimara k'achu chaasima. Mãɨne pajãne chok'ará nãɨya jĩk'ua pedeasidama: «Chi nãɨ ĩjũanepema poro jũra jɨ̃parí jɨ̃ p'anɨrãpa ãchi jua ek'ari naena uru p'anana, Tachi Chipari mãɨnepa ichi Cristopa mãɨ ãarea ãchi juade uru p'aneesidama». Idiipa naa Tachi Ak'õre ewaricha ãareaɨrã Chipari baipɨ.

Apocalipsi 11:3

Mãɨ ewaride mɨa ẽpẽra ume tea peeipɨ mãɨrãpa mɨ k'orea pia pedeadamẽrá. Ãchia neet'á sõp'ua p'anɨne jɨ̃pataɨ jɨ̃nak'ari maapae Tachi Ak'õre k'orea pedeadaipɨ 1.260 ewari bɨpari».

Apocalipsi 11:7

Maamina Tachi Ak'õre k'orea jõma pedeadak'ari mãɨ ãnimara mietá chi uria minachia bɨdepa chedapa ãchi k'ĩruupik'oipɨ. Ãchi p'uek'ari k'enaipɨ.

Apocalipsi 12:11

Tachi ũpẽarãpa p'uesidama chi Oveja Chak'e oa ãrinanepa mãɨnepa ichia pedeade piarã ĩjãa bɨade a bɨdepa. Ãchi piudai p'anɨne wap'eadaé pasima, maawẽapuru chi Cristo pari piudayá p'anasima.

Apocalipsi 14:11

Chi mãɨ ẽpẽra minachia mĩa bɨmá mãɨ t'ɨpɨ tau k'iiwẽa baipɨ, maawẽapuru nãri minachia che nɨbaipɨ. Chi abaɨpa chi ãnimarane mãɨnepa chi sãdo juapa oodaada ara ichi jĩra bɨ k'ɨ̃riaipɨra, mãɨ ɨ̃apaawẽa baipɨ. Mãɨ ãnimara t'ɨ̃ itu tauchaapidaadapa mãɨrã p'ue ãst'á mãɨnepa teamasi ɨ̃apaadawẽa p'ananaipɨ».

Apocalipsi 15:2

Mãɨ awara mɨa p'usa jĩra p'ap'ãrá tot'á bɨ urua nɨbɨt'a unusima. Mãɨ lawari ãarea chi ãnimara p'uedaadat'a bai nɨp'anasidama. Ãchia mãɨ ãnimará mãɨnepa ara ichi jĩra juapa oodada sãdoa pia pedeadaé pasima mãɨnepa ichi t'ɨ̃ chi número bɨpidaé pasima. Ãchia chi Tachi Ak'õrepa teadat'a arpa juade uru p'anasima.

Apocalipsi 17:8

Chi pɨa ununa ãnimara mietá bɨ naena chok'ae bada, idiapae newẽma, maamina ewariaba chi uria minachia bɨdepa cherude, Cristopa mãɨ ɨtɨaipɨ. Nãɨ ĩjũanepemarãpa mãɨ ãnimara unuutade k'awa k'ɨ̃risiadawẽa p'aneenaipɨ. Nãɨ ĩjũa ooi naena ãchi t'ɨ̃ chi ewaricha chok'ae p'ananai k'art'ade bɨwẽa basima.

Apocalipsi 2:26

Chi nemietá p'uedaadarãpa mãɨnepa chi ewaricha mɨa k'ɨ̃ria bɨ oodaadarãpa mɨa mãɨrã bɨk'oaipɨ ãchi p'uurucha chiparirã padamẽrá, mɨ Ak'õrepa mɨ jõmãɨrã chipari bɨda jĩra. Maapae ãchia sõ chupuriadawẽa ãareaɨrã́ jok'ae oopidaipɨ, mãɨya oodamẽrá. Chok'o ãriuta jĩra jõmãɨrã p'uedaipɨ.

Apocalipsi 20:6

Chi Tachi Ak'õrepa naa chok'ae p'irabaripii ẽpẽerã minachia pia p'ananaipɨ. Waa piudaiwẽma, mãɨpari Tachi Ak'õre p'aarerã mãɨnepa Cristo p'aarerã p'ananaipɨ. Mãɨnepa mil ãyo Cristo ome chi poro jũra jɨ̃parí jɨ̃ p'anɨrã p'ananaipɨ.

Apocalipsi 22:5

Mãma waa k'iu baiwẽma. Tachi Ak'õre Chiparipa ɨnaapii bɨ pẽra, ĩpirawẽa mãɨnepa ɨmatawẽa ẽpẽerã pia p'ananaipɨ. Ewaricha ãchi ichi ome ará chi poro jũra jɨ̃parí jɨ̃ p'anɨrã p'ananaipɨ.

Apocalipsi 3:21

Mɨa nemietá p'ueda pẽra mɨ Ak'õre ome ichi suak'a beeparí auk'ará bɨde suak'abari beesima. Ara mãɨ jĩra nemietá p'uedaadarã mɨ suak'a beeparí auk'ará bɨde mɨ ome suak'abari beepiipɨ.

Apocalipsi 4:4

Mãɨnepa veinticuatro suak'a beeparí auk'ará p'anɨt'a jũra p'anasima. Chi mãɨ ɨ̃rɨ suak'a p'anasima chi chõarã 24 p'anɨt'a. Ãchi neet'á t'ot'oa beasima. Mãɨnepa poro jũra jɨ̃parí nee ooda jɨ̃ p'anasima.

Apocalipsi 6:9

Mãɨya nak'ari chi Oveja Chak'epa mãicha chi k'art'ade k'ara bada aba oet'aside mɨa unusima chi Tachi Ak'õre pedea jaratea p'anɨ k'orea peadaadarã jaore. Ãchi chi Tachi Ak'õre pae ne paateapataɨ pajãne bɨk'á p'anasima.

Apocalipsi 7:3

«Nãɨ ĩjũa ãrirãt'ɨ, chi p'usa sida, ni pak'uru sida mãɨ taipa chi Tachi Ak'õre pae mimiapataɨrã ãarea ãchi tau bɨɨrɨde tauchaautadea».